Skip to main content
x
ኢትዮጵያና እንግሊዝ የ115 ሚሊዮን ፓውንድ የዕርዳታ ስምምነት ተፈራረሙ
የገንዘብና ኢኮኖሚ ትብብር ሚኒስትር አብርሃም ተከስተና (ዶ/ር) የእንግሊዝ የዓለም አቀፍ ልማት ሚኒስትር ፔኒ ሞርዳንት

ኢትዮጵያና እንግሊዝ የ115 ሚሊዮን ፓውንድ የዕርዳታ ስምምነት ተፈራረሙ

የኢትዮጵያና የእንግሊዝ መንግሥታት ዛሬ ነሐሴ 2 ቀን 2010 ዓ.ም. በገንዘብና ኢኮኖሚ ትብብር ሚኒስቴር ቅጥር ግቢ ውስጥ በተካሄደ ሥነ ሥርዓት ላይ የ115 ሚሊዮን ፓውንድ የዕርዳታ ስምምነት ተፈራረሙ፡፡

ከጠቅላላ የዕርዳታ ገንዘብ ውስጥ ሰማንያ ሚሊዮን ፓውንድ በኢትዮጵያ የሥራ ፈጠራ ፕሮግራም ላይ የሚውል ሲሆን፣ የተቀረው 35 ሚሊዮን ፓውንድ ደግሞ በታክስ ሥርዓት ማሻሻያ ላይ ይውላል ተብሏል፡፡

በዛሬው ዕለት በተፈረሙ ሁለት ስምምነቶች ላይ እንደተገለጸው፣ ዕርዳታው ለ100,000 ኢትዮጵያውያንና ለ30,000 ስደተኞች የሥራ ዕድል ለመፍጠር ያለመውን የኢትዮጵያን የኢንዱስትሪ ማስፋፊያ ለመደገፍና የአገሪቱን የታክስ ገቢ ማሰባሰብ ለማሳደግ እንደሚውል ተነግሯል፡፡

ስምምነቱ በገንዘብና ኢኮኖሚ ትብብር ሚኒስትር አብርሃም ተከስተና (ዶ/ር) በእንግሊዝ የዓለም አቀፍ ልማት ሚኒስትር ፔኒ ሞርዳንት ተፈርሟል፡፡