Skip to main content
x

የኢትዮጵያ እግር ኳስ ፌዴሬሽን ፕሬዚዳንታዊ ምርጫ የድምፅ አሰጣጥ ሒደት ውዝግብ አስነሳ

እሁድ ግንቦት 26 ቀን 2010 ዓ.ም. በአፋር ክልል ሰመራ በተካሄደው የኢትዮጵያ እግር ኳስ ፌዴሬሽን ፕሬዚዳንትና የሥራ አስፈጻሚ ኮሚቴ አባላት ምርጫ ከኦሮሚያ ክልል የተወከሉት አቶ ኢሳያስ ጅራ ከፍተኛውን ድምፅ ቢያገኙም፣ በፌዴሬሽኑ መተዳደሪያ ደንብ ምክንያት መራጭ ከሆኑ 145 የጠቅላላ ጉባዔ አባላት ከግማሽ በላይ (50+1) ድምፅ ባለማግኘታቸው ጉባዔው በድጋሚ ምርጫ እንዲያደርግ ተገደደ፡፡

አቶ ኢሳያስ 66 ድምፅ አግኝተው የነበረ ሲሆን፣ አቶ ተካ አስፋው 47 ድምፅ አግኝተዋል፡፡ አቶ ጁነዲን ባሻ 28 ድምፅ ሲያገኙ አቶ ተስፋዬ ካህሳይ ደግሞ 3 ድምፅ አግኝተዋል፡፡

በዕድሉ መጠቀም ያልቻለው ፌዴሬሽን እስካሁን የፊፋን ምላሽ አላገኘም

በኢትዮጵያ እግር ኳስ የፌዴሬሽን የአመራርነት ምርጫ መያዣ መጨበጫ አጥቶ የቆየው ሽኩቻ፣ የዓለም አቀፍ እግር ኳስ ማኅበር (ፊፋ) ጣልቃ ገብነትና ዳኝነትን ከቀላቀለ ወዲህ አሁን ላይ የፊፋ ምላሽ መጠበቅ የዕለት ዕለት ሥራ እንደሆነበት እየተነገረ ይገኛል፡፡ ምላሽ የሚጠብቁ አንዳንድ የፌዴሬሽን አመራሮችና የሥራ ኃላፊዎች፣ በጉዳዩ በእጅጉ እየተሰላቹ ስለመሆኑ ጭምር ተሰምቷል፡፡

የፌዴሬሽኑ የምርጫ ጊዜ ዳግመኛ ተራዘመ

በኢትዮጵያ እግር ኳስ ፌዴሬሽን አሁን ያለው አመራር የአገልግሎት ዘመኑን ካጠናቀቀ ወራት አስቆጥሯል፡፡ የዓለም አቀፍ እግር ኳስ ማኅበር (ፊፋ) ከምርጫ ሥርዓት ጋር አያይዞ ለፌዴሬሽኑ ያስተላለፈውን የምርጫ ሥነ ምግባር ኮድ ተከትሎ ምርጫው ተራዝሞ ሒደቱን የሚከታተልና የሚያስፈጽም አስመራጭ ኮሚቴ እንዲሰየም መደረጉ አይዘነጋም፡፡ በዚሁ መሠረት ታኅሣሥ 16 ቀን 2010 ዓ.ም. ሊደረግ ታቅዶ የነበረው ምርጫ ለሁለተኛ ጊዜ እንዲራዘም ተደርጓል፡፡

የኢትዮጵያ እግር ኳስ ፌዴሬሽን አስመራጭ ኮሚቴ ለመሰየም አስቸኳይ ስብሰባ ጠራ

ለኢትዮጵያ እግር ኳስ ፌዴሬሽን ለፕሬዚዳንትና ለሥራ አስፈጻሚዎች ምርጫ አስመራጭ ኮሚቴ ለመሰየም፣ ለሐሙስ ኅዳር 14 ቀን 2010 ዓ.ም. አስቸኳይ ስብሰባ እንዲጠራ የፌዴሬሽኑ የሥራ አስፈጻሚ ኮሚቴ ዛሬ በጽሕፈት ቤቱ ወሰነ፡፡

ጎልቶ የወጣው የእግር ኳሱ የምርጫ ሽኩቻ

የኢትዮጵያ እግር ኳስ ፌዴሬሽን የሥራ አስፈጻሚ ኮሚቴ ምርጫ ከወትሮው በተለየ ፍጥጫና ሽኩቻ እያስተናገደ ይገኛል፡፡ የምርጫው ውዝግብና ሽኩቻ በአቋምና ብቃት እንዲሁም ለእግር ኳሱ በሚያበረክተው አስተዋጽኦ ላይ ከመሆን ይልቅ ለውድድር በቀረቡት ላይም ሲያጠነጥን ታይቷል፡፡