Wednesday, December 7, 2022
ሌሎች ዓምዶች
    - Advertisement -
    - Advertisement -
    ዜናየሲቪል ማኅበረሰብ ድርጅቶች ምክር ቤት በHR6600 እና S3199 ረቂቅ ሕጎች ላይ የዕርምት...

    የሲቪል ማኅበረሰብ ድርጅቶች ምክር ቤት በHR6600 እና S3199 ረቂቅ ሕጎች ላይ የዕርምት እንዲወሰድ ጠየቀ

    ቀን:

    በኢትዮጵያ ውስጥ ተመዝግበው የሚንቀሳቀሱ ከ3,700 በላይ የሲቪል ማኅበረሰብ ድርጅቶችን እንደሚወክል የገለጸው የኢትዮጵያ የሲቪል ማኅበረሰብ ድርጅቶች ምክር ቤት፣ የአሜሪካ መንግሥት በአገሪቱ ምክር ቤቶች የተዘጋጁትን የHR6600 እና S3199 ረቂቅ ሕጎችን በተመለከተ የማስተካከያ ዕርምጃ እንዲወሰድ፣ ለአሜሪካው ፕሬዚዳንት ጆ ባይደን ደብዳቤ ጻፈ፡፡

    ምክር ቤቱ ሐሙስ ሚያዝያ 13 ቀን 2014 ዓ.ም. በጻፈው ደብዳቤ፣ ከ3,700 በላይ የምክር ቤቱ አባል የሆኑ የሲቪል ማኅበረሰብ ድርጅቶች፣ በአሜሪካ ሁለቱ ምክር ቤቶች እየወጡ ያሉት ሁለቱ ረቂቅ ሕጎች፣ ኢትዮጵያውያን ዜጎች የአገሪቱ መንግሥትና በአፍሪካ ቀንድ ላይ የሚገኙ ሌሎች አገሮች ላይ፣ ምክንያታዊ ያልሆነ ማዕቀብና ዕርምጃ እንዲወሰድ የሚያደርጉ መሆናቸውን እንደሚያምኑ ገልጿል፡፡ ከዚህ ባሻገር የአገሪቱ ምክር ቤቶች ረቂቅ ሕጎቹን የሚያፀድቁ ከሆነ፣ በአገሪቱ የሰላም ዕርምጃ፣ ሁሉን አቀፍ ምክክር፣ የማይቆራረጥ ሰብዓዊ ዕርዳታና ተኩስ አቁምን በተመለከተ የተወሰዱ ዕርምጃዎችን ‹‹ያለምንም ጥርጥር›› ወደኋላ የሚመልሱ ይሆናሉ የሚል ሥጋት እንዳለው አስታውቋል፡፡ ይኼ የሚሆን ከሆነም ሕጎቹ፣ መሬት ላይ ያለውን እውነታና በመፅደቃቸው በሰብዓዊ መብቶች እንዲሁም የዘላቂ ልማት መሠረት በሆነው ሰላም ላይ፣ የሚያስከትሉትን የጎላና ቀጥተኛ ተፅዕኖ ማገናዘብ ያቃታቸው መሆናቸውን እንደሚያሳይ ምክር ቤቱ ተናግሯል፡፡ ከዚህም ባሻገር ኢትዮጵያ ከአሜሪካ ጋር ያላትን ታሪካዊ ትስስር የሚያዋርድ እንደሚሆን ምክር ቤቱ በደብዳቤው ላይ አስፍሯል፡፡

    ኢትዮጵያ አሁንም ቢሆን በኮቪድ-19 እና በጦርነቱ ምክንያት ከተጋረጠባት ሰብዓዊ፣ ኢኮኖሚያዊና ማኅበራዊ ችግር ጋር እየተጋፈጠች መሆኑን የሚያትተው የምክር ቤቱ ደብዳቤ ፕሬዚዳንት ጆ ባይደንም ቢሆን በጦርነቱ ሳቢያ በሰዎች ላይ ስለተከሰተው ከባድ ጉዳት ዕውቀቱ እንዳላቸው ገልጿል፡፡ ደብዳቤው፣ ከተጀመረ ከአንድ ዓመት በላይ የሆነው ይህ ጦርነት ብዙዎችን ለርሃብ፣ ለበሽታ፣ ለምግብ እጥረትና ለሞት መዳረጉን አስረድቶ አሁንም ሚሊዮኖች አፋጣኝ የሰብዓዊ ዕርዳታ አቅርቦትን እንደሚሹ አስረድቷል፡፡

    የምክር ቤቱ አባላት፣ አገሪቱ ይኼ ዓይነት ችግር ውስጥ ባለችበት ሁኔታ እየወጡ ያሉት ሁለቱ ረቂቅ ሕጎች፣ በአገሪቱ ላለው አስከፊ ሁኔታ መፍትሔ ለመስጠት ትክክለኛ መንገድ ናቸው የሚል እምነት እንደሌላቸው የገለጸው ደብዳቤው፣ ገንቢ ሚና እንደማይኖራቸውም አስረድቷል፡፡ ይልቁንስ በተቃራኒው የሕዝቡን የዕለት ተዕለት ኑሮ ላይ አሉታዊ ተፅዕኖ እንደሚያሳድሩ አክሏል፡፡

    ከዚህም ባሻገር በረቂቅ ሕጎቹ ሳቢያ የተጋረጠው ማዕቀብ ከተባበሩት መንግሥታትና የአፍሪካ ኅብረት መርሆዎች እንዲሁም አሜሪካ ከምታቀነቅናቸው መሠረታዊ ዕሴቶች ጋር የሚቃረን መሆኑ በደብዳቤው ላይ ሰፍሯል፡፡ ፕሬዚዳንቱ ኢትዮጵያ የቆመችበትን መንታ መንገድ ይረዳሉ የሚል እምነቱን የገለጸው ምክር ቤቱ፣ ኢትዮጵያ ውስጥ ያለው አዲስ የፖለቲካ ሁኔታ አገሪቱ ወደ ዲሞክራሲና ዕድገት ለመምራት እንደ አሜሪካ ያሉ አገሮችን ኢኮኖሚያዊ ድጋፍ የሚሻ መሆኑን አስምሮበታል፡፡    

    በርካታ ምክንያቶችን የዘረዘረው የምክር ቤቱ ደብዳቤ፣ አባላቱ በጎጂና ተደጋጋሚ ተፅዕኖው የተነሳ የአሜሪካን ማዕቀብና የተናጠል ዕርምጃ እንደሚቃወም ገልጿል፡፡ የፕሬዚዳንት ጆ ባይደን አስተዳደርም ሁለቱን ረቂቅ ሕጎችን በተመለከተ ሁለቱንም አገሮች የሚጠቅም የዕርምት ዕርምጃ እንዲወስድ ጠይቋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ኢዜማ በምሥራቅ ወለጋ ዞን የንፁኃን ጭፍጨፋ አሳስቦኛል አለ

    በግጭት ቀጣና ውስጥ ያሉ ዜጎች ራሳቸውን ከጥቃት ለመጠበቅ መታጠቅ...

    ኦሲፒ አፍሪካ ጨዋማ መሬት ለማከም የሚረዳ ምርምር ይፋ አደረገ

    በተለያዩ የአገሪቱ አካባቢዎች ለአርሶ አደሩ የሚሠራጨውን የአፈር ማዳበሪያ በማቅረብ...

    የግብርና ምርምር ኢንስቲትዩት በየዓመቱ አርባ አዳዲስ የሰብል ዝርያዎችን እያስተዋወቀ መሆኑን ገለጸ

    የአገሪቱን የግብርና ልማት በምርምር የሚያግዙ የግብርና ቴክኖሎጂዎችን የማልማት፣ የግብርና...

    የተሽከርካሪ ባለንብረቶች በአክሲዮን ለመደራጀት የሚያስፈልጋቸውን የተሽከርካሪ ብዛት የሚወስን መመርያ ተረቀቀ

    የደረቅ ጭነት ትራንስፖርት ባለንብረቶች ከማኅበርነት ወጥተው አክሲዮን ሲቋቋሙ፣ ከሚጠበቅባቸው...