Wednesday, February 1, 2023
- Advertisement -
- Advertisement -
ማኅበራዊሦስተኛው የአፍላዎችና ወጣቶች ጤና ስትራቴጂ ይፋ ሆነ

ሦስተኛው የአፍላዎችና ወጣቶች ጤና ስትራቴጂ ይፋ ሆነ

ቀን:

በዓለም አቀፍ ደረጃ 1.8 ቢሊዮን ወጣቶችና አፍላ ወጣቶች ይገኛሉ፡፡ ከእነዚህም መካከል በየቀኑ ከ3,000 በላይ የሚሆኑት መከላከል በሚቻል የተለያዩ የጤና ችግሮች ሕይወታቸው እንደሚያልፍ መረጃዎች ይጠቁማሉ፡፡

የአፍላ ወጣቶች እርግዝና እ.ኤ.አ. በ2000 ከነበረው 16 በመቶ እ.ኤ.አ. በ2016 ወደ 13 በመቶ ዝቅ ብሏል፡፡ ለዚህም ከዚህ ቀደም የተተገበሩት ሁለት የአፍላዎችና ወጣቶች ጤና ስትራቴጂ አስተዋጽኦ አድርገዋል፡፡ አሁን ላይ ደግሞ ሦስተኛው የአፍላዎችና ወጣቶች ጤና ስትራቴጂ ይፋ ሆኗል፡፡

በጤና ሚኒስቴር የእናቶች፣ ወጣቶችና ሕፃናት ጤና ዳይሬክቶሬት የወጣቶችና አፍላ ወጣቶች ቡድን አስተባባሪ ኤደን ፍሥሐ (ዶ/ር) እንደገለጹት፣ ኢትዮጵያ ከፍተኛ የወጣት ቁጥር ካሏቸው አገሮች የምትመደብ ስትሆን፣ 33 በመቶ የሚሆነው የኅብረተሰብ ክፍሏ ደግሞ ከ10 እስከ 24 ዓመት የዕድሜ ክልል ይገኛል፡፡

በወጣቶችና አፍላ ወጣቶች ላይ ያተኮረ የምክክር መድረክ በአዳማ ከተማ መጋቢት 28 ቀን 2014 ዓ.ም. በተካሄደበት ሥነ ሥርዓት ላይ አስተባባሪዋ እንዳሉት፣ ይህንን ቁጥር ከግምት ውስጥ በማስገባት መንግሥትና የልማት አጋሮች አገሪቱ በኢኮኖሚ ዕድገት የላቀ እመርታ እንድታመጣ ዘርፈ ብዙ እንቅስቃሴ በማድረግ ላይ ይገኛሉ፡፡

እ.ኤ.አ. በ1994 በካይሮ በተካሄደው የኢንተርናሽናል ፎር ፖፑሌሽን ደቨሎፕመንት ኮንፈረንስ ከተሳተፉት 176 አገሮች መካከል አንዷ የሆነችው ኢትዮጵያ የወጣቶችና አፍላ ወጣቶችን የሥነ ተዋልዶ ጤና አገልግሎት መብትን የተቀበለች አገር መሆኗን አስታውሰዋል፡፡

የጤና ሚኒስቴር የወጣቶችና አፍላ ወጣቶችን ጤና ለማሻሻል ከትምህርት ተቋማት ጋር በቅንጅት መሥራት ይገባዋል ያሉት አስተባባሪዋ፣ እስካሁን ሁለት የሥነ ተዋልዶ ጤና ስትራቴጂዎችን (ከ2006-2015 እና ከ2016-2020) በመተግበር በኤችአይቪና በሌሎች በሥነ ተዋልዶ ጤና ላይ አበረታች ውጤት ተገኝቷል ብለዋል፡፡

አሁን ሦስተኛው የወጣቶችና አፍላ ወጣቶች ጤና የአምስት ዓመት ስትራቴጂክ ዕቅድ ይፋ የተደረገ ሲሆን፣ ሁሉን አቀፍ የወጣቶችና አፍላ ወጣቶች ጤና ችግሮችን (የሥነ ተዋልዶ ጤና፣ ተላላፊና ተላላፊ ያልሆኑ በሽታዎች መከላከልን፣ የአደንዛዥ ዕፅ መጠቀምና የአዕምሮ ጤና፣ የሥርዓተ ምግብ፣ ፆታን መሠረት ያደረገ ትንኮሳና ጎጂ ባህላዊ ድርጊቶች፣ ቴክኖሎጂና የወጣቶችና ጤና በሰብዓዊ ምላሽ ወቅት ጉዳዮችን በማካተት በዋናነት የጤናውን ዘርፍ የአምስት ዓመት ስትራቴጂክ ዕቅድን መሠረት አድርጎ መዘጋጀቱ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...