Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    በኢትዮጵያ ቱሪዝምን ያነቃቃል የተባለ ዓለም አቀፍ ኮንቬንሽን ቢሮ ተቋቋመ

    - ማስታወቂያ -

    ተዛማጅ ፅሁፎች

    በኢትዮጵያ ቱሪዝምን ያነቃቃል የተባለ የዓለም አቀፍ የቱሪዝም ኮንቬንሽን ቢሮ መቋቋሙን የቱሪዝም ሚኒስቴር አስታወቀ፡፡

    ቢሮው በቱሪዝም ሚኒስቴር ሥር የሚመራ መሆኑን፣ በዓለም አቀፍ ደረጃ ኢትዮጵያ ያላትን የቱሪዝም ገበያ ለማስፋት ያለመ መሆኑን የቱሪዝም ሚኒስትር ዴኤታ አቶ ስለሺ ግርማ ገልጸዋል፡፡

    በርካታ አገሮች የዓለም አቀፍ የቱሪዝም ኮንቬንሽን ቢሮ እንዳላቸው፣ ይህም  ለቱሪዝም ዕድገታቸው ከፍተኛ አስተዋጽኦ ማድረጉን ተናግረዋል።

    ኢትዮጵያ በዋነኝነት ለመዝናናት የሚመጡ እንግዶችን መቀበል ላይ ትኩረት ማድረጓን የገለጹት አቶ ስለሺ፣ በዚህም ምክንያት ከኮንፍረንስ ቱሪዝም መገኘት የሚገባውን ያህል ገቢ እየተገኘበት እንዳልሆነ አስረድተዋል።

    የኮንፈረንስ ቱሪዝም የአፍሪካ ኅብረት ስብሰባን ከማስተናገድ ባለፈ በሌሎች ዘርፎች ላይ እየተሠራበት አለመሆኑን ገልጸው፣ ለዚህም በዓለም አቀፍ ደረጃ በቂ የማስተዋወቅ ሥራ ባለመሠራቱ መሆኑን አክለዋል።

    በመሆኑም አሁን የተቋቋመው የቱሪዝም ኮንቬንሽን ቢሮ በዓለም አቀፍ ደረጃ በትልልቅ ኩባንያዎችና ድርጅቶች የሚደረጉ ኮንፈረሶችን በመሳብ ቱሪዝሙን ለማሳደግ ከፍተኛ ጠቀሜታ ይኖረዋል ብለዋል። በአገር አቀፍ ደረጃ የኮቪድ-19 ከመከሰቱ በፊት ቢሮው የተቋቋመ መሆኑን፣ ነገር ግን በዓለም አቀፍ ደረጃ ቢሮውን ሥራ ለማስጀመር በቫይረሱ ምክንያት ሳይጀምር መቆየቱን አብራርተዋል።

    በአሁኑ ወቅት የኮንቬሽን ቢሮው በቱሪዝም ሚኒስቴር ሥር እንደሚገኝና በቀጣይ ግን በተለያዩ አገሮች ቢሮዎችን ለመክፈት መታቀዱን ተናግረዋል።

    በዚህም ዓለም አቀፍ የቱሪዝም አስተዋዋቂዎችን በማግኘት ኢትዮጵያ ለኮንፈረንስና ስፖርት ቱሪዝም ያላትም ተስማሚነት ስብሰባዎችን ለሚያደርጉ ተቋማትና ድርጅቶች እንዲያስተዋውቁ ለማድረግ አስፈላጊ መሆኑን ገልጸዋል። ከዚህ በፊት የዓለም አቀፍ ኮንቬንሽን ቢሮ ባለመኖሩ ይህንን ማድረግ አለመቻሉን አቶ ስለሺ አስረድተዋል።

    የኮንቬንሽን ቢሮው ሥራ መጀመሩን ለማስተዋወቅም በቱሪዝም ሚኒስትር  ናሲሴ ጫሊ (አምባሳደር) የተመራ ልዑክ፣ በጀርመን ፍራንክፈርት ከተማ በተካሄደው ዓለም አቀፍ የቱሪዝም ማስተዋወቂያ ዝግጅት ላይ መሳተፋቸውን ተናግረዋል።

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች