Monday, September 26, 2022
ሌሎች ዓምዶች
    - Advertisement -
    - Advertisement -
    ማኅበራዊየመድኃኒት አስመጪ ወኪሎች ብዛት ገደብ ቢነሳም በአዲሱ አሠራር እየተገለገሉ አይደለም

    የመድኃኒት አስመጪ ወኪሎች ብዛት ገደብ ቢነሳም በአዲሱ አሠራር እየተገለገሉ አይደለም

    ቀን:

    የመድኃኒት አስመጪ ወኪሎች ሦስት ብቻ እንዲሆኑ የሚያስገድደው አሠራር ቢነሳም፣ በርካታ አስመጪዎች በአዲሱ አሠራር እየተገለገሉ አለመሆኑን የኢትዮጵያ ምግብና መድኃኒት ባለሥልጣን ገለጸ።

    መድኃኒቶችን ከውጭ አምራች ድርጅቶች ማስመጣት የሚችሉ ወኪሎች ሦስት ብቻ እንዲሆኑ የሚያስገድድ አሠራር የነበረ መሆኑን፣ ከወራት በፊት ግን የወኪሎቹ ቁጥር ከሦስት በላይ እንዲሆን መወሰኑን በምግብና መድኃኒት ባለሥልጣን የመድኃኒት ምዝገባና ፈቃድ ዳይሬክተር አቶ ሀብታሙ በየነ ለሪፖርተር ገልጸዋል።

    ከዚህ በፊት በነበረው አሠራር ከውጭ አምራቾች መድኃኒቶችን ለማስመጣት አንድ ዋና ወኪል ብቻ እንደሚኖር፣ ሌሎች ሁለት ወኪሎች ደግሞ ከዋናው ወኪል ገዝተው ማከፋፈል የሚችሉበት ነበር ብለዋል። በዚህም መሠረት ዋናው ወኪል ፈቃድ ያላገኘበትን መድኃኒት ሌሎችም ወኪሎች መሸጥ እንዳይችሉ አድርጓቸው መቆየቱን አስረድተዋል።

    በአዲሱ አሠራር መሠረት አንድ አምራች ቁጥራቸው ያልተወሰነ ወኪሎች እንዲኖሩት ይፈቀዳል ያሉት አቶ ሀብታሙ፣ ሁሉም ወኪሎች ዋና ወኪል ሳይኖርባቸው መድኃኒቶችን የማስመጣት ፈቃድ ማግኘት እንደሚችሉ ተናግረዋል። ከዚህ በፊት ዋናው ወኪል ያልፈለጋቸውን መድኃኒቶች ሌሎችም ማስመጣት አለመቻላቸው ዘርፉን ገበያ ተኮር ብቻ አድርጎት ቆይቷል ብለዋል። አሁን ግን አሠራሩ ቢቀየርም አስመጪዎች እየተጠቀሙበት እንዳልሆነና በነበረው አካሄድ መቀጠላቸውን ገልጸዋል።

    የወኪሎች ቁጥር ከሦስት ከፍ መደረጉና ሁሉም ወኪሎች ማስመጣት መቻላቸው፣ በተለይም በመድኃኒት ዘርፉ እየተፈጠረ ያለውን እጥረት ለመቅረፍ እንደሚያግዝ አቶ ሀብታሙ ተናግረዋል። መድኃኒቶቹ ለትርፍ ብቻ ሳይሆን ለኅብረተሰቡ ከሚሰጡት ጥቅም አንፃር አይተው ለሚያስመጡ ወኪሎችም ዕድል እንደሚሰጥ አክለዋል።

    ኢትዮጵያ በ2013 በጀት ዓመት 26.6 ሚሊዮን ሜትሪክ ቶን መድኃኒቶችና የሕክምና ቁሳቁሶችን ከውጭ አስገብታለች። ይህም ከቀደመው ዓመት በአምስት ሚሊዮን ሜትሪክ ቶን ገደማ የሚበልጥ ሲሆን፣ ዋጋውም ከሦስት ቢሊዮን ዶላር ወደ 4.4 ቢሊዮን ዶላር ከፍ ያለ ነው። ከአጠቃላይ አገራዊ ፍጆታው ውስጥ በአገር ውስጥ የሚመረተው ከአምስት በመቶ በላይ እንደማይበልጥና የአገር ውስጥ አምራቾች ከሚጠቀሙት ግብዓት ውስጥ ከ90 በመቶ በላይ የሚሆነውን ከውጭ እንደሚያስመጡ አምራቾች ይገልጻሉ። ከ95 በመቶ በላይ የሚሆነው መድኃኒትና የሕክምና ግብዓትም ከውጭ የሚመጣ ነው።

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...