Skip to main content
x

በሪል ስቴት ኩባንያዎች ላይ የተጣለው ዕግድ እንዲነሳ መመርያ ተሰጠ

የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር)፣ የመሬት ልማትና ማኔጅመንት ቢሮ ለሪል ስቴት ኩባንያዎች መስጠት አቁሞ የነበረውን አገልግሎት በድጋሚ መስጠት እንዲጀምር መመርያ ሰጡ፡፡ ፍርድ ቤት እንጂ የፌዴራል ፖሊስ የማገድ ሥልጣን ስለሌለው፣ የሪል ስቴት ኩባንያዎች ሥራቸውን እንዲቀጥሉ ምክትል ከንቲባው ጨምረው መመርያ ሰጥተዋል፡፡

በቀድሞ የሶማሌ ክልል ፕሬዚዳንትና ሌሎች ባለሥልጣናት ላይ ምርመራ ተጠናቀቀ

በሶማሌ ክልል በጅግጅጋ ከተማና በተለያዩ አካባቢዎች በሚገኙ የዞንና የወረዳ ከተሞች በተፈጸመ ወንጀል ተጠርጥረው በምርመራ ላይ በነበሩት፣ የቀድሞ የሶማሌ ክልል ፕሬዚዳንትን ጨምሮ በአራት ባለሥልጣናት ላይ ምርመራ መጠናቀቁን የፌዴራል ፖሊስ ወንጀል ምርመራ ቡድን አስታወቀ፡፡

ፖሊስ በእነ አቶ አብዲ መሐመድ ላይ ሲያደርግ የቆየውን ምርመራ ማጠናቀቁን አስታወቀ

ፖሊስ በቀድሞ የሶማሌ ክልል ፕሬዚዳንት አቶ አብዲ መሐመድ (አብዲ ኢሌ)፣ ራሕማ መሐመድና ፈርሃን ጣሂር ላይ ሲያደርግ የቆየውን ምርመራ አጠናቅቆ መዝገቡን ለጠቅላይ ዓቃቤ ሕግ ማስተላለፉን ዛሬ ዓርብ ጥር 10 ቀን 2011 ዓ.ም. ለፍርድ ቤት አስታወቀ፡፡

በቀድሞው የብሔራዊ መረጃና ደኅንነት አገልግሎት ምክትል ኃላፊ ላይ የሚከናወነው ምርመራ በፍርድ ቤት ጥያቄ አስነሳ

ጭካኔ የተሞላበት ከፍተኛ የሰብዓዊ መብት ጥሰት በመፈጸምና በማስፈጸም ተጠርጥረው በእስር ላይ በሚገኙት የብሔራዊ መረጃና ደኅንነት አገልግሎት ምክትል ዋና ዳይሬክተርና የአገር ውስጥ ደኅንነት ኃላፊ በነበሩት አቶ ያሬድ ዘሪሁን ላይ፣ የፌዴራል ፖሊስ ወንጀል ምርመራ ቡድን የምርመራ ሒደት በፍርድ ቤት ጥያቄ አስነሳ፡፡

አቶ ኤርሚያስ አመልጋ ለሜቴክ በሸጡት ኢምፔሪያል ሆቴል ምክንያት በሙስና ወንጀል ተከሰሱ

የአክሰስ ሪል ስቴትና የዘመን ባንክ አክሲዮን ማኅበራትን በመመሥረትና በመምራት የሚታወቁት አቶ ኤርሚያስ አመልጋ፣ ኢምፔሪያል ሆቴልን ለሜቴክ ከመሸጣቸው ጋር በተያያዘ የሙስና ወንጀል ክስ ቀረበባቸው፡፡

በኢትዮ ቴሌኮም ከፍተኛ ኃላፊ የነበሩ ተጠርጣሪ በ100 ሺሕ ብር ዋስትና እንዲፈቱ ትዕዛዝ ተሰጠ

በከባድ የሙስና ወንጀል ተጠርጥረው ከሁለት ወራት በላይ በእስር የቆዩት የኢትዮ ቴሌኮም የኤንጂፒኦ ዳይሬክተር የነበሩት አቶ ኢሳያስ ዳኛው በ100 ሺሕ ብር ዋስትና ከእስር እንዲለቀቁ፣ የፌዴራል ከፍተኛ ፍርድ ቤት ልደታ ምድብ አሥረኛ ወንጀል ጊዜ ቀጠሮ ችሎት ሰኞ ጥር 6 ቀን 2011 ዓ.ም. ትዕዛዝ ሰጠ፡፡

አቶ ኤርሚያስ አመልጋ ከግምት በላይ ሆቴል በመሸጥ ጉዳት አድርሰዋል ተብለው መጠርጠራቸው ተገለጸ

አቶ ኤርሚያስ አመልጋ 51 ሚሊዮን ብር ግምት ያለውን ኢምፔሪያል ሆቴል በ75 ሚሊዮን ብር ለሜቴክ በመሸጥ፣ 24 ሚሊዮን ብር ጉዳት አድርሰዋል ተብለው መጠርጠራቸው ተገለጸ፡፡

አቶ ኤርሚያስ ለፖሊስ የመመርመሪያ አንድ ቀን እንኳን ሊሰጠው አይገባም በማለት የተከራከሩ ሲሆን፣ ፖሊሶቹ ባይለወጡ እንኳ እናንተ አትለወጡም ወይ በማለት ፍርድ ቤቱን ጠይቀዋል፡፡

ካሁን ቀደም በተመሳሳይ የፖሊስ ባልደረባ ለ128 ቀናት መታሰራቸውን ያስታወሱት አቶ ኤርሚያስ፣ ፖሊሶች ለምን አይቀየሩም በማለት በለቅሶ አስረድተዋል፡፡

የኢትዮ ቴሌኮም የቀድሞ ዳይሬክተር የተጠረጠሩበት የ44.5 ሚሊዮን ዶላር ግዥ ውድቅ ተደረገ

በሶማሌ ክልልና በባሌ ዞን የሞባይልና ሲዲኤምኤ (የቴሌ ታወር ሥራዎች) ግንባታን በጥቅም ተመሳጥረው ያለ ጨረታ ለሜቴክ ሰጥተዋል ተብለው በሙስና ወንጀል ተጠርጥረው በእስር ላይ የሚገኙት የኢትዮ ቴሌኮም የኤንጂፒኦ የቀድሞ ዳይሬክተር፣ ከዩኒቨርሲቲዎች ኔትወርክ ግንባታ ጋር በተያያዘ ቀርቦባቸው የነበረው የ44.5 ሚሊዮን ዶላር ግዥ ውድቅ ተደረገ፡፡

የፀጥታ አስከባሪዎችን ኃይል አጠቃቀምና ተጠያቂነት የሚወስኑ ሁለት ሕጎች ለማውጣት ዝግጅት እየተደረገ ነው

የአገሪቱ የፀጥታ አስከባሪዎች የኃይል አጠቃቀም፣ እንዲሁም ኃላፊነታቸውን በሚወጡበት ወቅት ለሚፈጽሟቸው ድርጊቶች የሕግ ተጠያቂነትና ቁጥጥር እንዲደረግባቸው የሚያስችሉ ሁለት አዋጆች በመረቀቅ ላይ መሆናቸው ተገለጸ።

በደኅንነት ተቋም ውስጥ ተገኘ የተባለው አደገኛ መርዝ የቀድሞ ምክትል ዋና ዳይሬክተርን እንደሚመለከት ተጠቆመ

በብሔራዊ መረጃና ደኅንነት አገልግሎት ተገኘ የተባለው አደገኛ መርዝ በከፍተኛ የሰብዓዊ መብት ጥሰትና የሙስና ወንጀሎች የተጠረጠሩትን የተቋሙ ምክትል ዋና ዳይሬክተርን በቀጥታ ይመለከታቸዋል የሚል እምነት እንዳለው፣ የፌዴራል ፖሊስ ወንጀል ምርመራ ቡድን ለፍርድ ቤት ተናገረ፡፡