Thursday, June 13, 2024
- Advertisement -
- Advertisement -

ማኅበራዊሴቶችን የሚንከባከብ የአንድ ሚሊዮን ዶላር ፕሮጀክት ትግበራ ተጀመረ

ሴቶችን የሚንከባከብ የአንድ ሚሊዮን ዶላር ፕሮጀክት ትግበራ ተጀመረ

ቀን:

በአማራና በቤኒሻንጉል ጉሙዝ ክልሎች በእርስ በርስ ግጭቶችና በኮቪድ-19 ወረርሽኝ ሳቢያ ጉዳት በደረሰባቸው አሥር ወረዳዎች ውስጥ የሥነ ተዋልዶ ጤናን ለማጠናከርና ሴቶችን ለመንከባከብ የሚያስችል የአንድ ሚሊዮን ዶላር ፕሮጀክት ትግበራ በይፋ ተጀመረ፡፡

መጋቢት 19 ቀን 2014 ዓ.ም. በተከናወነው ሥነ ሥርዓት ላይ በይፋ የተጀመረው ይኸው ፕሮጀክት በሥራ ላይ የሚቆየው እ.ኤ.አ. ከማርች 2022 እስከ ማርች 2023 ድረስ ሲሆን፣ የሚተገበረውም በአማራ ክልል ሰሜን ሸዋ፣ ምዕራብ ጎጃም፣ ፓዊና በኦሮሞ ብሔረሰብ ዞን በሚገኙ ስምንት፣ እንዲሁም በቤኒሻንጉል ክልል መተከል ዞን ባሉት ሁለት ወረዳዎች ውስጥ ነው፡፡

ፕሮጀክቱ በተዘረዘሩት ወረዳዎች በመከናወን ላይ ያለውን የእናቶችን ጤናና የሥነ ተዋልዶ ጤና ለማጠናከር እንዲሁም ፆታዊ ጥቃቶችን ለመከላከልና ጎጂ ልማዳዊ ድርጊቶችን ለማስቀረት እየተካሄደ ያለው እንቅስቃሴ ተጠናክሮ እንዲቀጥል የበኩሉን አስተዋጽኦ ያደርጋል ተብሏል፡፡

- Advertisement -

ከዚህም ሌላ ለጤና ባለሙያዎች የሙያ ማሻሻያ ሥልጠና በመስጠት፣ የግል መከላከያ ዕቃዎችን በማቅረብና አጠቃላይ የጤና ሥርዓቱ በተጠናከረ መልኩ እንዲከናወን ለማድረግ ተገቢውን ዕገዛ ያደርጋል፡፡

ፕሮጀክቱን በመተባበር ያዘጋጁት በኢትዮጵያ የጃፓን ኤምባሲ፣ በተባበሩት መንግሥታት የሥነ ሕዝብ ድርጅት (ዩኤንኤፍፒኤ) እና የሥነ ተዋልዶ ኤጀንሲ ሲሆኑ የሚተገበሩትም  የጤና ሚኒስቴር፣ የአማራና የቤኒሻንጉል ጉሙዝ ጤና ቢሮዎች ናቸው፡፡

በዚህም ፕሮጀክት በአሥሩ ወረዳዎች የሚገኙ 80,000 ሴቶችና ወንዶች ልጆችና አዋቂዎች ተጠቃሚ ይሆናሉ ተብሏል፡፡  

ፕሮጀክቱ ወደ ትግበራ መግባቱ በተገለጸበት መድረክ የተገኙት በኢትዮጵያ የጃፓን አምባሳደር ሚስዝ ኢቶ ታካኮ፣ ለኢትዮጵያ ሕዝብ ጤና መጠበቅ በተለይም በተጠቀሱት ወረዳዎች ውስጥ የኮቪድ-19 ወረርሽኝ ለመከላከል፣ የሥነ ተዋልዶ ጤናን ለማጠናከርና ፆታዊ ጥቃዎችን ለመከላከል እየተካሄደ ባለው እንቅስቃሴ ላይ አስተዋጽኦ በማበርከታቸው መደሰታቸውን ገልጸዋል፡፡

የዩኤንኤፍፒኤ የኢትዮጵያ ቢሮ ባለሙያ ሚስዝ ኢስፔራንስ ፋንዲራ በበኩላቸው፣ በየወረዳዎቹ እየተከናወኑ ያሉት የተጠቀሱትን ሥራዎች ማጠናከር እ.ኤ.አ. የ2030 አጀንዳ ለሆነው ዘላቂ ልማት ግቦች ስኬታማነት የበኩላቸውን ዕገዛ እንደሚያደርጉ ተናግረዋል፡፡  

ጃፓን እ.ኤ.አ. በ2021/2022 ለኢትዮጵያ ያበረከተችው የ700 ሚሊዮን ብር ሰብዓዊ ድጋፍ፣ የተባበሩት መንግሥታት ድርጅት አካል በሆኑ በስምንት ዓለም አቀፍ ድርጅቶች እየተተገበረ መሆኑን ከኤምባሲው የተገኘው መረጃ ያመለክታል፡፡

የተባበሩት መንግሥታት የሥነ ሕዝብ ድርጅት በ155 አገሮች መከላከል የሚቻለውን የእናቶች ሞት ለማስቀረት፣ በወጣት ሴቶችና ልጃገረዶች ላይ የሚፈጸመውን አጉል ልማድ ለማስቀረት፣ የሥነ ተዋልዶ ጤናን ለማጠናከርና በፆታ ላይ የተመሠረተ ጥቃትን ለመከላከል አጥብቆ እየሠራ መሆኑንም አመልክቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...