Skip to main content
x

ተሰናባቹ ከንቲባ ቀጣዩ አስተዳደር ሊያተኩርባቸው የሚገቡ ጉዳዮችን ጠቆሙ

ተሰናባቹ የአዲስ አበባ ከተማ አስተዳደር ከንቲባ አቶ ድሪባ ኩማ ሰኞ ሐምሌ 2 ቀን 2010 ዓ.ም. ለምክር ቤቱ ባቀረቡት የአምስት ዓመት የሥራ ዘመን ማጠቃለያ ሪፖርት፣ ቀጣዩ የከተማው አስተዳደር ነዋሪዎችን እያስጨነቁ የሚገኙ ችግሮች በተለይም ድህነት፣ ሥራ አጥነት፣ መልካም አስተዳደርና የመኖሪያ ቤት አቅርቦት ላይ ትኩረት ሊያደርግ እንደሚገባ አሳሰቡ፡፡

ለመንግሥት ተሿሚዎችና ሠራተኞች ከ16 ሺሕ በላይ ቤቶች በ33 ቢሊዮን ብር ሊገነቡ ነው

ከአንድ ዓመት በፊት እንደ አዲስ የተዋቀረው የፌዴራል ቤቶች ኮርፖሬሽን፣ በአዲስ አበባ ለሚገኙ የመንግሥት ተሿሚዎችና ሠራተኞች 16,173 የጋራና ለኪራይ የሚውሉ ቤቶች በ33 ቢሊዮን ብር ለመገንባት ዝግጅት እያደረገ መሆኑን አስታወቁ፡፡

የውጭ ኩባንያዎችን በቤቶች ግንባታ ለማሳተፍ ለሚኒስትሮች ምክር ቤት ምክረ ሐሳብ ሊቀርብ ነው

ጠቅላይ ሚኒስትር ዓብይ አህመድ (ዶ/ር) ባቋቋሙት ካቢኔ አባል ሆነው ወደ ፌዴራል መንግሥት የመጡት የከተማ ልማትና ቤቶች ሚኒስትሩ አቶ ጃንጥራር ዓባይ፣ የውጭ አገር ኩባንያዎች በኮንዶሚኒየም ቤቶች ግንባታ እንዲሳተፉ ለሚኒስትሮች ምክር ቤት ምክረ ሐሳብ ሊያቀርቡ መሆኑ ታወቀ፡፡ ቀደም ሲል በአዲስ አበባ እየተካሄደ የሚገኘው የኮንዶሚኒየም ቤቶች ግንባታ እየተጓተተ በመሆኑና የኅብረተሰቡ የመኖሪያ ቤት ጥያቄ የዚያኑ ያህል አይሎ ስለነበር፣ የውጭ አገር ኮንትራክተሮችን ለማሳተፍ ታቅዶ  የጨረታ ሒደት ተጀምሮ ነበር፡፡

በግንባታ ማጠናቀቂያ ዕቃዎች የዋጋ ንረት ሳቢያ ይጠናቀቃሉ የተባሉት የ40/60 ቤቶች ችግር ገጥሟቸዋል

የአዲስ አበባ ከተማ አስተዳደር ከንቲባ አቶ ድሪባ ኩማ በ40/60 ቤቶች ፕሮግራም እየተገነቡ የሚገኙ 17‚737 ቤቶች በሚቀጥለው ሰኔ 30 ቀን 2010 ዓ.ም. እንደሚጠናቀቁ ቢገልጹም፣ ዋጋቸው እየናረ ለሚገኘው የግንባታ ማጠናቀቂያ ዕቃዎች ዋጋ በጀት ባለመኖሩ ዕቅዱ የሚሠራ አለመሆኑን ምንጮች ገለጹ፡፡ ከንቲባ ድሪባ ከሳምንት በፊት ለከተማው ምክር ቤት ባቀረቡት የ2010 ዓ.ም. የዘጠኝ ወራት ሥራ አፈጻጸም ሪፖርት፣ በ40/60 ፕሮግራም ከሚገነቡት 38‚240 ቤቶች ውስጥ 17‚737 ቤቶች በበጀት ዓመቱ መጨረሻ ሙሉ ለሙሉ እንደሚጠናቀቁ ገልጸው ነበር፡፡

ለመንግሥት ሠራተኞች በኪራይ የሚተላለፉ አፓርታማዎች ግንባታ ተጀመረ

የአዲስ አበባ ከተማ አስተዳደር ለመንግሥት ሠራተኞች ብቻ በኪራይ የሚተላለፉ አፓርታማዎች ግንባታ ጀመረ፡፡ የአዲስ አበባ ከተማ አስተዳደር አዲስ በጀመረው ፕሮጀክት በመጀመርያው ዙር 23 ሕንፃዎች፣ በሁለተኛው ዙር 22 ሕንፃዎች፣ በድምሩ 1,718 መኖርያ ቤቶችን የያዙ 45 ሕንፃዎችን ለመገንባት ዕቅድ ይዟል፡፡

በርካታ የኮንዶሚኒየም ተመዝጋቢዎች ቁጠባቸውን እያቋረጡ ነው

የኮንዶሚኒየም ቤቶች ባለቤት ለመሆን ከ900 ሺሕ በላይ የሚሆኑ ነዋሪዎች የተመዘገቡ ቢሆንም፣ አብዛኞቹ ወርኃዊ ቁጠባቸውን እያቋረጡ መሆኑ ታወቀ፡፡  የከተማ ልማትና ቤቶች ሚኒስቴር ነዋሪዎቹ ቁጠባቸውን የሚያቋርጡት ከአቅም ጋር በተያያዘ ከሆነ ምርጫቸውን ማስተካከል እንደሚችሉ አስታውቋል፡፡

ከተማ ልማትና ቤቶች ሚኒስቴር እስከ ሰኔ መጨረሻ 32 ሺሕ የጋራ ቤቶች ይጠናቀቃሉ አለ

በአዲስ አበባ ከተማ እየተካሄደ የሚገኘው የኮንዶሚኒየም ቤቶች ግንባታ በተለያዩ ችግሮች እየተንጓተተ ቢሆንም፣ በተያዘው በጀት ዓመት መጨረሻ 32 ሺሕ ቤቶች እንደሚጠናቀቁ ተመለከተ፡፡ በከተማ ልማትና ቤቶች ሚኒስትሩ አምባቸው መኮንን (ዶ/ር) የሚመራ ቡድን ሐሙስ ጥር 24 ቀን 2010 ዓ.ም. በተለያዩ ሳይቶች ጉብኝት አድርጓል፡፡ አስተዳደሩ በአጠቃላይ ከሚገነቧቸው 94,070 ቤቶች ውስጥ በመጋቢት 2010 ዓ.ም. 22 ሺሕ ቤቶችን፣ ሰኔ 30 ቀን 2010 ዓ.ም. ደግሞ 50 ሺሕ ቤቶችን የማጠናቀቅ ዕቅድ ነበረው፡፡

ቤቶች ኤጀንሲ ከሁለት ሺሕ በላይ የኮንዶሚኒየም ንግድ ቤቶች ለመሸጥ ጨረታ ያወጣል

የአዲስ አበባ ከተማ አስተዳደር የቤቶች አስተዳደር ኤጀንሲ በሰባት ክፍላተ ከተሞች የሚገኙ 2,331 የኮንዶሚኒየም ንግድ ቤቶችን ለመሸጥ፣ ሰኞ ጥር 21 ቀን 2010 ዓ.ም. ጨረታ ሊያወጣ ነው፡፡ ከ1996 ዓ.ም. ጀምሮ በአዲስ አበባ ከተማ ከተገነቡ ከ175 ሺሕ በላይ ኮንዶሚኒየም ቤቶች፣ ወለል ላይ የሚገኙ 12,500 ቤቶች በ13 ዙር ጨረታዎች ለነጋዴዎች መተላለፋቸው ይታወሳል፡፡

የኮንዶሚኒየም ቤቶች ግንባታ መጓተቱን የፓርላማ ቋሚ ኮሚቴ አስታወቀ

በአዲስ አበባ ከተማ በመቶ ሺዎች የሚቆጠሩ ነዋሪዎች የኮንዶሚኒየም ቤቶች ለማግኘት ተመዝግበው በየወሩ እየቆጠቡ የሚገኙ ቢሆንም፣ ግንባታው ግን አዝጋሚ መሆኑ በፓርላማ ቋሚ ኮሚቴ ተገለጸ፡፡ የሕዝብ ተወካዮች ምክር ቤት የከተማ ልማትና ኮንስትራክሽን ጉዳዮች ቋሚ ኮሚቴ፣ በ20/60 እና በ40/80 ቤቶች ፕሮግራም ሳይቶች ላይ ባካሄደው ቅኝት  ግንባታው በተያዘለት ዕቅድ ከመሄድ ይልቅ እየተጓተተ መሆኑን አስታውቋል፡፡

በአሥር ቢሊዮን ብር በጀት የሚካሄደው የጋራ ቤቶች ግንባታ በኮንትራክተሮች አቅም ማነስ እየተስተጓጎለ ነው

የአዲስ አበባ ከተማ አስተዳደር በተያዘው በጀት ዓመት በአሥር ቢሊዮን ብር በጀት ከሚያስገነባቸው 94,070 የጋራ ቤቶች መካከል፣ በሰኔ 2010 ዓ.ም. 50 ሺሕ ቤቶችን ለማጠናቀቅ የያዘው ዕቅድ በኮንትራክተሮች አቅም ማነስ እየተስተጓጎለ ነው፡፡