የሰሞኑ ገጠመኛችን እኔን ወደኋላ ሃያ ዓመታት መልሶኛል፡፡ ከዚያ ትውስታ ተነስቼ ወደ ሰሞኑ ጉዳይ እመለሳለሁ፡፡ ፈረንጆቹ ‹‹ማርጀትህን የምታውቀው በተስፋ መኖር ትተህ በትዝታ መኖር ስትጀምር ነው፤›› የሚሉት ብሂል ለጊዜው ባይመለከተኝም፣ አንዳንድ ትዝታዎች ግን የግድ መነሳት አለባቸው እላለሁ፡፡

በዚህ የ‹‹ኮሜዲ›› ዘመን ብዙ ሰዎች ቀልደኛ የሆኑ ይመስላሉ፡፡ ለዛሬው ገጠመኜ መነሻ የሆኑኝን አንዳንድ ትውስታዎችን አቅርቤ ወደ ጉዳዬ አመራለሁ፡፡ ዘመኑ የቀልድ አይደል? አንድ ጊዜ ጫማዬን የሚያሳምርልኝ ታዳጊ ከሊስትሮ ሳጥኑ አጠገብ ሁለት ደብተሮች አስቀምጧል፡፡ የልጁ ብልህነት አስደስቶኝ፣ ‹‹ጎበዝ ልጅ በርታ፡፡ ማታ ማታ ትማራለህ እንዴ?›› ስለው በመገረም እያየኝ፣ ‹‹ኧረ እኔ አልማርም፤›› አለኝ፡፡

ግርምና ድንቅ የሚያደርግ አጋጣሚዬን ወገኖቼ ብትሰሙት ብዬ ነው ይኼንን የጻፍኩላችሁ፡፡ እኔና ሌሎች ዘጠኝ የሥራ ባልደረቦቼ በተለያዩ የምህንድስና መስኮች ለረዥም ዓመታት ከመሥራታችንም በተጨማሪ ሁላችንም የማስተርስ ዲግሪ አለን፡፡ በአንድ ትልቅ መሥሪያ ቤት ውስጥ በሚካሄድ ፕሮጀክት በአማካሪነትና በአስፈጻሚነት ሙያዊ አገልግሎታችንን እያበረከትን፣ ጥሩ ደመወዝና ጥቅማ ጥቅሞችንም እናገኛለን፡፡

ሁሌም ጥሎብኝ የሴቶችን መማር፣ ማደግና ስኬት በእጅጉ እከታተላለሁ፡፡ በዚህ ዘመን ዓለም አቀፍ ተቀባይነት እያገኘ የመጣ አባባልም እየተፈጠረ ነው፡፡ ‹‹ሴትን ልጅ በማስተማር ታላቅ የኢኮኖሚ ዕድገት ማስመዝገብ ይቻላል፤›› ነው የሚባለው፡፡ በእርግጥም እኔም ይኼንን ውብ አባባል እጋራዋለሁ፡፡ በተለይ ድህነት የሰፈነባት አገር ውስጥ ሴት ልጅ ለውጤት የሚያበቃት ድጋፍ ሊደረግላት ይገባል፡፡

‹‹ጉድ ሳይሰማ መስከረም አይጠባም›› የሚለው የቆየ ምሳሌ ትዝ ያለኝ በዚህ ባሳለፍነው ሳምንት ውስጥ ነው፡፡ አንዳንድ አግራሞት የሚያጭሩብን ጉዳዮች ከመብዛታቸው የተነሳ ስንት ቁምነገር የሚሠራበት ጊዜ በዋዛ ፈዛዛ ማለፉ ያንገበግበኛል፡፡ እዚህ አገራችን ውስጥ ጊዜ ተፈብርኮ ለዓለም እየተቆነጠረ የሚታደል ይመስል፣ ለታላላቅ ተግባሮች የምናውላቸው እጅግ በጣም ውድ የሆኑ ጊዜዎቻችን የሌሎችን እንቶ ፈንቶ ስንሰማባቸው ይባክናሉ፡፡

ከድሬዳዋ ወደ አዲስ አበባ እየተጓዝኩ ነበርኩ፡፡ ድሬዳዋ የሄድኩበትን ጉዳይ ቶሎ አከናውኜ ወደ አዲስ አበባ የማደርገው ጉዞ የፈጠነው፣ በነጋታው ለሌላ አስቸኳይ ጉዳይ ወደ ጎንደር ስለምሄድ ነበር፡፡ ከድሬዳዋ የጀመርነውን ጉዞ እያገባደድን አዋሽ አካባቢ ስንደርስ የተሳፈርንበት አውቶቡስ ጎማ ፈንድቶ ቆምን፡፡

የተሳፈርንባት በጥሩ ሁኔታ የተያዘች ናት፡፡ በዚያ ላይ በማስታወቂያዎች ደምቃለች፡፡ ከአሮጌ ዕቃዎች እስከ ኮምፒዩተር የምንፈልጋቸውን ነገሮች የሚጠቁሙ ማስታወቂያዎች ተገጥግጠውባታል፡፡ ሃይማኖታዊና ዓለማዊ ጥቅሶችም በየፈርጃቸው ተሰድረዋል፡፡ የጠቅላይ ሚኒስትር መለስ ዜናዊ፣ የኮሎኔል መንግሥቱ ኃይለ ማርያም፣ የቀዳማዊ ኃይለ ሥላሴ፣ የቦብ ማርሌና የቴዲ አፍሮ ፎቶግራፎችም ሥፍራቸውን ይዘዋል፡፡

ከእለታት አንድ ቀን በአንድ አገር ንጉሡ ሕዝብ ስለሳቸው ምን እንደሚል ለማወቅና የተለያዩ ትኩስ ወሬዎችን ለመስማት በማሰብ አንድ ዕቅድ ያወጣሉ፡፡ በዕቅዳቸው መሠረት ሕዝቡ ውስጥ የሚነገሩትን ነገሮች በሙሉ ልቅም አድርጎ የሚያመጣላቸው ሰው ይሾማሉ፡፡

እጅግ በጣም ባለፀጋ የነበረ አሜሪካዊ ሞቱ መቃረቡን ሲረዳ ካከማቸው ገንዘብ ላይ ለሕፃናት ማሳደጊያ፣ ለአረጋውያን መጦርያ፣ ለወጣቶች ንባብ ቤትና ለሴቶች ክህሎት ማበልፀጊያ ማዕከል በሚገባ ይሰጥና 90 ሚሊዮን ዶላር ይተርፈዋል፡፡ ላለፉት በርካታ ዓመታት ከለፋበት ገንዘቡ ላይ ለራሱ የሚሆን ማስቀረት ፈለገ፡፡ ይኼንንም ተግባራዊ ለማድረግ ሐኪሙን፣ የንስሐ አባቱንና ጠበቃውን የምሳ ግብዣ አዘጋጅቶ ጠራቸው፡፡

በቀደም ከአራት ኪሎ ወደ ፒያሳ ቀስ እያልኩ ሳዘግም ከኋላዬ ድምፅ ሰምቼ ዞር ስል በሰላሳዎቹ አጋማሽ ውስጥ የምትሆን ሴት አጠገቤ ደርሳለች፡፡ እየሳቀች የምታየኝ ይህች ቆንጆ ሴት በጣም ውድ የሚባሉ አልባሳትዋና መጫሚያዋ ልዩ ሞገስ ሰጥተዋታል፡፡ መነጽሯን አውልቃ እየሳቀች ስትጠጋኝ የት ነው የምንተዋወቀው ብዬ ለአፍታ እንዳስብ ተገደድኩ፡፡