Skip to main content
x
የመከላከያ አባላት የጥቅማጥቅም ጥያቄ በአደስ አበባ ጊዜያዊ ውጥረትን ፈጠረ

የመከላከያ አባላት የጥቅማጥቅም ጥያቄ በአዲስ አበባ ጊዜያዊ ውጥረትን ፈጠረ

ዛሬ መስከረም 30 ቀን 2011 ዓ.ም. የተለያዩ የመከላያ ሠራዊት አባላት ተወካዮች የጥቅማጥቅምና የደመወዝ ማስተካከያ ይደረግልን በማለት ከካምፕና ከሚሠሩበት ሥፍራ በመውጣት በጠቅላይ ሚኒስትር ቢሮ አካባቢ ጥያቄያቸውን አቀረቡ፡፡

በዚህም ምክንያት ከተለያዩ አቅጣጫዎች ወደ ቤተ መንግሥት የሚያመሩ መንገዶች ሙሉ በሙሉ ተዘግተው የነበረ ሲሆን፣ በአካባቢውም እስከ ምሽቱ 11 ሰዓት ድረስ ውጥረት ነግሶ ነበር፡፡

የሠራዊቱ አባላት ከጠቅላይ ሚኒትር ዓብይ አህመድ (ዶ/ር) ፣ ከምክትል ጠቅላይ ሚኒስትር አቶ ደመቀ መኮንንና ከውጭ ጉዳይ ሚኒስትር ወርቅነህ ገበየሁ (ዶ/ር) ጋር ውይይት ማድረጋቸውን የምክትል ጠቅላይ ሚኒስትር ቢሮ ፌስቡክ ያስታወቀ ሲሆን፣ ‹‹መከላከያ ኃይላችን እንደ ዜጋ መደመጥ ይኖርበታል፤›› ማለታቸው ተገልጿል፡፡

የሠራዊቱ አባላት ጥያቄያቸውን ያቀረቡ ሲሆን፣ ‹‹የመከላከያ አባለቱም በውይይቱ ለተነሱ የዘርፉ ችግሮች በሰከነ አግባብ እንዲፈታ እና የተጀመረው የለውጥ ጉዞ እንዳይደናቀፍ ታሪካዊ ኃላፊነታቸውን ለመወጣት ዝግጁነታቸውን አረጋግጠዋል፤›› ሲል ገጹ አስታውቋል፡፡