Skip to main content
x

‹‹ኃላፊነቱን የተቀበልኩት ነፃና ገለልተኛ ሆኜ ለመምራት ተስማምቼ ስለሆነ ዳኞች ያለ ምንም ፍርኃት በነፃነት እንዲሠሩ ዋናው ፍላጎቴ ነው››

ከሦስት ወራት በፊት በጠቅላይ ሚኒስትር ዓብይ አህመድ (ዶ/ር) ቅራቢነት፣ በሕዝብ ተወካዮች ምክር ቤት የፌዴራል ጠቅላይ ፍርድ ቤት ፕሬዚዳንት ሆነው የተሾሙት ወ/ሮ መዓዛ አሸናፊ ለቤተሰቦቻቸው አምስተኛ ልጅ ሲሆኑ፣ ተወልደው ያደጉት በቤኒሻንጉል ጉሙዝ ክልል አሶሳ ከተማ ነው፡፡

‹‹ዘመቻዎች የሚጀመሩብኝ የአዲስ አበባ ነዋሪዎችን የሚያስደስቱ ትልልቅ ተግባራት በምንፈጽምበት ወቅት ነው››

በሰኔ ወር 2010 ዓ.ም. የአዲስ አበባ ከተማ ምክትል ከንቲባ ሆነው የተሾሙት አቶ ታከለ ኡማ በንቲ (ኢንጂነር) ኃላፊነቱን ተቀብለው ከተማዋን ማስተዳደር ከጀመሩ ሰባተኛ ወራቸውን ይዘዋል፡፡ ኃላፊነቱን ተቀብለው መሥራት በጀመሩባቸው ሁለት መቶ ቀናት ውስጥ ያከናወኗቸው ተግባራት በብዙዎች ዘንድ ዘንድ ዕውቅናና ከበሬታን እንዲያገኙ አስችሏቸዋል፡፡

‹‹መንግሥት የስቶክ ገበያ ከመመሥረቱ በፊት መሠረታዊ የሚባሉ ጉዳዮችን ሊያጤን ይገባል›› አቶ ተስፋዬ ኃይለ ሚካኤል፣ የተመሰከረላቸው የሒሳብ ባለሙያና የአክሲዮን ገበያ ኤክስፐርት

አቶ ተስፋዬ ኃይለ ሚካኤል ‹‹ኮርነርስቶን አድቫይሰሪ ሰርቪስስ›› የተሰኘው የግል ኩባንያ ማኔጂንግ ዳይሬክተር ናቸው፡፡ የኢስት አፍሪካ ታይገር ብራንድስ የቀድሞ ቦርድ ሰብሳቢም ነበሩ፡፡ የተመሰከረላቸው የሒሳብ ባለሙያ (ሲፒኤ) ሲሆኑ፣ በአሜሪካ የተለያዩ ኩባንያዎች ውስጥ ከቦርድ ሰብሳቢነት ጀምሮ በዋና ሥራ አስፈጻሚነት፣ በዋና የገንዘብ ኃላፊነት፣ በግምጃ ቤት ኃላፊነትና በኮርፖሬት ጸሐፊነት ለአሠርት ዓመታት አገልግለዋል፡፡

‹‹አንድ ባንክ ሲዘረፍ ማንም ቆሞ ማየት የለበትም››

ባለፈው ሳምንት በምዕራብ ወለጋ አካባቢ በተለያዩ ባንኮች ቅርንጫፎች ላይ ዘረፋ መካሄዱ ተሰምቷል፡፡ በአንዳንድ ቅርንጫፎች ላይም ያልተሳካ የዘረፋ ሙከራ እንደነበርም መረጃዎች ይጠቁማሉ፡፡ በተደራጀና በታጠቀ ኃይል በተፈጸመው ዘረፋ ምክንያት በአካባቢው ያሉ የባንክ ቅርንጫፎች ሥራ ተስተጓጉሏል፡፡ እስካሁን ድረስ የተዘረፈው የገንዘብ መጠን ባይታወቅም፣ መጠኑን ለማወቅ መረጃ የማሰባሰብ ሥራ እየተከናወነ መሆኑ ተሰምቷል፡፡

‹‹ቻይና ኢትዮጵያን ለምዕራባውያን መተው አትፈልግም›› አቶ ጌዲዮን ገሞራ፣ የፖለቲካና የኢኮኖሚ ጉዳዮች ተመራማሪ

አቶ ጌዲዮን ገሞራ ጃለታ በፖለቲካና በኢኮኖሚያዊ ጉዳዮች ላይ በተመራማሪነት ለስምንት ዓመታት በአፍሪካ ኢኮኖሚክ ኮሚሽን አገልግለዋል፡፡ በዚያ ቆይታቸው ወቅትም ከ80 ያላነሱ ጥናታዊ ጽሑፎችን በመሥራት በዓለም አቀፍ ጆርናሎች ጭምር አሳትመዋል፡፡ ከእነዚህ ሥራዎቻቸው ውስጥም በቻይናና በአፍሪካ ግንኙነት ላይ ያተኮሩ ምርምሮቻቸው ይገኙበታል፡፡

‹‹ኢትዮጵያ አገሬን እናድናት ብለን ከተነሳን ሁሉም ችግሮቻችን ይወገዳሉ››

አቶ ቡልቻ ደመቅሳ የ88 ዓመት አዛውንት ናቸው፡፡ በምዕራብ ወለጋ ቦጂ ዲርመጂ አካባቢ የተወለዱት አቶ ቡልቻ የመጀመርያና ሁለተኛ ዲግሪያቸውን በኢኮኖሚክስ ከአዲስ አበባ ዩኒቨርሲቲና አሜሪካ ከሚገኘው ዩኒቨርሲቲ ወስደዋል፡፡ በሕግ ዲግሪ አላቸው፡፡ በንጉሡ ዘመን የገንዘብ ምክትል ሚኒስትር ሆነው ሠርተዋል፡፡ ከዚያም በኋላ በዓለም ባንክ በቦርድ ዳይሬክተርነት አገልግለዋል፡፡

‹‹ብሔራዊ ባንክ መቼ እንደሚመለስ የማይታወቅ ገንዘብ ነው ለመንግሥት የሚያበድረው›› አቶ አብዱልመናን መሐመድ፣ የተመሰከረላቸው የሒሳብ አዋቂና የኢኮኖሚ ጉዳዮች ተንታኝ

አቶ አብዱልመናን መሐመድ በ1988 ዓ.ም. ከኢትዮጵያ ንግድ ሥራ ኮሌጅ በመመረቅ በባንክ ውስጥ ለአጭር ጊዜ ካገለገሉ በኋላ፣ በውጭ ኦዲተርነት እስከ 1998 ዓ.ም. ባለው ጊዜ ከጀማሪ እስከ ከፍተኛ ኦዲተርነትና የኦዲት ኃላፊ ባለው ዕርከን አገልግለዋል፡፡

‹‹እውነተኛ ውድድር ሲመጣ ባንኮቻችንና የኢንሹራንስ ኩባንያዎቻችን መሸሸጊያቸው ኅብረተሰቡ ነው›› አቶ ፍቅሩ ፀጋዬ

አቶ ፍቅሩ ፀጋዬ የኢትዮጵያ የጠለፋ መድን አክሲዮን ማኅበር የቢዝነስ ዴቨሎፕመንትና የኮርፖሬት ጉዳዮች ኃላፊና የቦርድ ጸሐፊ በመሆን እያገለገሉ ናቸው፡፡ በቢዝነስ አድሚኒስትሬሽን ከህንድ የማስትሬት ዲግሪያቸውን ሲያገኙ፣ በሰው ሀብት አስተዳደርና በተቋም ግንባታ፣ እንዲሁም በጋዜጠኝነትና በኮሙዩኒኬሸን መስክ ሁለት የማስትሬት ዲግሪዎችን ከአዲስ አበባ ዩኒቨርሲቲ አግኝተዋል፡፡

‹‹የኮርፖሬሽኑን ቤቶች በሕገወጥ መንገድ በያዙና ባስተላለፉ ላይ ዕርምጃ ይወሰዳል››

በኢትዮጵያ ከ1.2 ሚሊዮን በላይ የመኖርያ ቤቶች እጥረት እንዳለ መረጃዎች ያሳያሉ፡፡ ከዚህ ውስጥ የአንበሳውን ድርሻ የሚይዘው በአዲስ አበባ ከተማ የተፈጠረው እጥረት ነው፡፡ የደርግ ዘመን ካበቃ በኋላ በተለይ በአዲስ አበባ ከተማ በሕዝብ ቁጥር ዕድገቱ ልክ የመኖሪያ ቤቶች ባለመገንባታቸው፣ ጫናው መሰማት የጀመረው ዘግይቶ ነው፡፡ የአዲስ አበባ ከተማ አስተዳደር ከ1996 ዓ.ም.

‹‹ከ6.5 ቢሊዮን ዶላር በላይ የሚፈልጉ የኤሌክትሪክ ኃይልና የትራንስፖርት ፕሮጀክቶችን በመንግሥትና በግል አጋርነት ለማከናወን የጨረታ ሒደት እየተጠበቀ ነው››

ተሾመ ታፈሰ (ዶ/ር) ዋና ዳይሬክተር በመሆን በቅርቡ በአዋጅ የተቋቋመውን የመንግሥትና የግል ዘርፍ አጋርነት ዳይሬክቶሬት ጄኔራል የተሰኘውንና በገንዘብ ሚኒስቴር ሥር የሚገኘውን መሥሪያ ቤት በዋና ዳይሬክተርነት እንዲመሩ ተመድበው ሲሠሩ ቆይተዋል፡፡