Skip to main content
x

‹‹ሱዳናውያን ልዩነታቸውን በንግግር በመፍታት የጋራ መግባባት ላይ ሊደርሱ ይገባል››

ጠቅላይ ሚኒስትር ዓብይ አህመድ (ዶ/ር) በሱዳን ባለፈው ሳምንት የተካሄደውን መፈንቅለ መንግሥት አስመልክተው ካስተላለፉት መልዕክት የተወሰደ፡፡ የሱዳን ፕሬዚደንት ኦማር ሐሰን አል በሽር ባለፈው ሳምንት በተካሄደባቸው መፈንቅለ መንግሥት፣ ለ30 ዓመታት ከቆዩበት ሥልጣን መነሳታቸው ይታወሳል፡፡

‹‹የሩዋንዳ  የጅምላ ጭፍጨፋ  በአንድ የተወሰነ ቀን የተጀመረ ሳይሆን የራሱ ታሪክ አለው!»

የሩዋንዳ  ፕሬዚዳንት ፖል ካጋሜ፣ በሩዋንዳ ከሩብ ክፍለ ዘመን በፊት የተካሄደውን የዘር ጭፍጨፋ መታሰቢያ አስመልክቶ ከተናገሩት የተወሰደ፡፡ ባለፈው ሳምንት በኪጋሊ ከተማ በተዘጋጀውና ጠቅላይ ሚኒስትር ዓብይ አህመድ (ዶ/ር) ጨምሮ የተለያዩ አገሮች መሪዎችና የዓለም አቀፍ ተቋማት ተወካዮች በተገኙበት የመታሰቢያ ዝግጅት ንግግር ያደረጉት ካጋሜ፣ አገራቸው ከእንግዲህ ወደ ጭፍጨፋ የሚመራ ስህተትን እንደማትደግም አስረግጠው ተናግረዋል፡፡

‹‹ከጎሳ በረት እንውጣ!››

የኦሮሚያ ክልል ፕሬዚዳንት አቶ ለማ መገርሳ፣ በክልሉ ከሚገኙ ኢንቨስተሮች ጋር መጋቢት 21 ቀን 2011 ዓ.ም. በተወያዩበት ወቅት የተናገሩት፡፡ ለኢትዮጵያ ሕዝብ የሚያዋጣው አንድነት፣ መተማመንና መተሳሰብ ነው ያሉት አቶ ለማ፣ ሕዝቡ ነገም ቢሆን ሊጠራጠር እንደማይገባ አመልክተው

‹‹በበረራ ቁጥር 302 መንገደኞችና የሥራ አጋሮቻችን ላይ በደረሰው አደጋ አሁንም ድረስ ሐዘን ላይ ነን!››

አቶ ተወልደ ገብረማርያም፣ የኢትዮጵያ አየር መንገድ ግሩፕ ኩባንያ ዋና ሥራ አስፈጻሚ፣ በኪጋሊ፣ ሩዋንዳ እየተካሔደ በሚገኘው የሥራ አስፈጻሚዎች ፎረም ላይ አየር መንገዱ የዓመቱ የአፍሪካ ሻምፒዮን ተብሎ ሽልማት ሲሰጠው ካደረጉት ንግግር የተወሰደ፡፡

ፍሬከናፍር

‹‹ከውጫሌ ስምምነት ተምረን፣ አሁን ከውጭ አገሮች ጋር የምናደርገው ስምምነት በችኮላ ሳይሆን በጥንቃቄና ሁሉንም ባሳተፈ መልኩ ልናደርገው ይገባል!›› የትግራይ ክልል ምክትል ርዕሰ መስተዳድር ደብረ ጽዮን ገብረ ሚካኤል (ዶ/ር)፣ 123ኛው የዓድዋ ድል በዓል በአገር አቀፍ ደረጃ በዓድዋ ከተማ ሲከበር ካሰሙት ዲስኩር የተወሰደ፡፡

ፍሬከናፍር

‹‹ጣሊያን በጨረቃ ሲገሰግስ አድሮ እሰፈሬ ድረስ መጥቶ ገጠመኝ፡፡ አምላከ ኃያላን ረድቶኝ ፈጀሁት፡፡ ደስ ብሎኛል ደስ ይበልህ!››

ዳግማዊ አፄ ምኒልክ፣ ባሕር ተሻግሮ ድንበር አቋርጦ የመጣውን ወራሪውን የጣሊያን ሠራዊት የካቲት 23 ቀን 1888 ዓ.ም. በዓድዋ ጦርነት ድል ማድረጋቸውን አስመልክቶ በወሩ መጋቢት 23 ቀን 1888 ዓ.ም. ለፈረንሣዊው ሙሴ ሞንዶን ከጻፉለት የምሥራች ደብዳቤ የተገኘ ኃይለ ቃል ነው፡፡

‹‹ኦዴፓ በፌዴራል ሥርዓቱ ላይ ከማንም ጋር ለድርድር አይቀመጥም››

የኦሮሞ ዴሞክራሲያዊ ፓርቲ (ኦዴፓ) ሰኞ የካቲት 11 ቀን 2011 ዓ.ም. ካወጣው መግለጫ የተወሰደ፡፡ ኦዴፓ በመግለጫው እንዳስታወቀው፣ በአጀንዳነት ይዞ ከሚታገልባቸው ጉዳዮች ውስጥ በዋነኝነት የሚጠቀሰው የፌዴራል ሥርዓቱ ነው፡፡