Skip to main content
x
የተመድ ሰብዓዊ መብት ኮሚሽን በወልዲያ ግጭት መንግሥትን ኮነነ

የተመድ ሰብዓዊ መብት ኮሚሽን በወልዲያ ግጭት መንግሥትን ኮነነ

የተባበሩት መንግስታት ድርጅት (ተመድ) የስብዓዊ መብት ኮሚሽን ከቀናት በፊት በወልድያ ከተማ ለሰባት ሰወች መሞት ምክንያት የሆነውን ግጭት አስመልክቶ መንግስትን ኮነነ፡፡

 

ኮሚሽኑ ዛሬ ባወጣው መግለጫ በኦርቶዶክስ ተዋህዶ ሃይማኖት ተከታዮች በየዓመቱ በሚከበረው የጥምቀት በዓል፣ የፀጥታ ሃይሎች የበዓሉ ተሳታፊዎች ፀረ መንግስት የሆኑ ዘፈኖችን በማሰማታቸው ይህን ለማስቆም ሲሉ ተኩስ እንደከፈቱባቸው ገልጿል፡፡

 

ከተኩሱ በኋላም የበዓሉ ተሳታፊዎች በአፀፋ መንገዶችን መዝጋታቸውን እና ንብረት ማውደማቸውን ተመድ በመግለጫው ገልጿል፡፡ ይህ ችግር ገዢው ፓርቲ ኢሕአዴግ የተለያዩ ማሻሸያዎችን እና ለውጦችን ለማምጣት ቃል በገባ በሁለት ሳምንታት ውስጥ መከሰቱ የሚያስቆጭ ነው ሲል አክሏል፡፡

ኮሚሽኑ ጉዳዩ በገለልተኛ ወገን ተጣርቶ በሰዎች ሞት የተሳተፉ አከላት በሕግ ተጠያቂ እንዲሆኑ አሳስቧል፡፡