Friday, June 2, 2023
- Advertisement -
- Advertisement -
ስፖርትየካፍ ፕሮግራም ለውጥን ተከትሎ ዋሊያዎቹ ዝግጅታቸውን በአዳማ ያደረጋሉ

የካፍ ፕሮግራም ለውጥን ተከትሎ ዋሊያዎቹ ዝግጅታቸውን በአዳማ ያደረጋሉ

ቀን:

ሌሴቶን በወዳጅነት ጨዋታ ይገጥማሉ

የቻን የመጀመርያ ጨዋታ ድልድል ይፋ ሆኗል

የኢትዮጵያ ብሔራዊ ቡድን (ዋሊያዎቹ) እ.ኤ.አ. በ2023 ለአይቮሪኮስት አፍሪካ ዋንጫ የማጣሪያ ጨዋታዎችን ለማድረግ ዝግጅታቸውን በአዳማ ያደርጋሉ፡፡ ከቀናት በፊት በሊጉ እየተሳተፉ ከሚገኙ ክለቦች የ28 ተጫዋቾችን ስም ዝርዝር ይፋ ያደረጉት ዋና አሠልጣኝ ውበቱ አባተ፣ ልምምዳቸውን ከግንቦት 17 ቀን 2014 ዓ.ም. ጀምሮ በኢትዮጵያ ንግድ ባንክ ሜዳ ሲያደርጉ ቆይተዋል፡፡

የአፍሪካ እግር ኳስ ኮንፌዴሬሽን (ካፍ) ቀድሞ ይዞት የነበረውን የጨዋታ ቀን ቅያሬ ማድረጉን ተከትሎ፣ ዋሊያዎቹ ዝግጅታቸውን በአዳማ ሳይንስና ቴክኖሎጂ ዩኒቨርሲቲ ይቀጥላሉ፡፡ ከዚህም ባሻገር የኢትዮጵያ እግር ኳስ ፌዴሬሽን ከሌሴቶ አቻው ጋር በደረሰው ስምምነት መሠረት ሁለት የወዳጅነት ጨዋታዎችን በዩኒቨርሲቲው እንደሚደረግ ብሔራዊ ፌዴሬሽኑ አስታውቋል፡፡

በአይቮሪኮስት በሚቀጥለው ዓመት በሚደረገው የአፍሪካ ዋንጫ ላይ ተሳታፊ ለመሆን ከሚደረጉት የምድብ ማጣሪያ ጨዋታዎች መካከል፣ በምድብ አራት ከግብፅ፣ ጊኒና ማላዊ ጋር የተደለደለችው ኢትዮጵያ፣ የመጀመርያዎቹን ሁለት ጨዋታዎች ከማላዊና ግብፅ ጋር ታደርጋለች፡፡

በዚህም መሠረት ኢትዮጵያ ከማላዊ ግንቦት 28 ቀን ስታከናውን፣ ሰኔ 2 ቀን 2014 ዓ.ም. ደግሞ የግብፅ አቻዋን ትገጥማለች፡፡

ኢትዮጵያ አንድም በካፍ የተመዘገበ ስታዲየም የሌላት አገር በመሆኗ ጨዋታዎችን የምታከናውነው በማላዊ ስታዲየም ነው፡፡

በሌላ በኩል ለዘንድሮው የአፍሪካ አገሮች ዋንጫ (ቻን) ውድድር የኢትዮጵያ ብሔራዊ ቡድን በማጣሪያ ጨዋታ ደቡብ ሱዳንን ይገጥማል፡፡ ሐሙስ ግንቦት 18 ቀን ይፋ በሆነው ድልድል መሠረት ዋሊያዎቹ የመጀመርያ ጨዋታቸውን ማሸነፍ ከቻሉ፣ በቀጣዩ ዙር ሩዋንዳን ይገጥማሉ፡፡ በመርሐ ግብሩም መሠረት የመጀመርያ ዙር ጨዋታ ከሐምሌ 15 እስከ 17 ቀን፣ ሁለተኛ ዙር ጨዋታ ከሐምሌ 22 እስከ 24 ድረስ ባሉት ቀናት የሚከናወን ሲሆን፣ የሁለተኛ ዙር የመጀመርያ ጨዋታ ከነሐሴ 20 እስከ 22 ድረስ፣ ሁለተኛው ጨዋታ ከነሐሴ  27 እስከ 29 ቀን 2014 ዓ.ም. እንደሚከናወን ካፍ አስታውቋል፡፡

በአገር ውስጥ ሊግ ላይ ብቻ የሚሳተፉ ተጫዋቾችን ብቻ የሚያሳትፈው የቻን ውድድር እ.ኤ.አ. 2015 ላይ በአልጄሪያ አስተናጋጅነት የተካሄደ ሲሆን፣ ኢትዮጵያ በ2014 እና 2016 መካፈሏ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዛርባጃንን ብሄራዊ ቀን በአዲስ አበባ በድምቀት ተከበረ

የአዛርባጃን ኤምባሲ  የአዛርባጃንን ብሄራዊ ቀን በትላንትናው ዕለት አከበረ። ሰኞ...

የመንግሥትና የሃይማኖት ልዩነት መርህ በኢትዮጵያ

እንደ ኢትዮጵያ ባሉ አገሮች የሃይማኖት ተቋማት አዎንታዊ ሚና የጎላ...

ሐበሻ ቢራ ባለፈው በጀት ዓመት 310 ሚሊዮን ብር የተጣራ ትርፍ ማግኘቱን አስታወቀ

የአንድ አክሲዮን ሽያጭ ዋጋ 2,900 ብር እንዲሆን ተወስኗል የሐበሻ ቢራ...