Skip to main content
x

ብሔር ብሔረሰቦች በሚለው መዝሙር የሚታወቀው ቢኒያም ኃይለ ሥላሴ ሥርዓተ ቀብር ተፈጸመ

በብዙዎች ዘንድ ብሔር ብሔረሰቦች በሚለው መዝሙሩ የሚታወቀውና የራስ ቴያትር ዋና ሥራ አስኪያጅ የነበረው አርቲስት ቢኒያም ኃይለ ሥላሴ ባደረበት ሕመም ዛሬ ጥር 4 ቀን 2010 ዓ.ም. አርፎ ከቀኑ ዘጠኝ ሰዓት ሥርዓተ ቀብሩ በቅድስት ሥላሴ ካቴድራል ተፈፀመ፡፡ በ46 ዓመቱ ያረፈው የአርቲስት ቢኒያም ሥርዓተ ቀብሩ ቤተሰቦቹ፣ የሙያ አጋሮቹና አድናቂዎቹ በተገኙበት ተፈጽሟል፡፡

አርቲስት ቢኒያም ብሔር ብሔረሰቦች ከሚለው መዝሙሩ በተጨማሪ ተንፍሺ አዲስ አበባ፣ ሰራዊት ነንና ሰንደቃችን የተባሉ መዝሙሮችን አበርክቷል፡፡

ነፍሰ ሔር ቢኒያም የአንደኛ ደረጃ ትምህርቱን በሰሜን ሸዋ ላሎ ማማ በተባለ ትምህርት ቤት፣ የሁለተኛ ደረጃ ትምህርቱን በአዲስ አበባ የጥቁር አንበሳ ትምህርት ቤትና የዩኒቨርሲቲ ትምህርቱን በአዲስ አበባ ዩኒቨርሲቲ ተከታትሏል፡፡ ከአዲስ አበባ ዩኒቨርሲቲ በ1987 ዓ.ም. በቴያትር ጥበባት እንደተመረቀ በሕፃናትና ወጣቶች ቴያትር ተቀጥሮ ሲሠራ እንደነበር ገጸ ሕይወቱ ያሳይል፡፡