Skip to main content
x

ዕድል የማበላሸት ልማዳቸውን አበላሽተው አያውቁም እንዳንባል

ከጥላቻ ፖለቲካ ውስጥ እንውጣ፣ በዕርቅ እንተቃቀፍ፣ ወገንተኛ ባልሆኑ አውታራት ላይ ዴሞክራሲን እንገንባ፣ ማንነትን፣ በተለይም ብሔራዊ ማንነትን ከኢትጵያዊነት ጋር እናግባባ፣ እንደ አገር ህልውናን በሚወስኑ የቀጣናችንና የአኅጉራችን አሳሳቢ ጉዳዮች ላይ እናተኩር፣ በአጠቃላይ በውስጧ ሰላም የሆነች፣ ከሌሎችም ጋር በሰላም የምትኖር እውነተኛ ፌዴራላዊ ዴሞክራሲያዊ ሪፐብክ ኢትዮጵያን እንገንባ ብሎ የተነሳውና ጠቅላይ ሚኒስትር ዓብይ አህመድ (ዶ/ር) የሚመሩት ለውጥ እነሆ መጋቢት 24 ሲመጣ አንድ ዓመት ይሞላዋል፡፡

ለፖለቲካው ስኬት ኢኮኖሚውም ስንቅ መሆኑ አይዘንጋ

የፖለቲካ ብልሽት ኢኮኖሚንና የኢኮኖሚ ልማትን ያጎሳቁላል፡፡ የኢኮኖሚ ልማት መሳካት ለፖለቲካ ሰላም ስንቅና መሠረት ይሆናል፡፡ የሁለቱን ተወራራሽነት በተረዳ ዕይታ ዛሬ አገራችን ያለችበትን እውነታ መመርመር፣ በፖለቲካና በኢኮኖሚ አወቃቀራችን ውስጥ ያሉ ገመናዎችን፣ በልማት ጥረቶቻችን ውስጥ የደረሱ ወድቀቶችንና ስኬቶችን ለይቶ ማወቅ፣ የድክመቶቻችንና የውድቀቶቻችንን ምክንያቶች መረዳት፣ ተረድተንም እንደምን ልንወጣቸው እንደምንችል አጥንቶ ወደ አራሚ ተግባር መሸጋገር ያስፈልገናል፡፡

ችግሩ ከተራ ‹‹አስቸኳይ የነዳጅ እጥረት›› በላይ እንዳይሆን!

የአገራችን ገበሬ ዛሬም ‹‹አሁን ማን ያውቀዋል የማረሻን ለዛ!›› እያለ ማንጎራጎርና ማድነቁ ባይቀርም እህል ለመቅመስ፣ ከንፈርን ለማውዛት (አሁን ማን ያውቀዋል የማረሻን፣ የሞፈሩን ለዛ፣ እህል ካልቀመሱ ከንፈርም አይወዛ አይደል የሚባለው?) ማረሻና ሞፈርን ማገናኘት ትርጉም እንዲኖረው ለማድረግ፣ ነዳጅ ያን ያህል የሚዘፈንለትና የሚዘመርለት ሸቀጥ ሆኗል፡፡

ብሔራዊ ባንክን ለውጡ እንዴት እያደረገው ነው?

በጠቅላይ ሚኒስትር ዓብይ አህመድ የሚመራው ለውጥ ሥራዬ ብቻ ሳይሆን ተልዕኮዬና ዓላማዬ ብሎ ከተነሳባቸው ጉዳዮች መካከል አንዱ፣ ዴሞክራሲያዊ ሁኔታዎችንና አሳታፊነትን በማጎልበት ጎዳና የአገሪቱን የሥልጣን መንበርና ተቋማትን ጭምር ቋሚና ገለልተኛ፣ ከየትኛውም ፖለቲካዊ ቡድን ወይም ማናቸውም ወገን ታማኝነት፣ ተፅዕኖና ጣልቃ ገብነት የማፅዳት፣ የመከለልና የመከላከል ሥራ ውስጥ መግባት ነው፡፡

አንዳንድ ነገራችን አለማስደንገጡ ይበልጥ ያስደነግጠኛል!

በምንገኝበት ነውጥም፣ ሁከትም፣ ተስፋና ቀቢፀ ተስፋም በተቀላቀለበት፣ የተጠበቁም ያልተጠበቁም ነገሮች በሚግተለተሉበት የለውጥ ጊዜ ውስጥ መደበኛ የመንግሥት የዕለት ተዕለት ሥራ የሚያፈልቃቸው ዜናዎችና መረጃዎች (በነፃ መስተናገድ፣ በነፃ መንሸራሸር፣ በነፃ መብላላትና መሰለቅ ቢችሉ) ለለውጡ ስንቅ መሆንና ለለውጡ ምሪት መስጠት የሚችሉ ፍሬ ነገሮች ያለባቸው ናቸው፡፡

ለውጡ ሕግ አወጣጡንም አንድ ይበለው!

ብዙ ጣጣና ውጣ ውረድ ቢበዛበትም አገራችን የምታካሂደው ለውጥ የተለየ ውጤት፣ ከፍ ያለና የተሻለ ዴሞክራሲያዊ ድል እንዲያስመዘግብ ከሕግ በላይ መሆንን፣ ድብቅብቅ አሠራርን፣ ሳይጠየቁ መቅረትን፣ እያወገዘና እየተዋጋ መረማመድ አለበት፡፡

ሰላምታ የሰጠነውን ለውጥ ሰላም አንንሳው!

ለውጡ ዛሬም ወሳኝ ሁኔታዎች ውስጥ ነው፡፡ ዛሬም ለውጡ የሚሻውን ሰላም አላገኘም፡፡ ለውጡ እያደገ፣ እየጎለበተ፣ ከአንድ የዕድገት ደረጃ ወደ ሌላኛው የዕድገት ደረጃ እንዲረማመድ የመንግሥት የፀጥታ፣ የደኅንነትና የዴሞክራሲ አውታራትን ከፓርቲ ወገናዊነት ነፃ እንዲያወጣ፣ የባለብዙ ፓርቲ ውድድርን እንዲያፋፍም፣ ባልተጭበረበረና የሕዝብ ምክር ቤቶችን እንዲያደራጅ፣ ከዚያም አልፎ ሕዝብ ወኪሎቹን፣ ወኪሎቹ አስፈጻሚውን እንዲቆጣጠሩ ማድረግ የሚያስችል ሥራ መከናወን የሚችለው፣ ለውጡ ሰላም ሲያገኝ በሚፈልገው ሰላም ውስጥ ሲኖር ነው፡፡

ለኢትዮጵያ ሙሉ ጀንበር የምትወጣው መቼ ይሆን?

የተለያየ ገጽታ የላቸው ችግሮቻችን ሁሉ ወላጅ እናት ክፍልፋይ ብሔርተኛነት እንደሆነ ስናይ ቆይተናል፡፡ የሥዕል ወይም የግድግዳ ቀለሞችን ብንቀያይጣቸው የሚሰጡን ውጤት ወደ መጠፋፋት (ወደ ፅልመት) የሚያመራ ቅንስናሽነትን እንደሆነ ሁሉ፣ በእንጥልጥል የሚያስቡ አዕምሮዎችም በግንባርም ሆነ በምክር ቤት ውስጥ አንድ ላይ ቢቀመጡ፣ የአስተሳሰቦቻቸው ድምር ወጥ የእኛነት ዕይታን አያስገኝልንም፡፡