Skip to main content
x

እያገረሹ ያሉ ግጭቶች መላ ይፈለግላቸው!

ለሦስት ዓመታት ያህል የዘለቀው ደም አፋሳሽ ግጭት በሰላማዊ የሥልጣን ሽግግር ረገብ ቢልም፣ በተለያዩ ምክንያቶች የሚቀሰቀስ ግጭት ግን ገጽታውንና አድማሱን እያሰፋ ነው፡፡ ጠቅላይ ሚኒስትር ዓብይ አህመድ (ዶ/ር) በፓርላማ ከተሰየሙበት ከመጋቢት 24 ቀን 2010 ዓ.ም. ጀምሮ አንፃራዊ ሰላምና መረጋጋት ቢታይም፣ ከእግር ኳስ ሜዳዎች እስከ ክብረ በዓላት ሥነ ሥርዓቶች ድረስ ምክንያታቸው በውል ያልታወቀ ግጭቶች በብዙ ሥፍራዎች አጋጥመዋል፡፡

አገርን የማያስቀድም አጀንዳ እርባና የለውም!

የአገር ህልውና ለድርድር አይቀርብም፡፡ የአገር ሰላምና ደኅንነት መቼም ቢሆን ለፖለቲካ ሒሳብ ማወራረጃነት መዋል የለበትም፡፡ የአገር ጉዳይ ሲነሳ በቀጥታ የሚመለከተው ከ100 ሚሊዮን በላይ ኢትዮጵያዊያንን ነው፡፡ በአገሪቱ አራቱም ማዕዘናት ውስጥ የሚኖሩና በውጭ የሚገኙ ኢትዮጵያዊያን ከአያት ከቅድመ አያቶቻቸው የወረሱት ጥልቅ የሆነ የአገር ፍቅርን ነው፡፡

ለብሔራዊ መግባባት የማይጠቅሙ አፍራሽ ድርጊቶች ይምከኑ!

ኢሕአዴግ የደርግ መንግሥትን በትጥቅ ትግል አስወግዶ ሥልጣን ከያዘ 27 ዓመታት ተቆጥረዋል፡፡ እነዚህ 27 ዓመታት በኢትዮጵያ ውስጥ በርካታ ክስተቶችን አስተናግደዋል፡፡ ከአሀዳዊ ወደ ፌዴራላዊ ሥርዓት በመሸጋገር በፖለቲካ፣ በኢኮኖሚና በማኅበራዊ መስኮች በርካታ ጉዳዮች ተከናውነዋል፡፡

ከአጉል ልማድ ጋር መኖር ከእውነታ ጋር ያጋጫል!

የኢትዮጵያ ሕዝብ ከዳር እስከ ዳር የሚኮራባቸውና የማንነቱ መገለጫ የሆኑ የተለያዩ ባህሎች፣ ወጎችና ልማዶች አሉት፡፡ የማኅበረሰብ ህልውናን የሚያጎለብቱና አብሮ መኖርን የሚያጠናክሩ እነዚህ እሴቶች፣ ዘመናትን እየተሸጋገሩ በትውልዶች ቅብብሎሽ እዚህ ዘመን ላይ ደርሰዋል፡፡ በሌላ በኩል ጎጂ ተብለው የሚታወቁ ልማዶች ደግሞ ከፍተኛ ጉዳት ሲያደርሱ ኖረዋል፡፡

የፍትሕ አካላት ነፃነትና ገለልተኝነት ከፍተኛ ትግል ያስፈልገዋል!

የፍትሕ መለያ የሆነችው ዓርማ ዓይኗ በጨርቅ መሸፈኗ የገለልተኝነት ተምሳሌት ነው፡፡ ይህ ተምሳሌት የፍትሕ አካላትን ነፃነትና ገለልተኝነት ይወክላል፡፡ እንዳለመታደል ሆኖ ግን ኢትዮጵያ የጎደላት ከየትኛውም የተቋም ግንባታ ይበልጥ፣ ከየትኛውም ፓርቲ ወይም ቡድን ርዕዮተ ዓለም ጭምር ገለልተኛ የሆነ የፍትሕ ተቋም ነው፡፡ የኢትዮጵያ የፍትሕ ተቋማት ቋንቋ፣ አደረጃጀትና መፈክር ከሕገ መንግሥት ይልቅ ለፓርቲ ‹‹መስመር›› ይበልጥ የገበረ ነው፡፡

የጠቅላይ ሚኒስትሩ አንዱ ፈተና የፕሬስ ነፃነት ጉዳይ ነው!

ሐሙስ ሚያዝያ 25 ቀን 2010 ዓ.ም. የዓለም የፕሬስ ነፃነት ቀን ነው፡፡ ይህ ቀን በምዕራብ አፍሪካዊቷ ጋና ሲዘከር የዘንድሮ መሪ ቃሉ ‹‹ሥልጣን ከልኩ እንዳያልፍ መጠበቅና በዓይነ ቁራኛ መቆጣጠር…›› የሚል አንድምታ አለው፡፡ ጋና ይኼንን ዓለም አቀፍ በዓል የምታስተናግደው የፕሬስ ነፃነትን ተቋማዊ ለማድረግ ባሳየችው ግስጋሴ ሲሆን፣ እ.ኤ.አ. በ2017 የዓለም የፕሬስ ነፃነት መመዘኛ ከ180 አገሮች 20ኛ ደረጃ በማግኘት ከአፍሪካ ቀዳሚ በመሆኗ ነው፡፡

የለውጥ ሒደቱን መደገፍ የለውጥ አካል መሆን ነው!

ጠቅላይ ሚኒስትር ዓብይ አህመድ (ዶ/ር) የኢሕአዴግ ሊቀመንበር እንዲሆኑ ከተመረጡና በፓርላማ ከተሰየሙ ጊዜ ጀምሮ፣ አገሪቱ ላይ አንዣቦ የነበረው የሥጋት ደመና እየተገፈፈ ነው፡፡ በአገሪቱ የተለያዩ አካባቢዎች በመገኘት ከሕዝብ ጋር እያደረጉ ባሉት ውይይትም ይህ እውነታ በሚገባ ተንፀባርቋል፡፡ እሳቸው እያስጀመሩ ያሉትን የለውጥ ሒደት በመደገፍ ሕዝብ በግልጽ እየተናገረም ነው፡፡

አማራጭ ሆኖ ለመቅረብ ጠንክሮ መገኘት የግድ ይላል!

በኢትዮጵያ ፖለቲካ ውስጥ ትልቁ ችግር የመወዳደሪያ ሜዳው እንደነበር ብዙ ተብሎለታል፡፡ የፖለቲካ ምኅዳር በመባል የሚታወቀው የመወዳደሪያ ሜዳ አባጣና ጎርባጣ መሆኑ ብቻ ሳይሆን፣ ለሰላማዊ የፖለቲካ ትግል ፈታኝ እንደነበር ይታወቃል፡፡ በተለይ ያለፉት 27 ዓመታት ውጣ ውረዶች ብዙ የሚናገሩት አላቸው፡፡

አገር በመላምት አይመራም!

ጠቅላይ ሚኒስትሩ ሥልጣን ከጨበጡ ሦስት ሳምንታት ተቆጥረዋል፡፡ ብዙ ጊዜያቸውን በአዲስ አበባም ሆነ በተለያዩ ክልሎች ከተለያዩ የኅብረተሰብ ክፍሎች ጋር ሲነጋገሩና መልዕክት ሲያስተላልፉ ሰንብተዋል፡፡ በንግግሮቻቸውም የብዙዎችን ቀልብ ስበዋል፡፡ ሰሞኑን ደግሞ አዲሱን ካቢኔያቸውን በፓርላማ አፀድቀዋል፡፡ ተጨማሪ ሹመቶችንም ሰጥተዋል፡፡

ለበጎ የታሰበው ክፋት እንዳያበላሸው!

በመላ አገሪቷ አንፃራዊ ሰላምና መረጋጋት ሰፍኖ ኢትዮጵያውያን በተስፋ ተሞልተው የዕለት ተዕለት ተግባራቸውን እያከናወኑ መሆናቸው፣ አገሩን ለሚወድ ማንኛውም ሰው ዕፎይታ ይሰጣል፡፡ ኢትዮጵያውያን ለጋራ ዓላማ አብረው ለመሠለፍ የሚያስችላቸው ጅማሬ እየታየ በመሆኑ፣ ብዙዎች መጪውን ጊዜ በብሩህ ተስፋ ተሞልተው ቢጠብቁ አይገርምም፡፡