Wednesday, October 5, 2022
ሌሎች ዓምዶች
    - Advertisement -
    - Advertisement -
    - Advertisement -

    ፌርማታ ፅሁፎች

    የተዘጋበት ቁልፍ

    ትኩስ ፅሁፎች

    የተዘጋን ጎጆ የተቆለፈን በር

    የተራበ ሕፃን ለመክፈት ሲታገል

    በታላቅ ሰንሰለት የታሰረን አጥር

    ማን ዘጋው? እያለ ጎበዙ ሲያማርር

    ሌሊት ይመስለኛል ተኝቼ በሕልሜ

    ከአንድ ታላቅ ባህር ከአፋፍ ላይ ቆሜ

    የተዘጋውን በር ሊከፍቱት ሲያንኳኩ

    ተስፋ የቆረጡት ወድቀው በየመስኩ

    ተመልክቼ ነበር በትንሽ ዕድሜዬ

    በእንቅልፍ ላይ ባለች ባለች በሕልም ጊዜዬ

    ለካስ በዛች አገር እያንኳኩ ነበር ትውልድ የሚኖረው

    እልሁ በርትቶ በሩን እስኪሰብረው

    አዎ በዛች አገር አባት በልጁ ላይ ቆልፎበት ነበር

    በዕዳ በተሠራ በትልቅ ብረት በር

    የዛች ምስኪን አገር ቁልፉ ግን የጠፋው

    እደጅ አልነበረም ውስጥ ጓዳ ነው

    እውነት የትኛው ነው?

    ፍሬ ነው አበባ ወይም የፍሬ ግንድ

    መጥፎ ነው ተብሎ ተጥሎ የሚማገድ

    ቁልፉን የጣለው ነው በሩን የሰበረው

    ከተጠያቂነት ነፃ የሚባለው?

    እናም በዛች አገር መፍትሔ የሚባለው

    ቁልፉን ማግኝት ሳይሆን በሩን መስበር ላይ ነው

    እውነት የትኛው ነው?

    ፍሬ ነው አበባ ወይም የፍሬ ግንድ

    መጥፎ ነው ተብሎ ተጥሎ የሚማገድ?

    ቁልፉን የጣለው ነው በሩን የሰበረው

    ከተጠያቂነት ነፃ የሚባለው?

    አዋ በዛች አገር የእናቶች እንባ ሰማያትን ቀዷል

    የሕፃናት ጩኧት የእግዚአብሔር ዙፋን ሥር እንደ ጭቃ ሆኗል

    አዋ በዛች አገር የሚያንኳኩ እጆች ቁጥሮች ጨምረዋል

    ተስፋ የቆረጡ እርማችን ነው ያሉ ባህር ተሻግረዋል

    እኛስ ለምንድነው ለዘመን ዘመናት

    በሩን የምንመታው ቁልፉን ዘግተውበት

    በዛች አገር እኮ መፍትሔ ሚባለው

    ቁልፉን ማግኘት ሳይሆን በሩን መስበር ላይ ነው…፡፡

    • ገጣሚ ኤፍሬም ስዩም
    - Advertisement -
    - Advertisement -

    ተጨማሪ ለማንበብ

    በብዛት የተነበቡ ፅሁፎች