Monday, July 22, 2024
- Advertisement -
- Advertisement -
ማኅበራዊሁለገቧ ከያኒት ዘነቡ ገሠሠ (1956 - 2014)

ሁለገቧ ከያኒት ዘነቡ ገሠሠ (1956 – 2014)

ቀን:

በጥበቡ ዓለም በተለይም በተወዛዋዥነት፣ በድምፃዊነትና በተዋናይነት ከአራት አሠርታት በላይ ከፖሊስ ሠራዊት ኤርኬስትራ እስከ ራስ ቴአትር ያገለገለችው ሁለገቧ ከያኒት ዘነቡ ገሠሠ ናት፡፡

በቀድሞዋ የኤርትራ ክፍለ ሀገር በአስመራ ከተማ በሚገኘው የሰሜን ዕዝ ፖሊስ ኦርኬስትራ ከጥበብ ጋር የተገናኘችው ዘነቡ በ1970 ዓ.ም. ከተቀጠረች በኋላ ነው፡፡ በገጸ ታሪኳ እንደተገለጸው፣ በአስመራ በነበራት የአራት ዓመታት ቆይታ በተወዛዋዥነት፣ በድምፃዊነትና በአጫጭር ተውኔቶች አገልግላለች፡፡

ከአስመራ መልስ ከጥቂት ዓመታት ቆይታ በኋላ በራስ ቴአትር በ1976 ዓ.ም. የተቀጠረችው ከያኒት ዘነቡ፣ በተወዛዋዥነትና በመድረክ ሥራዎች ላይ ተሳታፊ ነበረች፡፡ ከተውኔቱ ዓለም ይበልጥ በተዋወቀችበት ራስ ቴአትር ከተወነቻቸው ተውኔቶች መካከል ላጤ፣ የሰው ሰው፣ ዘር አዳኝ፣ አሻራ ተጠቀሽ ሥራዎቿ ናቸው፡፡

በተጨማሪም ከያኒቷ በሜካፕ፣ በአልባሳትና በቁሳቁስ ባለሙያነት፣ በአዳራሽና በሌሎች ኃላፊነቶች በትጋት ማገልገሏ በገጸ ታሪኳ ላይ ተዘግቧል፡፡

ከቅርብ ዓመታት ወዲህ ጎልተው ከወጡት የሙሉ ጊዜ ፊልሞችና ሲትኮም ድራማዎች ላይ በመተወን የብዙዎችን ቀልብ የሳበች ሲሆን፣ ከእነሱም መካከል አያስቅም፣ ያለ ሴት፣ አስታራቂ፣ የከበረ ደሃና ሹገር ማሚ ይጠቀሳሉ፡፡

የነበራትን ጥበባዊ አበርክቶ የተመለከቱ ተቋማት ጉማ አዋርድን ጨምሮ ሸልመዋታል፡፡

ከአባቷ ከ፲ አለቃ ገሠሠ ነጋሽና ከእናቷ ወ/ሮ ስመኝ ዓለሙ በቤጌምድርና ስሜን ጠቅላይ ግዛት፣ ጎርጎራ ከተማ ሚያዝያ 27 ቀን 1956 ዓ.ም. የተወለደችው ከያኒት ዘነቡ፣ የመጀመርያ ደረጃ ትምህርቷን በቀዳማዊ ምኒልክ ትምህርት ቤት ተከታትላለች፡፡

ባደረባት ሕመም ምክንያት በተወለደች በ57 ዓመቷ ሚያዝያ 16 ቀን 2014 ዓ.ም. ያረፈችው ዘነቡ፣ በማግሥቱ በቦሌ ቡልቡላ መድኃኔ ዓለም ቤተ ክርስቲያን ሥርዓተ ቀብሯ ተፈጽሟል፡፡

ከያኒት ዘነቡ የሁለት ሴትና የሁለት ወንድ ልጆች እናት የነበረች ሲሆን፣ የሁለት ሴት ልጆችም አያት ሆናለች፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...