Skip to main content
x
ዓብይ አህመድ (ዶ/ር) የአገሪቱ ጠቅላይ ሚኒስትር ሆነው ተሰየሙ

ዓብይ አህመድ (ዶ/ር) የአገሪቱ ጠቅላይ ሚኒስትር ሆነው ተሰየሙ

መጋቢት 18 ቀን 2010 ዓ.ም. የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ሊቀመንበር በመሆን የተመረጡት ዓብይ አህመድ (ዶ/ር)፣ የአገሪቱ ጠቅላይ ሚኒስትር በመሆን ዛሬ መጋቢት 24 ቀን 2010 ዓ.ም. በሕዝብ ተወካዮች ምክር ቤት ተሰየሙ፡፡

ጠቅላይ ሚኒስትር ዓብይ ባደረጉት ንግግር የቀድሞውን ጠቅላይ ሚኒስትር አቶ ኃይለ ማርያም ደሳለኝን አመስግነው፣ የአገሪቱ የፖለቲካ ፓርቲዎች ለአገር ዕድገት አስተዋጽኦ እንዲያደርጉ ጥሪ አቅርበዋል፡፡ በአገሪቱም የሐሳብ ነፃነት ተግባራዊ እንዲሆን እንደሚሠሩም አስታውቀዋል፡፡

የቀድሞ ጠቅላይ ሚኒስትር አቶ ኃይለ ማርያም ደሳለኝ፣ ለጠቅላይ ሚኒስትር ዓብይ የአገሪቱን ሰንደቅ ዓላማና ሕገ መንግሥት አስረክበዋል፡፡