Skip to main content
x

‹‹ኦዴፓ በፌዴራል ሥርዓቱ ላይ ከማንም ጋር ለድርድር አይቀመጥም››

የኦሮሞ ዴሞክራሲያዊ ፓርቲ (ኦዴፓ) ሰኞ የካቲት 11 ቀን 2011 ዓ.ም. ካወጣው መግለጫ የተወሰደ፡፡ ኦዴፓ በመግለጫው እንዳስታወቀው፣ በአጀንዳነት ይዞ ከሚታገልባቸው ጉዳዮች ውስጥ በዋነኝነት የሚጠቀሰው የፌዴራል ሥርዓቱ ነው፡፡

‹‹ትርጉም ያለው ዴሞክራሲ ለመገንባት ትክክለኛው አካሄድ በተለያዩ የፖለቲካ መስመሮችና እሳቤዎች ውስጥ ተቀናጅቶ መሥራት ነው››

ጠቅላይ ሚኒስትር ዓብይ አህመድ (ዶ/ር) ቅዳሜ ጥር 25 ቀን 2011 ዓ.ም. ከፖለቲካ ፓርቲዎች አመራሮች ጋር የኢትዮጵያን ፖለቲካ በተመለከተ በተደረገው ውይይት ከተናገሩት የተወሰደ፡፡

‹‹ታሪኩን የማያውቅ ትልቅ ትንሽ መሆኑ አይቀርም!››

ጠቅላይ ሚኒስትር ዓብይ አህመድ፣ በቫቲካን የሚገኘውን የሐበሻ ጥንታዊ ገዳም ቅዱስ እስጢፋኖስን በጎበኙበት ወቅት የተናገሩት፡፡ ጠቅላይ ሚኒስትሩ በ16ኛው ምዕት ዓመት በኢትዮጵያውያን ይዞታ ሥር የዋለውን ጥንታዊ ገዳም በጎበኙበት ወቅት ለተደረገላቸው አቀባበል በሰጡት ምላሽ፣

‹‹የምሥራቅ አፍሪካን ትስስር ከመስበክ ውጪ የትኛውም ክልል ለብቻዬ የሚለው ሐሳብ የድንቁርና ሐሳብ ነው!››

ጠቅላይ ሚኒስትር ዓብይ አህመድ (ዶ/ር)፣  ‹‹ዓለም ዓቀፍ አዝማሚያዎችና የኢትዮጵያ የውጭ ጉዳይ ፖሊሲ›› በሚል ርዕስ  ጥር 6፣ 2011 ዓ.ም. በኢትዮጵያ ሚሲዮኖችና በውጭ ጉዳይ ሚኒስቴር ለሚሠሩ ዲፕሎማቶች ባደረጉት ገለጻ ላይ የተናገሩት።

‹‹ተማሪና አስተማሪ ጫት እየቃመ የሚያወራበት አገር ችግርን ማስተካከል ረጅም ጊዜን ይጠይቃል››

የአርበኞች ግንቦት 7 ለአንድነትና ለዴሞክራሲ ንቅናቄ ሊቀመንበር ብርሃኑ ነጋ (ፕሮፌሰር)፣ በወቅታዊ የአገር ጉዳዮችን አስመልክቶ ሰሞኑን ከአዲስ ዘመን ጋዜጣ ጋር ካደረጉት ቃለ ምልልስ ላይ የተወሰደ፡፡

‹‹የንፁኃን ደም በእግዚአብሔር ፊት እንደ አቤል ደም ይጮሃልና፣ የንፁኃን ደም ማፍሰስ ይብቃ!››

ብፁዕ ካርዲናል ብርሃነየሱስ ሊቀ ጳጳሳት ዘካቶሊካውያንና የኢትዮጵያ ካቶሊካውያን ጳጳሳት ጉባዔ ፕሬዚዳንት፣ የቤተ ክርስቲያኒቱ ጳጳሳት 45ኛ መደበኛ ጉባዔያቸውን ተከትሎ ሰሞኑን ካስተላለፉት መልዕክት የተወሰደ፡፡

ፍሬከናፍር

‹‹እኛ ኢትዮጵያውያን አንዳችን የቆምነው በአንዳችን የተከፈለ የሕይወትና የአካል፣ የደምና የአጥንት መስዋዕትነት ነው!›› የሰላም ሚኒስትርና የኢሕአዴግ የሴቶች ሊግ ሊቀመንበሯ ወ/ሮ ሙፍሪያት ካሚል፣ በመቐለ ከተማ  ታኅሣሥ 7 ቀን 2011 ዓ.ም. በተካሄደው የኢሕአዴግ የሴቶች ሊግ ጉባዔ ላይ ከተናገሩት የተወሰደ፡፡