Skip to main content
x

ውድንቢ

ውንድቢ ከአጋዘን አስተኔዎች ሁሉ ግዙፍ  ነው፡፡ ወንዱ በአማካይ ከ500 እስከ 600 ኪግ ሲመዝን ሴቷ ከ340 እስከ 445 ኪግ ትመዝናለች፡፡ ሁለቱም ፆታዎች አጫጭርና ጥምዝ ቀንድ አላቸው፡፡ የወንዱ ቀንድ አጠር ብሎ (54 ሴሚ) ወፍራም ነው፡፡ የሴቶቹ ረዘም ይላል 60.5 ሴሚ፡፡ ከአካሉ አንፃር ራሱ አጭር ነው፣ ጆሮው አጭርና ቀጭን ነው፡፡

ጨኖ

ጨኖ ግራጫ ቢጤ የሆነ፣ ፈርጠም ያለ፣ ከደቡብ ምዕራብ ኢትዮጵያ እስከ ደቡብ አፍሪካ፣ በተጨማሪም በኮንጎ ደኖች የሚገኝ ጦጣ ነው። በኢትዮጵያ የሚገኘው ዓይነት ጨኖ የፀጉሩ ቀለም ግራጫና ጥቁር የሆነ፣ ፊቱ የጠቆረ ሰማያዊ የሆነ፣ አገጭና አንገቱ ነጭ ነው።

ኒያላ

ኒያላ ከድኩላ ይመሳሰላል፡፡ ሆኖም በመጠኑ በለጥ በማለቱና በፀጉራምነቱ፣ እንዲሁም በወንዶችና በሴቶቹ መካከል ባለው የግዝፈት ልዩነት የተለየ ነው፡፡ ወንዱ እስከ 125 ኪሎግራም ሴቶቹ ደግሞ እስከ 60 ኪሎግራም ይመዝናሉ፡፡ ቀንዶቹ 60 ሴሜ ርዝመት ሲኖራቸው ጫፋቸው ነጭ ሆኖ ከአንድ ተኩል እስከ ሁለት ተኩል ጥምዝ አላቸው፡፡

ካንጋሮ

ካንጋሮ የአውስትራሊያ ብርቅዬ እንስሳ ነው፡፡ በጠንካራ እግሮቹና አንዳንዴ በአደገኛነቱ የሚታወቀው ካንጋሮ፣ ከቁመቱ ሦስት እጥፍ ያህል ይዘላል፡፡ በምሥራቃዊ አውስትራሊያ የሚኖሩት ካንጋሮዎች ቁመታቸው እስከ ሁለት ሜትር ይደርሳል፡፡ በዱር ከስምንት እስከ 12 ዓመታት፣ በጥብቅ ቦታ እስከ 23 ዓመታት መኖርም ይችላሉ፡፡

ድምፅ አልባ አጥፊው ምስጥ

ምስጦች ቅርፃቸው ሞላላ ሆኖ ስድስት እግሮችና ጥንድ ክንፍም አላቸው፡፡ መልካቸው ቡናማ ቀለም ነው፡፡ በጋራ መኖርና ዕርጥብ እንጨት መመገብ ይወዳሉ፡፡ ምስጦች ድምፅ አልባ አጥፊዎች በመባል ይታወቃሉ፡፡ ይህ ስም የተሰጣቸው ዛፎችን፣ የዛፍ ሥሮችንና ተክሎችን እንዲሁም የእንጨት ውጤቶችን ከላይ ሳይሆን ከሥር ገብተው ውስጡን ቦጥቡጠው ስለሚበሉና ቅርፊት ብቻ ስለሚያስቀሩ ነው፡፡

ቀንድ አውጣ

ቀንድ አውጣዎች በአብዛኛው አትክልታማ ቦታ የሚገኙ ቢሆንም፣ አመጋገባቸው ተክል ላይ ብቻ የተወሰነ አይደለም፡፡ አንዳንዶቹ ተክልና ሥጋን ሲመገቡ አንዳንዶቹ ተክል ብቻ ተመጋቢ ናቸው፡፡

የዝሆኖች ድምፅ

ዝሆኖች አጥቢ ከሆኑትና ምድር ላይ ከሚኖሩት እንስሳት በትልቅነቱ ቀዳሚውን ሥፍራ ይይዛሉ፡፡ ክብደታቸው እስከ ስድስት ሺሕ ኪሎ ግራም የሚመዝን ሲሆን፣ እስከ 3.3 ሜትር ርዝማኔም አላቸው፡፡ ዝሆኖች እንደተወለዱ እስከ 91 ኪሎ ግራም ይመዝናሉ፡፡ ቁመታቸውም አንድ ሜትር ይደርሳል፡፡ ረዥም ጥርስ፣ ጠንካራና እንደ ፈለገ የሚታዘዝ ኩምቢ፣ እንዲሁም ትልቅ ጆሮ አላቸው፡፡

አምበርጊስ

አምበርጊስ የስብ ክምችት የመሰለ ከአሳ ነባሪ ሆድ ዕቃ የሚወጣ ነገር ነው፡፡ አምበርጊስ ከእንስሳው የሚወጣው በቀጥታ በሚመገበው ምግብ ምክንያት ሲሆን በተጨማሪም የእንስሳው መታመም ምልክትም ተደርጎ ይወሰዳል፡፡ አወጋገዱ ግን ከምግብ አፈጫጭ ሥርዓቱ ጋር የተያያዘ ነው፡፡

በፀሐይ ጮራ የሚመሰለው ድብ

በፀሐይ ጮራ የሚመሰለው ድብ በአብዛኛው የሚገኘው በደቡባዊ ቻይና ጥቅጥቅ ደኖች ውስጥ ነው፡፡ አሥር ኢንች ያህል የሚረዝም ምላስ ያለው ሲሆን፣ በዚህም መሬት ለመሬት የሚሽሎከሎኩ ነፍሳትን እያነሳ ይመገባል፡፡