Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    የገቢዎች ሚኒስቴር በዘጠኝ ወራት ውስጥ የዕቅዱን 93 ከመቶ ገቢ እንደሰበሰበ አስታወቀ

    - ማስታወቂያ -

    ተዛማጅ ፅሁፎች

    የአዲስ አበባ ገቢዎች ቢሮ ከ200 በላይ ሠራተኞች ላይ ዕርምጃ ወሰድኩ ብሏል

    በተያዘው ዓመት መጨረሻ 360 ቢሊዮን ብር ገቢ ለመሰብሰብ አንዳቀደ ያስታወቀው የገቢዎች ሚኒስቴር፣ ባለፉት ዘጠኝ ወራት የሰበሰበው ገቢ የዕቅዱን 93 ከመቶ እንደሚሸፍን አስታወቀ፡፡

    ሚኒስቴር መሥሪያ ቤቱ ባለፉት ዘጠኝ ወራት ውስጥ የተሰበሰበው ገቢ ከ248.6 ቢሊዮን ብር በላይ እንደሆነ ያስታወቀ ሲሆን፣ ይህም ለመሰብሰብ ካቀደው 267.5 ቢሊዮን ብር በ18.9 ቢሊዮን ብር ያነሰ ነው፡፡ ነገር ግን የተሰበሰበው ገቢ ከወር በፊት በስምንት ወራት ውስጥ ከተሰበሰው 221.4 ቢሊዮን ብር ገቢ በ27.1 ቢሊዮን ብልጫ የተገኘበት እንደሆነ ታውቋል፡፡

    የመጋቢት ወር ጨምሮ በዘጠኝ ወራት ውስጥ ከተሰበሰበው ገቢ ከአገር ውስጥ ታክስ የተሰበሰበው 145.2 ቢሊዮን ብር ሲሆን፣ ከወጪ ንግድ ቀረጥና ታክስ የተሰበሰበው ገቢ ደግሞ 103.3 ቢሊዮን ብር ሆኗል፡፡

    በአገሪቱ ውስጥ በተፈጠረው የፀጥታ ችግር ምክንያት በሚኒስቴር መሥሪያ ቤቱ ሥር የሚገኙ አራት ገቢ ሰብሳቢ ቅርንጫፎች ከሥራ ውጪ እንደሆኑበት ያስታወሰው የገቢዎች ሚኒስቴር፣ የተለመደው የንግድ ሥርዓት እንቅስቃሴ በተቀዛቀዘበት ወቅት የተሰበሰበ ገቢ በመሆኑ አፈጻጸሙ አበረታች እንደሆነ አስታውቋል፡፡

    የገቢዎች ሚኒስቴር በተያዘው ዓመት ከአገር ውስጥ ታክስ ብቻ 205 ቢሊዮን ብር እንደሚሰበሰብ ግብ የተቀመጠ ሲሆን፣ በሌላ በኩል ከውጭ ንግድ ቀረጥና ታክስ 154.7 ብር፣ እንዲሁም ከሎተሪ ትርፍ 204.9 ሚሊዮን ብር ለመሰብሰብ እንደታቀደ ሚኒስቴር መሥሪያ ቤቱ አስታውቋል፡፡

    ከሰሜኑ ጦርነት ጋር ተያይዞ በመቀሌ ገቢዎችና ሚኒስቴር ጉምሩክ ኮሚሽን ቅርንጫፎች በተያዘው ዓመት የመጀመርያዎቹ አምስት ወራት ብቻ በድምሩ 1.8 ቢሊየን ብር ለመሰብሰብ አቅዶ ምንም ገቢ እንዳልተሰበሰበ ከዚህ ቀደም ሚኒስቴር መሥሪያ ቤቱ አስታውቆ የነበረ ሲሆን፣ በተመሳሳይ በኮምቦልቻ ገቢዎችና ጉምሩክ ኮሚሽን ቅርንጫፎች በአምስት ወራቱ ውስጥ ለመሰብሰብ ታቅዶ ከነበረው 2.3 ቢሊየን ብር የተሰበሰበው 1.9 ቢሊዮን ብር ብቻ እንደነበረ ተገልጿል፡፡ በዚህም በተጠቀሱት ወራት ውስጥ ከመቀሌና ኮምቦልቻ አራት ቅርንጫፎች ይሰበሰባል ተብሎ ከታቀደው 3.3 ቢሊየን ብር ውስጥ፣ 1.9 ቢሊየን ብር ብቻ እንደተሰበሰበ መገለጹ የሚታወስ ሲሆን፣  2.3 ቢሊየን ብር ሳይሰበሰብ ቀርቷል፡፡

    በሌላ በኩል የአዲስ አበባ ገቢዎች ቢሮ ባለፉት ዘጠኝ ወራት ውስጥ ከ43 ቢሊዮን ብር በላይ መሰብሰቡን ያስታወቀ ሲሆን፣ ይህም ቢሮው በዘጠኙ ወራት ውስጥ ለመሰብሰብ ካቀደው 37 ቢሊዮን ብር የስድስት ቢሊዮን ብር ብልጫ የታየበት እንደሆነ ገልጿል፡፡

    የገቢዎች ቢሮው ከ400 ሺሕ በላይ ከሆኑት ደንበኞቹ የከተማዋን ገቢ እየሰበሰበ እንደሚገኝ የተገለጸ ሲሆን፣ የገቢ አሰባሰብ ሥራውን ለማዘመን ከሚደረገው ጥረት ባሻገር አሁንም በቢሮው ስም ወንጀል በሚሠሩ አካላት፣ የሥነ ምግባር ችግር ባለባቸው ባለሙያዎች፣ እንዲሁም ገቢን በመሰወር ወንጀል ላይ በተሰማሩ ግለሰቦችና ተቋማት ላይ ሕግ የማስከበር ሥራ አያከናወነ እንደሚገኝ ተገልጿል፡፡ በዚህም የሥነ ምግባር ጥሰት በፈጸሙ ከ200 በላይ ሠራተኞች ላይ ከቀላል ቅጣት እስከ ሥራ ስንብት የደረሰ ዕርምጃ መውሰዱ ተገልጿል።

    ከዚህ በሻገር ቢሮው የሕግ ተገዥነትን ለማረጋገጥ አከናወንኩት ባለው ተግባር መንግሥት ሊያጣው የነበረን ከ200 ሚሊዮን ብር በላይ ገንዘብ ማዳን መቻሉ ጠቁሟል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች