Sunday, February 5, 2023
- ማስታወቂያ -
- ማስታወቂያ -

ከ235 ሺሕ ሜትሪክ ቶን በላይ ጥራጥሬና የቅባት እህል በመጋዘን ተደብቆ ተገኘ

- ማስታወቂያ -

ተዛማጅ ፅሁፎች

የንግድና ቀጣናዊ ትስስር ሚኒስቴር ከ235 ሺሕ ሜትሪክ ቶን በላይ ጥራጥሬና የቅባት እህል በመጋዘን ተደብቆ መገኘቱን፣ አስታወቀ። ምርቱ ለውጭ ገበያ መቅረብ ሲጠበቅበት በተለያዩ መጋዘኖች ተደብቆ መገኘቱን፣ በንግድና ቀጣናዊ ትስስር ሚኒስቴር የኮሙዩኒኬሽን ኃላፊ ወ/ሮ ቁምነገር እውነቱ ለሪፖርተር ገልጸዋል።

በዚህም መሠረት በበጀት ዓመቱ እስካሁን ለገበያ መቅረብ የሚችል ከ235 ሺሕ ሜትሪክ ቶን በላይ የጥራጥሬና ቅባት እህል በአዳማ፣ በቡራዩ፣ በቃሊቲና በገላን ከተሞች በላኪ ድርጅቶች ማከማቻ መጋዘንና በማዘጋጃ ኢንዱስትሪዎች ውስጥ ተከማችቶ ማግኘቱን ገልጸዋል።

ሚኒስቴሩ ባደረገው ዳሰሳ መሠረትም በአዳማ ከተማ 6,610 ሜትሪክ ቶን የቅባት እህል፣ 55,485 ሜትሪክ ቶን የጥራጥሬ ሰብል፣ በአቃቂ ቃሊቲ 3,325 ሜትሪክ ቶን የቅባት እህል፣ 2,400 የጥራጥሬ ሰብል፣ በቡራዩ ከተማ 43,569.25 ሜትሪክ ቶን የቅባት እህል፣ 116,844 ሜትሪክ ቶን የጥራጥሬ እህል፣ እንዲሁም በገላን ከተማ 57,274 ሜትሪክ ቶን የቅባት እህልና 177,514 ሜትሪክ ቶን ጥራጥሬ ተገኝቷል ብለዋል።

በ2014 በጀት ዓመት ስምንት ወራት ውስጥ በአጠቃላይ ወደ ውጭ ለመላክ የታቀደው የቅባት እህል 190,638 ሜትሪክ ቶን ሲሆን፣ 135,371 ሜትሪክ ቶን ተልኮ 205.8 ሚሊየን ዶላር ማስገኘት ችሏል። በዚሁ ወቅት 140 ሺሕ ቶን ጥራጥሬ የተላከ መሆኑን፣ 157 ሚሊየን ዶላር ማስገኘቱን የተቋሙ ሪፖርት ያሳያል።

በዚህም መሠረት በስምንት ወራት ውስጥ የተላከው የጥራጥሬና ቅባት እህል በመጋዘን ተደብቆ ከተገኘው ጋር ሲነፃፀር ተቀራራቢነት ያለው ሆኖ ተገኝቷል።

ምርቱን ደብቀዋል የተባሉት ባለንብረቶች በዋናነት የገበያ ዋጋ ይጨምራል በሚል ምክንያት እንደሆነ፣ በዚህም አገሪቱ በወቅቱ ማግኘት የሚገባትን የውጭ ምንዛሪ እንዳታገኝ አድርገዋል ያሉት ወ/ሮ ቁምነገር፣ ምርቱ ወደ ውጭ ሳይላክ ቢቀርም እንደ ኪሳራ ስለማይቆጠር፣ በቀጣይ ምርቱ ለገበያ ቀርቦ ገቢ ሊገኝበት ይችላል ብለዋል።

ባለንብረቶቹም ምርቱን ለገበያ እንዲያቀርቡ መታዘዛቸውን፣ ካላቀረቡ ግን ዕርምጃ ሊወሰድባቸው እንደሚችል ማስጠቀቂያ መሰጠቱን አክለዋል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች