Skip to main content
x

ኢሕአዴግ ባድመ ለኤርትራ እንድትሰጥ የወሰነውን የአልጀርስ ስምምነት ሙሉ በሙሉ መቀበሉን አስታወቀ

የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ሥራ አስፈጻሚ ኮሚቴ ማክሰኞ ግንቦት 28 ቀን 2010 ዓ.ም. ባደረገው መደበኛ ስብሰባ፣ ባድመ ለኤርትራ እንድትሰጥ የወሰነው የአልጀርሱን ስምምነትና የድንበር ኮሚሽኑን ውሳኔ ሙሉ ለሙሉ ተቀብሎ ተግባራዊ ለማድረግ እንደወሰነ አስታወቀ፡፡ የሥራ አስፈጻሚ ኮሚቴው አመሻሸ ላይ ባወጣው መግለጫ ከ20 ዓመታት ውዝግብና እሰጥ አገባ በኋላ፣ የተባበሩት መንግሥታት ድርጅት የድንበር ማካለል ኮሚሽን የወሰነውንና በሁለቱ መንግሥታት በአልጀርስ የተፈረመውን ስምምነት እንደሚቀበል ይፋ ሲያደርግ ምክንያቱ ምን እንደሆነ አሥፍሯል፡፡

የድሬዳዋ አስተዳደር አዲስ ማስተር ፕላን እያዘጋጀ ነው

ለረዥም ዓመታት ዕድገቷ ተገቶ የቆየችው የድሬዳዋ ከተማ አዲስ የተዘረጋው የኢትዮ ጂቡቲ የባቡር መስመርና በመገንባት ላይ ያለው ግዙፍ የኢንዱስትሪ ፓርክ ሕይወት እየዘራባት በመሆኑ፣ አዲስ የከተማ ማስተር ፕላን በማዘጋጀት ላይ መሆኑን የከተማዋ አስተዳደር አስታወቀ፡፡

የምድር ባቡር ኮርፖሬሽን የባቡር ማሠልጠኛ ሊገነባ ነው

የኢትዮጵያ የምድር ባቡር ኮርፖሬሽን ከቻይና መንግሥት ባገኘው የገንዘብ እርዳታ በቢሾፍቱ ከተማ በ151.7 ሔክታር መሬት ላይ የባቡር አካዳሚ ለመገንባት ከቻይና ኤምባሲ ተወካዮች ጋር ዛሬ ጥር 5 ቀን 2010 ዓ.ም. የእርዳታ ስምምነት ተፈራረመ፡፡

 

የቻይና መንግሥት ለፕሮጀክቱ 373.15 ሚሊዮን ዩዋን (1.57 ቢሊዮን ብር) እርዳታ የሚሰጥ ሲሆን፣ ግንባታው በመስከረም 2011 ዓ.ም. እንደሚጀመር ከኮርፖሬሽኑ የተገኘው መረጃ ያመለክታል፡፡ የግንባታ ቦታ የማዘጋጀትና ሌሎች አስፈላጊ ቅድመ ዝግጅቶችም እየተጠናቀቁ እንደሆነ ታውቋል፡፡

 

ዘንድሮ የአዳዲስ የባቡር መስመሮች ዝርጋታ አይኖርም

ኢትዮጵያ ከ2007 ዓ.ም. ጀምሮ ከአዋሽ-ወልዲያ-መቀሌ የባቡር መስመር ዝርጋታ እያካሄደች ቢሆንም፣ ዘንድሮ አዳዲስ የባቡር መስመሮች ዝርጋታ እንደማይጀመር ታውቋል፡፡ የኢትዮጵያ ምድር ባቡር ኮርፖሬሽን የሕዝብ ግንኙነት ዳይሬክተር አቶ ደረጀ ተፈራ ለሪፖርተር እንደተናገሩት፣ አገሪቱ ሁለት የባቡር መስመር ፕሮጀክቶችን እያከናወነች ቢሆንም ዘንድሮ የሚጀመር ፕሮጀክት የለም፡፡ ከመቼ ጀምሮ የአዳዲስ የባቡር መስመሮች ዝርጋታ እንደሚጀመር አይታወቅም ብለዋል፡፡