Skip to main content
x

የቬንዙዌላ ቀውስ

በቬንዙዌላው ፕሬዚዳንት ኒኮላስ ማዱሮ እና በተቀናቃኛቸውና የሽግግር መንግሥትነትን ለራሳቸው ባቀዳጁት ሁዋን ጋይዶ መካከል የተፈጠረው አለመግባባት ቬንዙዌላውያንን ብቻ ሳይሆን ዓለም አቀፍ መንግሥታትንም ከፋፍሏል፡፡

በዚምባቡዌ ተቃውሞ ያስከተለው የነዳጅ ዋጋ ጭማሪ

ዚምባቤያውያን የቤንዚንና ናፍጣ ዋጋ መጨመርን ተከትሎ በዚምባቡዌ ዋና ከተማ ሃራሬና በቡላዋዮ ለተቃውሞ ወጥተዋል፡፡ መንግሥት በነዳጅ ዋጋ ላይ ጭማሪ ማድረጉን ካሳወቀ በኋላ ለተቃውሞ የወጡት ዚምባቤያውያን በየመንገዱ ጎማ ሲያቃጥሉና ድንጋይ ሲወረውሩ በዓለም አቀፍ ሚዲያዎች ተስተውለዋል፡፡

የሰሜን ኮሪያው ኪም ጆን ኡንግ የቻይና ጉብኝት

የሰሜን ኮሪያው ፕሬዚዳንት ኪም ጆን ኡንግ ለአራት ቀናት ጉብኝት ቻይና ገብተዋል፡፡ ከአሜሪካ ጋር ለሁለተኛ ጊዜ ለመገናኘት ዝግጅት እየተደረገ ባለበት ወቅት ፕሬዚዳንት ኪም ቻይና የገቡት፣ በቻይናው ፕሬዚዳንት ዢ ጂፒንግ ግብዣ እንደሆነ አልጀዚራ ዘግቧል፡፡

የአሜሪካ ጦር ከሶርያ መውጣት

አሜሪካ በሶርያ ያሏትን ወታደሮች በሙሉ እንደምታስወጣ ፕሬዚዳንት ዶናልድ ትራምፕ የተናገሩት ከሁለት ሳምንታት በፊት ነበር፡፡ ‹‹ሁሉም ወደ አገራቸው ይመለሳሉ፡፡ አሁን ይመለሳሉ፤›› ብለው ፕሬዚዳንቱ ሲናገሩ፣ የአገሪቱ ባለሥልጣናትም የአሜሪካ ወታደሮች ሶርያን በ30 ቀናት ውስጥ እንዲለቁ ጊዜ መሰጠቱን አሳውቀው ነበር፡፡

በተጠናቀቀው 2018 ትኩረት ያገኙ ዘገባዎች

የፈረንጆቹ ዓመተ 2018 አመፆች፣ ጦርነቶች፣ ስምምነቶች፣ አደጋዎችና ሌሎችንም ክስተቶች አስተናግዷል፡፡ ዓመቱ ለማብቃት የሳምንት ያህል ዕድሜ ሲቀረው፣ በዓመቱ በዓለም መነጋገሪያ የተባሉ ክንውኖች በየመገናኛ ብዙኃኑ ተዘግበዋል፡፡ የተለያዩ መገናኛ ብዙኃንና ብሎገሮች እንደራሳቸው ዕይታ ዋና ነበሩ ያሏቸውን አትተዋል፡፡

ሳዑዲ አሜሪካ በአገሬ ጉዳይ ጣልቃ ገብታለች ስትል አወገዘች

የሳዑዲ ዓረቢያ መንግሥት፣ በየመን ላይ በጥምር ለከፈተው ጦርነት የጀርባ አጥንት ሆና ስትደግፍ የነበረችው አሜሪካ ከጦርነቱ ራሴን አገላለሁ ማለቷን አወገዘ፡፡ ቢቢሲ እንደዘገበው፣ የአሜሪካ ሴኔት የአሜሪካ መንግሥት ሳዑዲ ዓረቢያ የምትመራውን ወታደራዊ ጥምረት መደገፍ የለበትም በሚል ሰሞኑን ውሳኔ ካሳለፈ በኋላ ሳዑዲ ከወዳጇ አሜሪካ ጋር የቃላት ጦርነት ገብታለች፡፡

ፈረንሣይን የፈተነው ‹‹የሎው ቬስት›› ተቃውሞ

ፈረንሣውያን በነዳጅ ዘይት ላይ የተደረገውን የግብር ጭማሪና የኑሮውን ውድነት በመቃወም ለአራት ተከታታይ ሰንበቶች በዋና ከተማዋ ፓሪስና በተለያዩ ከተሞቿ ‹‹የሎው ቬስት›› (አንፀባራቂ ጃኬት) በመልበስ ተቃውሟቸውን ገልጸዋል፡፡

ጆርጅ ኸርበርት ዎከር ቡሽ (1924-2018)

በአሜሪካ ማሳቹሰትስ እ.ኤ.አ. ሰኔ 12 ቀን 1924 የተወለዱትና የአሜሪካ 41ኛ ፕሬዚዳንት በመሆን ያገለገሉት ጆርጅ ኸርበርት ዎከር ቡሽ (ጆርጅ ደብሊው ቡሽ ትልቁ) ዜና ዕረፍታቸው የተሰማው ባለፈው ሳምንት ነበር፡፡