Skip to main content
x

መርዛማዋ እንቁራሪት

በደማቅ ቀለማት ያሸበረቀ ቆዳ ያላት መርዛማዋ እንቁራሪት ጣላቶቿ እንዳይነኳት ምታስጠነቅቀው በቀለሟ ነው፡፡ ለምግብነት በማይስበው ዝብርቅርቅ ቀለሟ ያልሸሿትን በአንድ ጊዜ ንክኪ ብቻ ነው ጉድ የምትሠራቸው፡፡

ባለ ሮዝ ቀለሙ አንበጣ

አረንጓዴ፣ ቡናማ አንዳንዴም ነጭ ቀለም ያላቸውን የአንበጣ ዝርያዎች እዚህም እዚያም ማየት የተለመደ ነው፡፡ ከሌሎቹ አንበጦቹ አንድ የተለየ ጂን ያለው አንበጣ ግን ጂኑ ሮዝ ቀለም አንዲኖረው አድርጎታል፡፡

ሴይጋ አንቴሎፕ

በካዛኪስታን ሜዳማ አካባቢ ላይ የሚኖረው ሴይጋ አንቴሎፕ ከዝርያዎች ልዩ የሚያደርገው አንድ ነገር አለ፡፡ አፍንጫው ያገኘውን አየር እየሳበ ወደ ውስጥ ከማስገባት ይልቅ፣ ቀዝቃዛውንም ሙቀቱንም ተቀብሎ ሙቀቱን አመጣጥኖ ነው ወደ ውስጥ የሚልከው፡፡

የዱር ድመት

ከድመት አስተኔዎች ውስጥ አንዱ የአፍሪካ የዱር ድመት ነው፡፡  በአውሮፓና እስያም ይገኛል፡፡ ዶ/ር ሰሎሞን ይርጋ ‹‹አጥቢዎች›› ባሉት መጽሐፋቸው እንደገለጹት፣ የአፍሪካ የዱር ድመት ወንዱ 5 ኪሎ ግራም፣ ሴቷ ደግሞ 4 ኪሎ ግራም ይመዝናሉ፡፡

ከወቅት ጋር ፀጉሩ የሚቀያየረው ሽኮኮ

ያማርኛ መዝገበ ቃላት ሽኮኮን ሲፈታ ያውሬ ስም፣ በጐሬ በየቋጥኙ ሥር የሚኖር የጥንቸል ዐይነት ይለዋል፡፡ በሌላ በኩል ስለዱር እንስሳት የሚያወሳ አንድ ድርሳን፣ሽኮኮን የዘራይጥ አስተኔ ይለዋል፡፡ ከተለያዩ ዝርያዎች አንዳንዱ በዛፍ ውስጥ የሚኖር፣ አንዳንዱ በመሬት ላይ የሚቆይ ዓይነት አለ ሲልም ያክላል።

እንቁራሪት

እንቁራሪት አኗኗራቸው በወንዝ አካባቢ ነው፡፡ በእንቆቅልሽ ‹‹ወንዝ ለወንዝ ሠርገኛ አረህ ላረህ ክራረኛ›› እወቅልኝ ሲባል መልሱ እንቁራሪት ይሆናል፡፡ በማንይንገረው ሸንቁጥ በተዘጋጀው ‹‹ባለአከርካሪዎች›› መጽሐፍ እንደተገለጸው፣ እንቁራሪቶች ጅራት የላቸውም፡፡

ድኩላ

ድኩላ ዝርያው ከኒያላ  ወይም ከአጋዘን ይመደባል፡፡ በተለያዩ መልክዓ ምድራዊ ማለትም መካከለኛ ሙቀት ባላቸው፣ በዝናባማና ደን በበዛባቸው ተራራማ አካባቢዎች ይኖራል፡፡

የጦጣው አፍንጫ

ከጦጣ ዝርያዎች አንዱና ‹‹ፕሮቦሲስ መንኪ›› ተብሎ የሚታወቀው ጦጣ በአፍንጫው አረዛዘም ታዋቂ ሆኗል፡፡ ፕሮቦሲስ ጦጣ የሚኖረው በትልቅነቱ ከዓለም ሦስተኛ ከእስያ አንደኛ በሆነው ቦርኒኦ ደሴት ነው። ደሴቱ የአገሩ ነዋሪዎች ይህን እንስሳ ኧራንግ ቤላንዳ ወይም “የደች ሰው” ብለው ይጠሩታል።

አምባራይሌ

አምባራይሌ አጠቃላይ ቁመናው ከቀንዱ ጥምዝ ጋር የአጋዘን ይመስላል፡፡ በመጠኑ ግን አነሰ ያለ ነው፡፡ የወንዱ ክብደት ከ92 እስከ 108 ኪሎ ግራም፤ የሴቶቹ ደግሞ ከ56 እስከ 70 ኪግ ይሆናል፡፡ ሴቶቹና ወጣቶቹ የቀይ ቡኒ ሲሆኑ፣ ወንዶቹ ደግሞ ሰማያዊ የመሰለ ግራጫ ናቸው፡፡ ይህም ቀለማቸው ዕድሜአቸው እየገፋ ሲሄድ እየጠቆረ ይሄዳል፡፡

አውራሪስ

አውራሪስ ከዝሆን ቀጥሎ ከየብስ እንስሳት ሁለተኛው ግዙፍ እንስሳ ነው፡፡ አምስት ዓይነት ዝርያዎች ሲኖሩት ሁለቱ በአፍሪካ፣ ሦስቱ በእስያ ይገኛሉ፡፡ ማንይንገረው ሸንቁጥ ‹‹ባለአከርካሪዎች›› በሚለው ድርሳናቸው እንደገለጹት፣ አውራሪስ 1.5 ሜትር ርዝመት ሲኖረው፣ ክብደቱ ከአንድ እስከ ሁለት ቶን ይመዝናል፡፡ ነጩ አውራሪስ ሁለት ቶን ያህል ሲመዝን፣ ጥቁሩ ደግሞ ከአንድ እስከ 1.5 ቶን ይሆናል፡፡