Skip to main content
x

የሜቴክ የቀድሞ ኃላፊዎች ሰጥተዋል በተባሉበት ሐሰተኛ የማስተርስና የዶክትሬት ዲግሪ ክስ ላይ የእምነት ክህደት ቃል ሰጡ

አሜሪካ ከሚገኘውና ታዋቂ ከሆነው ‹‹ካሊፎርኒያ ኢንስቲትዩት ኦፍ ቴክኖሎጂ›› ከሚባለው የትምህርት ተቋም ጋር ተቀራራቢ ስም ያለው ‹‹ካሊፎርኒያ ኢንተርናሽናል ኢንስቲትዩት ኦፍ ቴክኖሎጂ›› የሚል ሐሰተኛ የፈጠራ ተቋም ስም የተዘጋጀ፣ ሁለተኛ ዲግሪ (ማስተርስ) እና ሦስተኛ ዲግሪ (ዶክትሬት) ሰጥተዋል ተብለው ክስ የተመሠረተባቸው የሜቴክ የቀድሞ ኃላፊዎች የእምነት ክህደት ቃላቸውን ሰጡ፡፡

በይግባኝ ጠቅላይ ፍርድ ቤት የሄደው የአቶ ኤርሚያስ አመልጋ የዋስትና ጥያቄ ውድቅ ተደረገ

ከባድ የሙስና ወንጀል ክስ ተመሥርቶባቸው በእስር ላይ የሚገኙት የአክሰስ ሪል ስቴትና የዘመን ባንክ መሥራች አቶ ኤርሚያስ አመልጋ፣ የፌዴራል ከፍተኛ ፍርድ ቤት የነፈጋቸውን የዋስትና ሕገ መንግሥታዊ መብት በፌዴራል ጠቅላይ ፍርድ ቤት ለማስከበር ይግባኝ ያሉ ቢሆንም፣ ይግባኝ ሰሚው ፍርድ ቤት ውድቅ አድርጎታል፡፡

የሕዝብና ቤቶች ቆጠራ በድጋሚ ተራዘመ

በምክትል ጠቅላይ ሚኒስትር አቶ ደመቀ መኮንን የሚመራዉ የሕዝብና ቤቶች ቆጠራ ኮሚሽን ዛሬ መጋቢት 9 ቀን 2011 ዓ.ም. በምክትል ጠቅላይ ሚኒስትር ጽሕፈት ቤት ባደረገው አስቸኳይ ስብሰባ መጋቢት 29 ቀን 2011 ዓ.ም. ይደረጋል ተብሎ ዕቅድ የተያዘለት አራተኛዉ የሕዝብና ቤቶች ቆጠራ ላልተወሰነ ጊዜ እነዲራዘም ወሰነ፡፡

የሚዲያ ሕግ ጥናት ቡድን የሕጎችን ችግሮች ለየ

በ15 አባላት የተዋቀረው ቡድን፣ ዋነኞቹ የሚዲያ ሐጎች በይዘታቸውም ሆነ በአተገባበራቸው በዘርፉ ተዋንያን ላይ ከፍተኛ ጫና መፍጠራቸውንና ዘርፉም እንዲዳከም አስተዋጽኦ ያደረጉ መሆኑን መረጋገጡን የገለጸ ሲሆን፣ ‹‹በአገራችን ሐሳብን የመግለጽ መብት ላይ በሕግ የተጣሉ ገደቦችን ስናይ፣ ገደቦቹ ኢትዮጵያ ካፀደቀቻቸው ስምምነቶች፣ ከሕገ መንግሥቱ ድንጋጌዎችና ከሌሎች አገሮች ልምድና ተሞክሮ አንፃር ሲታይ መብቱን ከማክበር፣ ከመተግበርና ከማስቻል ይልቅ ቁጥጥር ላይ ያተኮሩና አሉታዊ ውጤት እንደነበራቸው ማየት ተችሏል፤›› ሲልም ይገመግማል፡፡

ከንግድ መርከቦች ግዥ ጋር በተያያዘ በሜቴክ የቀድሞ ኃላፊዎች ላይ ብይን ተሰጠ

የብረታ ብረት ኢንጂነሪንግ ኮርፖሬሽን (ሜቴክ) የግዥ መመርያን በመተላለፍ ኮርፖሬሽኑ ከተቋቋመበት ዓላማ ውጪ ሁለት መርከቦችን በመግዛት፣ ከ544 ሚሊዮን ብር በላይ በሕዝብና በመንግሥት ላይ ጉዳት አድርሰዋል በማለት ዓቃቤ ሕግ ክስ በመሠረተባቸው በእነ ሜጀር ጄኔራል ክንፈ ዳኘው (14 ሰዎች) ላይ ብይን ተሰጠ፡፡

የቀድሞ የደኅንነት ምክትል ዋና ዳይሬክተር መሠረታዊ የሕግ ስህተት ተፈጽሞብኛል በማለት ይግባኝ አሉ

በከፍተኛ የሰብዓዊ መብት ጥሰትና የሙስና ወንጀሎች ተጠርጥረው በእስር ላይ የሚገኙት የብሔራዊ መረጃና ደኅንነት አገልግሎት የቀድሞ ምክትል ዋና ዳይሬክተርና የአገር ውስጥ ደኅንነት ኃላፊ፣ መሠረታዊ የሕግ ስህተት እንደተፈጸመባቸው በመግለጽ ይግባኝ ጠየቁ፡፡

በማዕከላዊ ጎንደር ዞን የተፈናቃዮች ቁጥር እየጨመረ መሆኑ ተገለጸ

በአማራ ክልል በማዕከላዊ ጎንደር ዞን የተፈናቃዮች ቁጥር በከፍተኛ መጠን እየጨመረ እንደሚገኝ ተገለጸ፡፡ በዞኑ 50 ሺሕ ተፈናቃዮች እንደሚገኙ አብዛኞቹም  አርሶ አደሮች መሆናቸውን፣ ሦስት ሺሕ የሚደርሱ የመንግሥት ሠራተኞችም መፈናቀላቸውን፣ የዞኑ የአደጋ መከላከልና ምግብ ዋስትና ጽሕፈት ቤት ኃላፊ አቶ መንበሩ አውደው ለሪፖርተር ገልጸዋል፡፡

የሚዲያ ባለሙያዎችን ያወዛገበው የሚዲያ ውይይት

እሑድ መጋቢት 1 ቀን 2011 ዓ.ም. የተባበሩት መንግሥታት ድርጅት የአፍሪካ ኢኮኖሚ ኮሚሽን አዳራሽ፣ የተለያዩ የሚዲያው ጎምቱ ባለሙያዎችና ባለቤቶች፣ የፖለቲካ ፓርቲ አመራሮች፣ የኪነ ጥበብና የመንግሥት የሥራ ኃላፊዎችን አንድ ላይ አገናኝቶ ነበር፡፡ ይኼም ‹‹በኢትዮጵያ የፖለቲካ ሽግግር የሚዲያዎች ሚና›› በሚል መሪ ቃል የተካሄደ የውይይት መድረክ ነበር፡፡

ፈረንሣይ ለመከላከያ ሠራዊት ድጋፍ የሚያደርግ ጦር ወደ ኢትዮጵያ እንደምትልክ ፕሬዚዳንት ማክሮን ተናገሩ

ለሁለት ቀናት የሥራ ጉብኝት ማክሰኞ መጋቢት 3 ቀን 2011 ዓ.ም. አዲስ አበባ የገቡት የፈረንሣይ ፕሬዚዳንት ኢማኑኤል ማክሮን፣ ‹‹በሥልጠና ላይ ያተኮረ ሕጋዊ የፈረንሣይ ጦር ወደ ኢትዮጵያ እንልካለን፤›› ሲሉ አስታወቁ፡፡ ፕሬዚዳንቱ ይኼን ያሉት ከጠቅላይ ሚኒስትር ዓብይ አህመድ (ዶ/ር) ጋር በመሆን፣ በጠቅላይ ሚኒስትር ጽሕፈት ቤት በሰጡት ጋዜጣዊ መግለጫ ነው፡፡