Wednesday, July 24, 2024
- Advertisement -
- Advertisement -
ኪንና ባህል‹‹ወይኖሚክስ እንደ ኢኮኖሚክስ ማሰብ››

‹‹ወይኖሚክስ እንደ ኢኮኖሚክስ ማሰብ››

ቀን:

‹‹ሰው ከልጅነቱ ጀምሮ በሙያው ማበርከት ሲመኝ የነበረውን አስተዋጽኦ ጊዜው ደርሶ ተግባራዊ ማድረግ ሲያቅተው ቢገልጸውም ባይገልጸውም ሊጠገን የማይችል የመንፈስ ስብራት ይገጥመዋል፡፡ ከዚህ የተነሳ ከተማረው ሙያ በአካል ሳይሆን በመንፈስ ለመኮብለል ይገደዳል፡፡ ደስ ሲለው ከተሰደደበት የአዕምሮ ስደት ድንገት ይመለሳል፡፡ አዕምሮ ረቂቅ ነው፡፡ ለምን ኮበለልህ ለምንስ ተመለስህ የሚለው አካል የለም፡፡ ከኢኮኖሚክስ ትምህርት በአካል ሳይሆን በመንፈስ ኮብልየ ነበር፣ አሁን በደስታ ተመልሻሁ፡፡ ‹ወይኖሚክስ›› በመንፈስ ኮብልሎ በመንፈስ የመመለስ ውጤት ነው፡፡››

ይህን መንደርደርያዊ መሠረተ ሐሳብ ‹‹ወይኖሚክስ እንደ ኢኮኖሚክስ ማሰብ›› በተሰኘው አዲሱ መጽሐፋቸው ላይ ያንፀባረቁት ህላዌ አዳም ናቸው፡፡ መሰንበቻውን የኅትመት ብርሃን ያገኘው መጽሐፉን የጻፉበትን ዓላማ ደራሲው እንደሚከተለው ገልጸውታል፡፡

የወይኖሚክስ መሠረታዊ ዓላማ፣ በክፍል ውስጥ በሒሳብና በፎርሙላ የሚተላለፈውን የኢኮኖሚክስ ዕውቀት በቀላል ቋንቋ ለአንባቢያን ማቅረብ ነው፡፡ በዚህም በዓለም ጓዳ ውስጥ ገብተው የኢኮኖሚ ሕግጋት ምን እንደሚመስሉና በኑሯቸው ላይ ምን ዓይነት ተፅዕኖ እንደሚያሳድሩ ማወቅ ለሚፈልጉ ሁሉ የማሰቢያ ቁልፉን ያስረክባል፡፡ ከዚያ በኋላ በአካባቢያቸው ያለው የኑሮ ሁኔታ ምን እንደሚመስል ኢኮኖሚስቶች በሚያዩበት ዓይን ዳግም ያዩታል፡፡ በኢኮኖሚስቶች ልብ እንደገና ያስቡታል፡፡

‹‹ወይኖሚክስ እንደ ኢኮኖሚስት ማሰብ ነው›› የሚሉት ደራሲው፣ በተራ አንባቢዎችና በኢኮኖሚስቶች መካከል የኢኮኖሚክስ ዕውቀት የሚሸጋገርበት አዲስ ድልድይ ለመገንባት፣ ዕውቀት ከዩኒቨርሲቲ ወደ ሰፊው ማኅበረሰብ ከማኅበረሰብ ወደ ዩኒቨርሲቲ የሚሸጋገርበት መሸጋገሪያ ድልድይ ለመዘርጋት ነው ብለዋል፡፡

‹‹ድልድዩ ከሌለ ግንኙነቱ አሻግሮ በድምፅ ብቻ እንዲሆን ያደርጋል፡፡ ኢኮኖሚስቶች በአብዛኛው በሒሳብ ይናገራሉ፡፡ ሕዝቡ ሒሳባዊ ቋንቋ ሳይሆን ሐሳባዊ ቋንቋን ይናገራል፡፡ በሒሳብ የነበረውን ሐሳብ በቃላት መግለጽ ልክ ከአንድ ቋንቋ ወደ ሌላ ቋንቋ የመተርጐም ያህል ነው፡፡ በመሆኑም ኢኮኖሚስቶች በመካከላቸው ሲሆን በሒሳብ መግባባታቸው እንዳለ ሆኖ፣ ለዜጎች ቀላል በሆነ አቀራረብ ሐሳባቸውን ቢያቀርቡ ብዙ ለውጥ ማምጣት ይችላሉ፡፡ ዜጎችም የሚኖሩትን ኑሮ በትክክል ለመገንዘብ ለኢኮኖሚክስ ግንዛቤ ቅርብ መሆን ያስፈልጋቸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...