Skip to main content
x

በሕወሓት ውስጥ ለተፈጠሩ ችግሮች ሚና የነበራቸው አመራሮች ኃላፊነት እንደሚወስዱ ተገለጸ

ከጥር 3 ቀን 2010 ዓ.ም. ጀምሮ በመቀሌ ከተማ በመካሄድ ላይ በሚገኘው የሕዝባዊ ወያኔ ሓርነት ትግራይ (ሕወሓት) የከፍተኛ አመራሮች ኮንፈረንስ፣ በማዕከላዊ ኮሚቴው ግምገማ ወቅት እንደተደረገው ሁሉ እስከ ታችኛው ድረስ ባሉ የድርጅቱ መዋቅሮች ውስጥ ለተፈጠሩ ችግሮች ሚና የነበራቸው አመራሮች ኃላፊነት እንደሚወስዱ፣ የሕወሓት ሥራ አስፈጻሚ ኮሚቴ አባል አቶ ጌታቸው ረዳ ለሪፖርተር ገለጹ።

የአማራና የትግራይ ክለቦች በአዲስ አበባ እንዲጫወቱ ተወሰነ

እግር ኳስ አሁን ላይ ከመዝናኛነት ባሻገር አዋጪ የኢንቨስትመንት ዘርፍ ከሆነ ውሎ አድሯል፡፡ በዚህ ብቻም ሳይወሰን ከተለያዩ የዓለም ክፍሎች የተወጣጡ የሰው ልጆች በአንድ መድረክ ተገናኝተው ቋንቋ፣ ዘርና ሃይማኖት ሳይወስናቸው መግባባት የሚችሉበትም መድረክ ከሆነ ዓመታት ተቆጥረዋል፡፡

በአገሪቱ የተከሰተውን ቀውስ ለማስቆም የሚቀሩ ሥራዎች እንዳሉ ተጠቆመ

በአገሪቱ ከጊዜ ወደ ጊዜ እየተባባሰና በሰውና በንብረት ላይ ከፍተኛ ጉዳት እያደረሰ ያለውን ቀውስ ለማስቆም፣ በርካታ የሚቀሩ ሥራዎች እንዳሉ ተጠቆመ፡፡ የአገር መከላከያ ሚኒስትርና የብሔራዊ ደኅንነት ምክር ቤት ጸሐፊ አቶ ሲራጅ ፈጌሳ ዓርብ ታኅሳስ 27 ቀን 2010 ዓ.ም. በጠቅላይ ሚኒስትር ጽሕፈት ቤት የመሰብሰቢያ አዳራሽ፣ የፌዴራልና የክልል የፀጥታ ምክር ቤቶች የተካሄደው የጋራ ስብሰባ ከተጠናቀቀ በኋላ በሰጡት መግለጫ ነው ይህንን ያሉት፡፡ ከአንድ ወር በፊት በአገሪቱ ያለውን የፀጥታ ችግር ለመፍታት በፌዴራልና በክልሎች የጋራ ምክር ቤት ዕቅድ ወጥቶና መግባባት ተፈጥሮ ወደ ሥራ በመግባት በርካታ ለውጦች ቢመዘገቡም፣ ሕገወጦችን በቁጥጥር ሥር ከማዋል አኳያ የሚቀሩ ሥራዎች አሉ ብለዋል፡፡

የኮከብ ምደባ ከተካሄደባቸው 365 ሆቴሎች ውስጥ አስገዳጅ መሥፈርት ያሟሉት 167 ብቻ መሆናቸው ታወቀ

የፖለቲካ ቀውሱ የቱሪስት ፍሰቱን አልገታም ተብሏል ከሦስት ዓመት በፊት በወጣውና ካቻምና በ365 ሆቴሎች ላይ በተደረገ የኮከብ ደረጃ ምደባ መሠረት ተገቢውን መሥፈርት በማሟላት ደረጃ ያገኙት ሆቴሎች 135 ብቻ እንደሆኑ ታወቀ፡፡ አብዛኞቹ የንፅህና፣ የአደጋ ጊዜ መውጫና ሌሎችም አስገዳጅ መሥፈርቶችን ማሟላት ባለመቻላቸው ነው ተብሏል፡፡

አሥራ ስድስት ዩኒቨርሲቲዎች ማስተማር ጀመሩ

በአዲግራት ዩኒቨርሲቲ ብሔር ተኮር ግጭት ከተከሰተ በኋላ የማስተማር ሥራቸውን ሙሉ በሙሉ ወይም በከፊል አቋርጠው ከነበሩ 19 ዩኒቨርሲቲዎች መካከል፣ 16 ያህሉ ማስተማር መጀመራቸው ታወቀ፡፡ የትምህርት ሚኒስቴር የሕዝብ ግንኙነት ዋና ዳይሬክተር ወ/ሮ ሐረጓ ማሞ ሰኞ ታህሳስ 9 ቀን 2010 ዓ.ም. ለሪፖርተር እንደተናገሩት ከአምቦ፣ ከመቱና ከወለጋ ዩኒቨርሲቲዎች በስተቀር በሌሎች ዩኒቨርሲቲዎች ሙሉ በሙሉ ወይም በከፊል የማስተማር ሥራ ተጀምሯል፡፡

በዩኒቨርሲቲዎች የተፈጠሩ ውጥረቶች እንዴት ይርገቡ?

ቴዎድሮስ ገብረ እግዚአብሔር (የአባቱ ስም ተቀይሯል) በ2010 ዓ.ም. የአምቦ ዩኒቨርሲቲ የአግሪካልቸር ዲፓርትመንት ተማሪ እንደሆነ፣ ‹‹መስከረም 24 ቀን 2010 ዓ.ም. ዩኒቨርሲቲ ብንገባም እስካሁን ድረስ ትክክለኛ የማስተማር ሥራ አልተጀመረም›› ሲል ለሪፖርተር ገልጿል፡፡ መጀመርያ አካባቢ ከመውጫ ፈተናው ጋር በተያያዘ የሚነሱ ጥያቄዎች እንደነበሩ ያስታውሳል፡፡

የአሜሪካ ኤምባሲ በኢትዮጵያ የሚታየው ግጭት አሳስቦኛል አለ

የአሜሪካ ኤምባሲ በጨለንቆና በተለያዩ ዩኒቨርሲቲዎች በተነሱ ግጭቶች የሰዎች ሕይወት በመጥፋቱና የአካል ጉዳት በመድረሱ እጅግ እንዳሳሰበውና እንዳዘነ ገለጸ፡፡ ኤምባሲው በዛሬው ዕለት ባወጣው መግለጫ ለተጎጂ ቤተሰቦችና ወዳጆች መጽናናትን ተመኝቷል፡፡

በአዲግራት ዩኒቨርሲቲ የተቀሰቀሰው የተማሪዎች ግጭት ወደ ሌሎች ዩኒቨርሲቲዎችም ተዛምቷል

የሦስት ተማሪዎች ሕይወት ሲያልፍ ከ20 በላይ ጉዳት ደርሶባቸዋል በትግራይ ክልል በአዲግራት ዩኒቨርሲቲ የተቀሰቀሰ ግጭት ወደ ሌሎች ዩኒቨርሲቲዎች መዛመቱ ተገለጸ፡፡ በሕይወትና በአካል ላይ ጉዳት ደርሷል፡፡ በአዲግራት ዩኒቨርሲቲ በተማሪዎች መካከል በተነሳ ግጭት አንድ ተማሪ ሲሞት፣ ከ20 በላይ ተማሪዎች ላይ ጉዳት መድረሱን ማረጋገጥ ተችሏል፡፡ በኦሮሚያ ክልል ወለጋ ዩኒቨርሲቲም በተመሳሳይ በተፈጠረ ግጭት ሁለት ተማሪዎች ሕይወታቸው ማለፉን፣ የኦሮሚያ ክልላዊ መንግሥት ኮሙዩኒኬሽን ቢሮ ኃላፊ አቶ አዲሱ አረጋ አስታውቀዋል፡፡

በአዲግራት ዩኒቨርሲቲ በተነሳ ግጭት አንድ ሰው ሞተ

በአዲግራት ዩኒቨርሲቲ አርብ ኅዳር 29 ቀን 2010 ዓ.ም. በተነሳ ግጭት የአንድ ተማሪ ሕይወት ሲጠፋ ቁጥራቸው ለጊዜው ያልታወቁ ተማሪዎች እንደተጎዱ ታውቋል፡፡ የግጭቱ መነሻ በሁለት ተማሪዎች መካከል የነበረ ጥል እንደሆነና ይህም ወደ ብሔር ግጭት እንዳደገ ታውቋል፡፡