Skip to main content
x
ሦስተኛ ደረጃ የሕክምና ማዕከልን ለአዲስ አበባ የሰነቁት ሐኪሞች
የኢትዮ አሜሪካን ዶክተርስ ግሩኘ አባላት በከፊል

ሦስተኛ ደረጃ የሕክምና ማዕከልን ለአዲስ አበባ የሰነቁት ሐኪሞች

በአሜሪካ በካናዳ፣ በአውሮፓና በሌሎችም አገሮች በሕክምና የተሰማሩ ቁጥራቸው 300 በላይ ትውልደ ኢትዮጵያውያን ሐኪሞች በአዲስ አበባ ከተማ ከመንግሥት በተገኘ 60 ሺሕ ካሬ ሜትር ላይ ደረጃውን የጠበቀ ዘመናዊ ሦስተኛ ደረጃ የሕክምና ማዕከል እየገነቡ ነው፡፡ በ38 የእስፔሻሊቲ ሙያዎች የተመረቁ 300 በላይ የሕክምና ባለሙያዎችን አስተባብሮ አገራዊ ሥራውን የሚመራው ኢትዮ አሜሪካን ዶክተርስ ግሩኘ ነው፡፡

የሐኪሞቹ ስብስብ ሰሞኑን ከጤና ጥበቃ ሚኒስቴር ጋር በኢትዮጵያ ኅብረተሰብ ጤና ኢንስቲትዩት በጤናው መስክ ለመሥራት የመግባቢያ ሰነድ በተፈራረሙበት አጋጣሚ፣ የኢትዮ አሜሪካን ዶክተርስ ግሩኘ ቦርድ ሰብሳቢ ኘሮፌሰር ግርማ ተፈራ  በሰጡት መግለጫ፣ ከሦስት ዓመት የሚጠናቀቀውሆስፒታል ግንባታ 110 ሚሊዮን ዶላር በላይ እንደሚፈጅ ተናግረዋል፡፡

ሆስፒታሉ ደረጃውን የጠበቀ 300 አልጋዎች የሚኖሩት ሲሆን የልብ ሕክምና፣ የልብ ቀዶ ሕክምና፣ የአጥንትና አዕምሮ ቀዶ ጥገና፣ የካንሰር ማዕከልና ጠቅላላክምና ለታካሚዎች እንደሚሰጥም ሰብሳቢው ገልጸዋል፡፡

በሥነ ሥርዓቱ ላይ የተገኙት የጤና ጥበቃ ሚኒስትር  አሚር አማን (/ር) በውጭገር የሚኖሩ ትውልደ ኢትዮጵያውያን በዕውቀታቸውና በገንዘባቸው ሕዝባቸውን ለማገልገል ያሳዩትን ከፍተኛ ተነሳሽነት ከልብ አድንቀው፣ ሁሉም ኢትዮጵያዊ አገሩንና ሕዝቡን ባለው አቅምና ሙያ ማገልገል እንደሚጠበቅበት አስገንዝበዋል፡፡

ጤና ጥበቃ ሚኒስቴር ከኢትዮ አሜሪካን ዶክተርስ ግሩኘና ከኢትዮጵያ የፅንስና የማኅፀን ሐኪሞች ማኅበር በጋራ ባዘጋጁት የሁለት ቀናት መድረክ፣ በውጭ የሚኖሩ ኢትዮጵያውያንኪሞች ከሕክምና ሥነ ምግባር፣ ለሕሙማን ፍቅር እንክብካቤና አክብሮት ከመስጠት አኳያና በሌሎችም ተያያዥ ርዕሰ ጉዳዩች ላይ ሥልጠናና ትምህርት፣ እንዲሁም ሙያዊ የምክክር ኘሮግራሞች ማከናወናቸው ታውቋል፡፡