Skip to main content
x

የቀይ ዶሮ ወጥ

ስፈላጊ  ነገሮች

Ø  ዶሮ

Ø  ሽንኩርት 

Ø  በርበሬ 

Ø  ዘይት 

Ø  ቅቤ 

Ø  ነጭ ሽንኩርት እና ዝንጅብል (የተፈጨ ) 

Ø  የተቀቀለ እንቁላል ( ተቀቅሎ የተላጠ )

Ø  ኮረሪማ 

Ø  ሎሚ ( ለዶሮው ማጠቢያ )

Ø  ጨው

አሠራር 

Ø  ውኃ ተለቅ ባለ ድስት ማፍላት 

Ø  ዶሮውን ካረዱ በኋ የፈላው ውሃ ውስጥ እየነከሩ ላባውን በሚገባ ማፅዳት 

Ø  በሚገባ ከታጠበ በኋ ቆዳውን መላጥና ብልቶቹን ገነጣጥሎ ማውጣት 

Ø  የተገነጣላውን ብልት በሎሚና በጨው  30 ደቂቃ ያህል መዘፍዘፍ 

Ø  ሽንኩርቱን በርከት አድርጎ ልጦ አድቅቆ መክተፍ እና ተለቅ ባለ ድስት መጣድ

Ø  ሽንኩርቱ ውኃውን እንደጨረሰ ዘይትና በርበሬ እንዳስፈላጊነቱ መጨመርና እያማሰሉም  በደንብ ማብሰል 

Ø  ኮረሪማ  ነጭ ሽንኩርትና ዝንጅብሉን መጨመር፣ ውኃም  ጠብ እያረጉ የሽንኩርቱ ቅርፅ እስኪጠፋ ማቁላላት 

Ø   የተዘፈዘፈውን ዶሮ በደንብ ማጠብና አጥንቶቹን ማስተካከል፣ሥጋውንም ሠንጠቅ ሠንጠቅ ማድረግ 

Ø  ከዚያም በንፁህ ውኃ አለቅልቆና ውኃውን አድርቆ ቁሌቱ ላይ መጨመር  

Ø  ቅቤ እንዳስፈላጊነቱ ከተደረገ በኋላ ሥጋውን ከቁሌቱ ጋር በደንብ ማሸት፣ እንዲሁም ለመረቁ የሞቀ ውኃ መጥኖ መጨመር

Ø  ሥጋው በሚገባ ከበሰለና መረቁ ከተስተካከለ በኋላ የተላጠውን እንቁላል ሰንጠቅ ሰንጠቅ አርጎ ማስገባት  ጨዉንም አስተካክሎ ማውጣት

-    ሰዋስው ‹‹ባህላዊ ምግቦችና አሠራራቸው›› (2008)