Skip to main content
x

በታዳሽ ኃይል መስክ የተሰማሩ ኩባንያዎች የገንዘብ ድጋፍ የሚያገኙበት የንግድ ሥራ ውድድር ተዘጋጀ

ዋና መሥሪያ ቤቱን በኬንያ ያደረገውና ‹‹አፍሪካ ኢንተርፕረነርሺፕ ቻሌንጅ ፈንድ›› የተሰኘው ተቋም፣ በታዳሽ ኃይል መስክ በተለይም በፀሐይ ኃይል ቴክኖሎጂ ላይ የሚሠሩ ኩባንያዎች የሚሳተፉበትን የንግድ ሥራ ውድድር ዛሬ፣ መጋቢት 25 ቀን 2011 ዓ.ም. ይፋ ያደርጋል፡፡

የአዲስ አበባ ንግድ ምክር ቤት ያዘጋጀው ጉባዔ በአኅጉራዊው ነፃ የንግድ ቀጣና ላይ ይመክራል

በአዲስ አበባ ከተማ በመጪው ወር አጋማሽ እንደሚካሄድ የሚጠበቀው የአፍሪካ ዓለም አቀፍ የንግድና የፋይናንስ ጉባዔ፣ በአፍሪካና ነፃ ቀጣናዊ የንግድ ትስስር ሥርዓትና ስምምነት እንዲሁም በንግድ ፖሊሲዎች ዙሪያ እንደሚመክር ይጠበቃል፡፡ ለነፃ የንግድ ቀጣናው ትግበራ አጋዥ የፖሊሲ ምክረ ሐሳቦች እንደሚቀርቡበትም ይጠበቃል፡፡

ኅብረት ኢንሹራንስ በእሳት አደጋ ለወደመ ንብረት የ24 ሚሊዮን ብር የካሳ ክፍያ መፈጸሙን አስታወቀ

ኅብረት ኢንሹራንስ ኩባንያ በእሳት አደጋ ጉዳት ለደረሰበት ኢስት አፍሪካ ታይገር ብራንድ ኢንዱስትሪስ ፋብሪካ የ24.1 ሚሊዮን ብር ካሳ ክፍያ መፈጸሙን አስታወቀ፡፡ ከኅብረት ኢንሹራንስ የተገኘው መረጃ እንደሚያመለክተው፣ መድን ድርጅቱ የካሳ ክፍያውን የፈጸመው፣ ኢስት አፍሪካ ታይገር ብራንድ ኢንዱስትሪስ በሚያስተዳድረው መጋዘን ውስጥ በተከማቸ ጥሬ ዕቃ ላይ በደረሰው የእሳት አደጋና ባስከተለው ውድመት ሳቢያ ለማካካሻነት እንዲውል ነው፡፡

የኢትዮጵያ ባንኮች ማኅበር ለሦስት ጉዳዮች ለጠየቀው 400 ሚሊዮን ብር ማብራሪያ ተጠየቀ

የሰባት ባንኮች የዳይሬክተሮች ቦርድ አባላት የሚሳተፉበት የባንኮች ዳይሬክተሮች የምክክር መድረክ፣ የኢትዮጵያ ባንኮች ማኅበር በቅርቡ ለሦስት የተለያዩ ጉዳዮች ባንኮች እንዲያዋጡ የጠየቀው 400 ሚሊዮን ብር፣ ሕጋዊ ሥርዓትን መከተል እንዳለበትና በጉዳዩም ላይ ማብራሪያ እንዲሰጠው ጠየቀ፡፡

ንግድ ባንክ ለስኳር ኮርፖሬሽን ለውጭ ዕዳ መክፈያና ለፕሮጀክቶች ማስፈጸሚያ 13 ቢሊዮን ብር ብድር እንዲሰጥ መንግሥት ጠየቀ

የኢትዮጵያ ንግድ ባንክ ለስኳር ኮርፖሬሽን የውጭ ዕዳ መክፈያና ያልተጠናቀቁ የስኳር ፕሮጀክቶች ማስፈጸሚያ የሚውል 13.1 ቢሊዮን ብር አዲስ ብድር እንዲያቀርብ፣ መንግሥት ዋስትና መስጠቱን በመግለጽ በዚሁ አግባብ እንዲፈጸም ጠየቀ።

በ88 ሚሊዮን ዶላር የተገነባው አዲስ ቢራ ፋብሪካ በፋሲካ ሰሞን ገበያውን ሊቀላቀል ነው

በኢትዮጵያ የካንጋሮ ፕላስት ከሚያስተዳድራቸው ኩባንያዎችና ፋብሪካዎች አንዱ የሆነው አዲሱ የቢራ ፋብሪካ፣ በ88 ሚሊዮን ዶላር ወይም በ2.5 ቢሊዮን ብር በሚገመት ኢንቨስትመንት ግንባታው በመጠናቀቁ በቅርቡ እንደሚመረቅና ምርቱንም በፋሲካ በዓል ሰሞን ማቅረብ እንደሚጀምር አስታውቋል፡፡

በአዲሱ አስተዳደር የኢኮኖሚው የአንድ ዓመት  ቆይታ  

ጠቅላይ ሚኒስትር ዓብይ አህመድ (ዶ/ር) ኃላፊነት ተረክበው ኢትዮጵያን መምራት ከጀመሩ ከነገ በስቲያ ድፍን አንድ ዓመት ይሆናቸዋል፡፡ ከፖለቲካው አንፃር በርካታ ለውጦች በታዩበትና ጠቅላይ ሚኒስትሩም ያልተለመዱ አካሄዶችን ያሳዩበትና ጉልህ ፖለቲካዊ ውሳኔዎች የተላለፉበት የአንድ ዓመት የሥልጣን ቆይታ እንደነበር ይታመናል፡፡

የገንዘብ ተቋማት ከ12 ቢሊዮን ብር በላይ በማፍሰስ የሚገነቧቸው ሕንፃዎች

በአዲስ አበባ ሰማይ ጠቀስ ከሚባሉ አዳዲስ ሕንፃዎች መካከል በአመዛኙ  በገንዘብ ተቋማት አማካይነት የተገነቡና እየተገነቡ የሚገኙ ናቸው፡፡ ሕንፃዎቹ በከፍታቸውም ሆነ በግንባታ ወጪያቸው በከተማዋ እስካሁን ለሕንፃ ግንባታ በአማካይ ይወጣ ከነበረው በላይ የሚጠይቁ መሆናቸውም ተጠቃሽ ያደርጓቸዋል፡፡

የዓለም ባንክ ምክትል ፕሬዚዳንት የመንግሥት ሪፎርም ፕሮግራሞች በጥንቃቄ እንዲታቀዱ አሳሰቡ

በኢትዮጵያ ለሦስት ቀናት የሥራ ጉብኝት ሲያደርጉ የቆዩት የዓለም ባንክ የኢኮኖሚ ልማት ዘርፍ ምክትል ፕሬዚዳንት ቼይላ ፓዛርባሲዮግሉ፣ መንግሥት በርካታ የሪፎርም ፕሮግራሞችን ተግባራዊ ለማድረግ መነሳቱን እንደሚያደንቁ አስታውቀው የሪፎርም አጀንዳዎቹን በጥንቃቄ ማቀድና መተግበር ብሎም ቅደም ተከተላቸውን ማስጠበቅ እንደሚገባው አሳሰቡ፡፡

ለውጭ ምንዛሪ ክምችት የተለየ መፍትሔ ካልተገኘ ከነዳጅና ከመድኃኒት ግዥ በስተቀር ሌላ ጥያቄ ማስተናገድ እንደማይቻል ታወቀ

በቀጣዮቹ ወራት በተለየ ሁኔታ ተጨማሪ የውጭ ምንዛሪ ካልተገኘ በስተቀር፣ ከነዳጅና ከመድኃኒት ግዥ በዘለለ የኢኮኖሚውን ፍላጎት ማስተናገድ እንደማይቻል የብሔራዊ ባንክ ገዥ አስታወቁ። የብሔራዊ ባንክ ገዥ ይናገር ደሴ (ዶ/ር) የ2011 በጀት ዓመት የስምንት ወራት የሥራ አፈጻጸም ሪፖርታቸውን፣ ለሕዝብ ተወካዮች ምክር ቤት ሐሙስ መጋቢት 19 ቀን 2011 ዓ.ም. ባቀረቡበት ወቅት ነው ይህንን የተናገሩት።