Skip to main content
x

ከውጭ ከገቡ የፖለቲካ ፓርቲዎች የምዝገባ ጥያቄ እንዳልቀረበለት ምርጫ ቦርድ አስታወቀ

ጠቅላይ ሚኒስትር ዓብይ አህመድ (ዶ/ር) ሥልጣን ከያዙ ወዲህ በተለያዩ መንገዶች የትግል እንቅስቃሴ ሲያደርጉ የነበሩ ተቃዋሚ ፓርቲዎች ወደ አገር ቤት ገብተው እንቅስቃሴያቸውን ማድረግ እንደሚችሉ ጥሪ ካቀረቡ በኋላ በርካታ የፖለቲካ ፓርቲዎች ወደ አገር ቤት ቢመለሱም፣ አንዳቸውም ወደ ብሔራዊ ምርጫ ቦርድ ቀርበው በይፋ የምዝገባ ጥያቄ አለማቅረባቸውን የቦርዱ የኮሙዩኒኬሽን ኃላፊ አቶ ተስፋ ዓለም ዓባይ ለሪፖርተር ገለጹ፡፡

‹‹በኢትዮጵያ የተጀመረው ለውጥ በጣም ሰላማዊ በሆነ መንገድ ግቡን እንዲመታ ነው የተመለስነው›› አቶ ዳውድ ኢብሳ፣ የኦነግ ሊቀመንበር

የኦሮሞ ነፃነት ግንባር (ኦነግ) አመራር አባላት ቅዳሜ መስከረም 5 ቀን 2011 ዓ.ም. ከቀኑ 6፡10 ሰዓት ላይ አዲስ አበባ ቦሌ ዓለም አቀፍ ኤርፖርት ከደረሱ በኋላ፣ በእንግዳ መቀበያ ሳሎን መግለጫ የሰጡት የድርጅቱ ሊቀመንበር አቶ ዳውድ ኢብሳ ከ26 ዓመታት በኋላ ወደ አገር ቤት የተመለሱት፣ በአገሪቱ የተጀመረው ለውጥ በጣም በሰላማዊ መንገድ ግቡን እንዲመታ ለማድረግ ነው አሉ፡፡

የቀድሞ የሶማሌ ክልል ፕሬዚዳንት በፖሊስ ድብደባ ተፈጽሞብኛል አሉ

በሶማሌ ክልል በተፈጸመ የሰዎች ግድያ፣ የንብረት ውድመት፣ የሃይማኖት ተቋማት ቃጠሎና ዘርና ሃይማኖትን መሠረት ያደረገ ጥቃት ተጠርጥረው በእስር ላይ የሚገኙት የቀድሞ የሶማሌ ክልል ፕሬዚዳንት፣ በፖሊስ ድብደባ እንደደረሰባቸው ለፍርድ ቤት ተናገሩ፡፡

ኢሶዴፓ ቀጣይ ምርጫዎች ከመደረጋቸው በፊት ውይይት እንዲቀድም አሳሰበ

የኢትዮጵያ ሶሻል ዴሞክራቲክ ፓርቲ (ኢሶዴፓ) አገራዊ ቀጣይ ምርጫዎች ከመደረጋቸው በፊት ሁሉን አቀፍ ውይይት እንዲደረግ አሳሰበ፡፡ የፓርቲው ምክትል ሊቀመንበር አቶ ጥላሁን እንደሻውና አመራሮች በሰጡት ጋዜጣዊ መግለጫ እንደተናገሩት፣ ምርጫ ከመደረጉ በፊት ስለምርጫ ውድድር ሒደቶች፣ ስለገለልተኛ ታዛቢዎች፣ ስለነፃነት፣ ፍትሐዊነት፣ ተዓማኒነትና ዴሞክራሲያዊ ምርጫ ተግባራዊ ስለሚሆንበት ሕግና አሠራር ተገቢው ውይይትና ድርድር ተደርጎ ስምምነት ላይ መደረስ አለበት ብለዋል፡፡

የጠቅላይ ሚኒስትሩ የአዲስ ዓመት ውሎ በቡሬና በዛላምበሳ ግንባሮች

ማክሰኞ መስከረም 1 ቀን 2011 ዓ.ም. በኢትዮጵያና በኤርትራ መካከል ከፍተኛ ጦርነት በተካሄደባቸው በቡሬና በዛላምበሳ ግንባሮች ከሁለቱ አገሮች የመከላከያ ሠራዊቶችና ከአካባቢዎቹ ነዋሪዎች ጋር የአዲስ ዓመት በዓል ያሳለፉት ጠቅላይ ሚኒስትር ዓብይ አህመድ (ዶ/ር)፣ የኢትዮጵያ ጦር ውጥረት ከነገሠባቸው የድንበር አካባቢዎች እንዲነሳ መወሰኑን አስታወቁ፡፡

‹‹የመጣነው የተፈጠረውን ለውጥ ወደ ታገልንበት የመጨረሻ ዓላማ ለማድረስ ነው››

የአርበኞች ግንቦት 7 ለአንድነትና ለዴሞክራሲ ንቅናቄ ሊቀመንበርና ከፍተኛ አመራሮች ወደ ኢትዮጵያ ሲመለሱ በተደረገላቸው ደማቅ አቀባበል፣ አገር ቤት  የተመለሱት የታገሉለት ዓላማ ወደ መጨረሻ ግቡ እንዲደርስ ለማገዝ መሆኑን ተናግረዋል፡፡

የኢትዮጵያ ኢንቨስትመንት ኮሚሽነር ከኃላፊነታቸው ለቀቁ

የጠቅላይ ሚኒስትር ልዩ ጽሕፈት ቤት ኃላፊ በመሆን በተሾሙት አቶ ፍፁም አረጋ ምትክ የኢትዮጵያ ኢንቨስትመንት ኮሚሽን ኮሚሽነር በመሆን በሚያዝያ 2010 ዓ.ም. ተሹመው የነበሩት በላቸው መኩሪያ (ዶ/ር)፣ ከማክሰኞ መስከረም 2 ቀን 2011 ዓ.ም. ጀምሮ  ከኃላፊነታቸው በፈቃዳቸው ለቀቁ፡፡