Skip to main content
x

ኢትዮጵያና ቻይና በአትሌቲክሱ በጋራ ለመሥራት ተስማሙ

የኢትዮጵያ አትሌቲክስ ፌዴሬሽን ከቻይና አትሌቲክስ ማኅበር ጋር የሜዳ ተግባራትን ጨምሮ በአትሌቲክሱ በጋራ ለመሥራት ተስማሙ፡፡ ዓርብ የካቲት 16 ቀን 2010 ዓ.ም. ሱሉልታ በሚገኘው ያያ አትሌቲክስ መንደር የስምምነቱ የፊርማ ሥነ ሥርዓት ተከናውኗል፡፡ ሁለቱ እህት ማኅበራት በጋራ ለመሥራት ከተስማሙባቸው ነጥቦች መካከል የኢትዮጵያ የረዥም ወቅት ውጤታማነት ተሞክሮ ለቻይናውያን እንዲሁም ቻይናውያን ደግሞ ውርወራና ዝላይን ጨምሮ በአጭር ርቀት ውጤታማ የሆኑበት ተሞክሮ መነሻ ያደረገ መሆኑ በስምምነቱ ተገልጿል፡፡ እንደ ሁለቱ ማኅበራት አመራሮች ስምምነቱ ኢትዮጵያውያን ሙያተኞች ወደ ቻይና በማምራት እንዲሁም ቻይናውያን ሙያተኞች በተመሳሳይ ወደ ኢትዮጵያ በመምጣት በቴክኖሎጂ የታገዙ የልምድ ልውውጥና ሥልጠና ይለዋወጣሉ፡፡ የስምምነቱ ዝርዝር በተመለከተ በቀጣይ ይፋ እንደሚያደርጉም አስታውቀዋል፡፡