Skip to main content
x

ቻይና ለገርቢ ግድብ ፕሮጀክት የብድር ማራዘሚያ ሰጠች

ለሰሜን አዲስ አበባ፣ ሱሉልታና አካባቢው ነዋሪዎች ንፁህ የመጠጥ ውኃ ማቅረብ ያስችላል ለተባለው የገርቢ ግድብ ፕሮጀክት የተገኘው ብድር የመጠቀሚያ ጊዜው በማለፉ የተቋረጠ ቢሆንም፣ የፌዴራል መንግሥት ከቻይና መንግሥት ጋር ባደረገው ድርድር የሁለት ወራት ማራዘሚያ ተሰጠው፡፡

አነስተኛና መካከለኛ የኢንዱስትሪ ፓርኮችን ለማስፋፋት የተያዘው ዕቅድ የበጀት ችግር ገጠመው

ከግዙፍ ኢንዱስትሪ ፓርኮች ጋር ተመጋጋቢ የሚሆኑ አነስተኛና መካከለኛ ኢንዱስትሪ ፓርኮችን በሁሉም የአገሪቱ ክልሎች ለማቋቋም የተቀረፀው ፕሮጀክት፣ የሚጠይቀውን ፋይናንስ ማግኘት አለመቻሉ ታወቀ። በፌዴራል መንግሥት የተቀረፀው ይህ ፕሮጀክት በባለቤትነት ተግባራዊ እንዲሆን የሚፈለገው በክልል መንግሥታት ነው፡፡

የገንዘብ እጥረት ቀውስ በኢኮኖሚው ላይ ሥጋት መደቀኑን መንግሥት አመነ

የአገሪቱን ኢኮኖሚ ቀጣይነት ለማረጋገጥ የገንዘብ እጥረት ቀውስ እንደገጠመው፣ እጥረቱ በፍጥነት መፍትሔ ካልተገኘለት ኢኮኖሚውን በመጉዳት ማኅበራዊ ችግር ሊፈጥር እንደሚችል መንግሥት በይፋ አስታወቀ፡፡ ይህንን የተናገሩት የገንዘብና ኢኮኖሚ ትብብር ሚኒስትሩ አብርሃም ተከስተ (ዶ/ር)፣ የፌዴራል መንግሥትን የ2011 ዓ.ም. ረቂቅ በጀት ሐሙስ ግንቦት 30 ቀን 2010 ዓ.ም. ለፓርላማ ባቀረቡበት ወቅት ነው፡፡

የንግድ ባንክና የልማት ባንክ የብድር ፖሊሲና አሠራር ለውጥ ተደረገ

የኢትዮጵያ ንግድ ባንክ የረዥምና የመካከለኛ ጊዜ የፕሮጀክት ብድሮች መስጠት በማቆም የሥራ ማስኬጃ ብድሮች ብቻ እንዲሰጥ፣ የኢትዮጵያ ልማት ባንክ ደግሞ የፕሮጀክት ብድሮች እንዲሰጥ የተላለፈው ውሳኔ ታጠፈ፡፡ ውሳኔው ከሚያዝያ 10 ቀን 2009 ዓ.ም. ጀምሮ ተፈጻሚ ነበር፡፡

በኢትዮጵያ ብሔራዊ ባንክ ገዥ አቶ ተክለወልድ አጥናፉ ግንቦት 24 ቀን 2010 ዓ.ም. ተፈርሞ በወጣው ደበዳቤ እንደተገለጸው፣ ካሁን ቀደም የነበረው ውሳኔ ቀርቶ በቀድሞ አሠራር እንዲቀጥል ተወስኗል፡፡ በዚህም መሠረት ባለሀብቶች ከሁለቱም ባንኮች የፕሮጀክት ብድር ማግኘት ይችላሉ፡፡

በሥራ ላይ ለሚገኙ ሰፋፊ የእርሻ ፕሮጀክቶች የብድር መክፈያ ጊዜ ተራዘመ

በአገሪቱ በሚገኙ ሰፋፊ እርሻዎች ላይ የተጋረጡ ችግሮችን ለመፍታት ከቀረቡ የመፍትሔ ሐሳቦች መካከል አንዱ በሆነው የፋይናንስ አቅርቦት ላይ፣ የኢትዮጵያ ልማት ባንክ መጠነኛ ማሻሻያ አደረገ፡፡ የኢትዮጵያ ልማት ባንክ ፕሬዚዳንት አቶ ጌታሁን ናና ለምክትል ፕሬዚዳንቶችና ለዲስትሪክቶች በጻፉት የውስጥ ማስታወሻ፣ አብዛኞቹ በዝናብ የሚለሙ የእርሻ ፕሮጀክቶች በተፈጥሮና ሰው ሠራሽ ችግሮች ብድራቸውን በወቅቱ መክፈል አልቻሉም ብለዋል፡፡

የፓርላማ አባላት በአገሪቱ የውጭ ዕዳ ክምችት ሥጋታቸውን ገለጹ

የሕዝብ ተወካዮች ምክር ቤት አባላት በአገሪቱ የውጭ ዕዳ ክምችት ላይ ያላቸውን ሥጋት ገለጹ፡፡ የፓርላማ አባላቱ ሥጋታቸውን ጠንከር ብለው የገለጹት፣ ሐሙስ ግንቦት 23 ቀን 2010 ዓ.ም. ለምክር ቤቱ የቀረበውን የብድር አዋጅን ለማፅደቅ በተወያዩበት ወቅት ነው፡፡ ለምክር ቤቱ የቀረበው ለሁለት ፕሮጀክቶች መንግሥት ከዓለም ባንክ ጋር ያደረገው ስምምነት ቢሆንም የዓለም ባንክ ለኢትዮጵያ መንግሥት የፈቀደው ብድር በገበያ ዋጋ የሚተመን ወለድ የተጣለበት መሆኑ፣ የምክር ቤቱ አባላት ሥጋታቸውን እንዲያነሱ ምክንያት ሆኗቸዋል፡፡

የዕድገትና ትራንስፎርሜሽን ዕቅዱን ለማሳካት ፈተና እንደገጠመው መንግሥት አመነ

ሁለተኛውን የዕድገትና ትራንስፎርሜሽን ዕቅድ ዋና ዋና ግቦችን ለማሳካት አዳጋች ሁኔታ እንደገጠመው መንግሥት አመነ፡፡ የኢትዮጵያ ፕላን ኮሚሽን የዕቅዱን የግማሽ ዘመን አፈጻጸም በመገምገም በሁሉም የመንግሥት መዋቅሮች ውይይት እንዲደረግበት ያቀረበ ሲሆን፣ የዚህ የግምገማ ሰነድ ቅጂን ለማግኘት ተችሏል፡፡

መንግሥት በዚህ ዓመት ለውጭ የብድር ዕዳ 16 ቢሊዮን ብር እንደሚከፍል ታወቀ

መንግሥት በዚህ ዓመት በውጭ ብድር ከሚፈለግበት ዕዳ ውስጥ 16 ቢሊዮን ብር እንደሚከፍልና እስካሁንም 11 ቢሊዮን ብር መክፈሉ ታወቀ፡፡ የዓለም የገንዘብ ድርጅት (አይኤምኤፍ) የአገሪቱ የብድር ጫና እየጨመረ በመምጣት ከፍተኛ ደረጃ ላይ ደርሷል ቢልም፣ መንግሥት ግን አልተቀበለውም፡፡