Tuesday, January 31, 2023
- Advertisement -
- Advertisement -
ዜናሚስጥራዊና አገር አፍራሽ ስብሰባ አድርጓል ተብሎ ፈቃዱ የተሰረዘው የሰላምና ልማት ማዕከል ወደ...

ሚስጥራዊና አገር አፍራሽ ስብሰባ አድርጓል ተብሎ ፈቃዱ የተሰረዘው የሰላምና ልማት ማዕከል ወደ ሥራ ተመለሰ

ቀን:

ከሰሜን ኢትዮጵያ ጦርነት ጋር በተገናኘ በኅዳር ወር ተጥሎ የነበረውን የአስቸኳይ ጊዜ አዋጅ በመተላለፍ የድርጅቱ የቦርድ አባላት፣ ‹‹በድብቅ አገርን ለማፍረስ›› ተንቀሳቅሰዋል በሚል ፈቃዱ ተሰርዞበት የነበረው በእነ ኤፍሬም ይስሃቅ (ፕሮፌሰር) የሚመራው ‹‹የሰላምና ልማት ማዕከል›› የተሰኘ የሲቪል ማኅበረሰብ ድርጅት፣ ፈቃዱ ታድሶለት ወደ ሥራ መመለሱ ታወቀ፡፡

 

ሪፖርተር ከኢትዮጵያ ሲቪል ማኅበረሰቦች ባለሥልጣንና ከሰላምና ልማት ማዕከል ያገኘው መረጃ እንደሚያመላክተው፣ የድርጅቱ ፈቃዱ ከአንድ ወር በፊት ተመልሶለት ሥራውን ጀምሯል፡፡

በኢትዮጵያ የሲቪል ማኅበረሰቦች ባለሥልጣን ተመዝግቦ በዴሞክራቲክ ግንባታ ሥራዎች ላይ እንደሚሠራ የተገለጸለት ይህ ተቋም፣ እንዲዘጋ ያደረገው ዋነኛ ምክንያት፣ የድርጅቱ ኃላፊዎች አገር አፍራሽ የሆነ ሚስጥራዊ ስብሰባ እንዳካሄዱ ከተገለጸ በኋላ ነበር፡፡

ይሁን እንጀ የሲቪል ማኅበረሰቦች ባለሥልጣን የሕግ ጉዳዮች ዳይሬክተር አቶ ዮናስ ምሥጋናው ለሪፖርተር እንደገለጹት፣ ፈቃዱ መሰረዙን ተከትሎ የድርጅቱ ሠራተኞች ለፍትሕ ሚኒስቴርና ለሲቪል ማኅበረሰቦች ባለሥልጣን አቤቱታ አቅርበዋል፡፡ አቤቱታቸው ተመርምሮ በሚስጥራዊ ስብሰባው ተሳትፈዋል የተባሉት የድርጅቱ የቦርድ አባላት እንዲታገዱና አዳዲስ የቦርድ አባላት ተመርጠው ድርጅቱ ወደ ሥራው እንዲመለስ ተወስኗል ብለዋል፡፡

በአሜሪካ የሰላምና ልማት ማዕከል በሚል ስያሜ የሚታወቀው ድርጅት መሥራች እንደሆኑ የሚታወቁት ኤፍሬም (ፕሮፌሰር)፣ በኢትዮጵያ የተመሠረተው ድርጅት መሥራች መሆናቸውን አቶ ዮናስ ተናግረዋል፡፡

በመላ አገሪቱ ተጥሎ የነበረው የአስቸኳይ ጊዜ አዋጅ መምርያ ዕዝ የአገርን ህልውናና ሉዓላዊነት፣ እንዲሁም ሰላማዊ ዜጎችን ለመጠበቅ አስፈላጊ ነው ብሎ ሲያምን በቀጥታም ሆነ በተዘዋዋሪ ለሽብር ቡድኖች የሞራልም ሆነ የቁሳቁስ ድጋፍ ያደርጋል ብሎ የሚጠረጥረውን የሲቪል ማኅበረሰብ ድርጅት ፈቃድ እንዲሰረዝ ሊያዝ እንደሚችል ተወስኖ በዚህ በተደነገገው መሠረት ቀድሞ የሰላምና ልማት ማዕከል ድርጅት ፈቃድ እንዲሰረዝ የአስቸኳይ ጊዜ አዋጅ መምርያ ዕዝ ውሳኔ ማሳለፉን፣ የፍትሕ ሚኒስቴር በቁጥር /-01/ባሰ-9/500773 ኅዳር 17/2014 .ም. በተጻፈ ደብዳቤ ማሳወቁ ይታወሳል፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...