Skip to main content
x

የተሽመደመዱ ተቋማት በተመሰከረላቸው አመራሮች ነፍስ ይዘራባቸው!

ኢትዮጵያ ውስጥ አብዛኞቹ መንግሥታዊ ተቋማት በደመነፍስ የሚንቀሳቀሱ ናቸው፡፡ በአዋጅ ተቋቁመው ሥልጣንና ኃላፊነታቸው በግልጽ ቢደነገግም፣ ብዙዎቹ በመፈክሮች ከማጌጥ ውጪ እዚህ ግባ የሚባል አፈጻጸም የላቸውም፡፡ በፓርቲ ፖለቲካ መሥፈርት ብቻ ተሹመው የሚመሯቸው ግለሰቦችም በአንድ በኩል ከፍተኛ በሆነ የአቅም ማነስ፣ በሌላ በኩል የተለያዩ ጥቅማ ጥቅሞችን ሲያባርሩ ስለሚውሉ ተቋማቱ ውርጭ እንደመታው የስንዴ ቡቃያ ጠውልገዋል፡፡

የፍትሕ ሥርዓቱ ነፃነትና ገለልተኝነት መፈተን አለበት!

በኢትዮጵያ የፍትሕ ሥርዓት ላይ በዋነኛነት ከሚነሱ ችግሮች መካከል ተጠቃሹ የሕዝብ አመኔታ ማጣት ነው፡፡ የሕዝብ አመኔታ ያጣ ተቋምን እንደገና እንዲያንሰራራ ለማድረግ መሠረታዊ ለውጥ ያስፈልጋል፡፡ ይህ ለውጥ ግን ማዕበል መፍጠር አለበት፡፡ በሕዝብ ዘንድ የነበረውን የተበላሸ ገጽታ መለወጥ የሚፈልግ የፍትሕ ሥርዓት፣ ከማዕበሉ በኋላ ራሱን ችሎ መቆም መቻልም ይኖርበታል፡፡

ታላቅ አገር ለመገንባት ታላቅ አስተሳሰብ ያስፈልጋል!

ታዋቂዋ ዲፕሎማት ሳህለወርቅ ዘውዴ የመጀመርያዋ ኢትዮጵያዊ የሴት ፕሬዚዳንት ተደርገው ሐሙስ ጥቅምት 15 ቀን 2011 ዓ.ም. በሕዝብ ተወካዮች ምክር ቤት ሲሾሙ ባደረጉት ንግግር፣ ‹‹ታላቅ አገር የመገንባት ህልምን ዕውን ለማድረግ ከሰላም ውጪ ምንም አቋራጭም ሆነ አማራጭ የለም፡፡

ታሪክ መሥራት ቢያቅት ማበላሸት ግን ነውር ነው!

ታሪክ ለዘመናት ከአንዱ ወደ ሌላው እየተቀባበሉ በሚያልፉ ትውልዶች የሚሠራ የአገር ቅርስ ነው፡፡ ታሪክ አገርን በመገንባት፣ ከወራሪዎችና ከአጥቂዎች በመከላከል፣ ግዛትን በማስፋትና በማካለል፣ በአስተዳደራዊና በተለያዩ መስተጋብሮች ይገለጻል፡፡ ታሪክ ያለፉ ዘመናትን ኩነቶች በመረዳት የወደፊቱን ለመተንበይ ከመርዳቱም በተጨማሪ፣ ስህተቶችን ላለመደጋገም ያግዛል፡፡

መርህ አልባ እሰጥ አገባ ፋይዳ የለውም!

በመርህ መመራት ሚዛናዊና ምክንያታዊ ለመሆን ከመርዳቱም በላይ፣ በአስቸጋሪ ሁኔታ ውስጥ ችግሮችን ተቋቁሞ አሸናፊ ለመሆን ያስችላል፡፡ መርህ አልባነት ግን መቅዘፊያ እንደሌለው ጀልባ ከመዋለል ውጪ ምንም አይፈይድም፡፡ በኢትዮጵያ ፖለቲካ ውስጥ ለዓመታት የዘለቀው ‹‹የትም ፍጪው ዱቄቱን አምጪው›› ዓይነት መርህ አልባነት በተለያዩ ገጽታዎች እየተከሰተ፣ አሁንም ቀላል የማይባል ቁጥር ያላቸውን ወገኖች አቅጣጫ አልባ እያደረጋቸው ነው፡፡

የሹመቱን ነገር እስኪ እንነጋገር!

ጠቅላይ ሚኒስትር ዓብይ አህመድ (ዶ/ር) ሥልጣን ከያዙ ወዲህ ለሁለተኛ ጊዜ ካቢኔያቸውን እንደገና አደራጅተው፣ ማክሰኞ ጥቅምት 6 ቀን 2011 ዓ.ም. ሃያ አባላት ያሉትን ካቢኔ በሕዝብ ተወካዮች ምክር ቤት በሙሉ ድምፅ አፀድቀዋል፡፡

ውዥንብሮች ትርምስ እየፈጠሩ አገር አይታመስ!

ፈጣን፣ ቀልጣፋና ውጤታማ የመረጃ ልውውጦች ባለመኖራቸው ምክንያት ግልጽነት የጎደላቸው በርካታ ድርጊቶች ይስተዋላሉ፡፡ አንድ ብሔራዊ ጉዳይ ሲያጋጥም በቀጥታ የሚመለከተው መንግሥታዊ አካል በፍጥነት መረጃ ስለማይሰጥ፣ አገር ምድሩ በአሉባልታና በመሠረተ ቢስ ወሬዎች ይጥለቀለቃል፡፡

ጠመንጃ ከኢትዮጵያ ፖለቲካ ውስጥ መውጣት አለበት!

በኢትዮጵያ ሰላማዊ የፖለቲካ ትግሉን ለመቀላቀል የተለያዩ አማፂ ኃይሎች፣ ከኤርትራ በየተራ ወደ አገር ቤት መመለሳቸው ይታወሳል፡፡ እነዚህ አማፂ ኃይሎች ከዚህ ቀደም ትጥቅ አንግበው በረሃ የገቡት፣ በሥልጣን ላይ ያለው ኢሕአዴግ ሰላማዊ የፖለቲካ ትግል እንዳናደርግ ስለገፋን የትጥቅ ትግል ይሻለናል ብለው ነበር፡፡

የሐሳብና የተግባር አንድነት የሚረጋገጠው የሕግ የበላይነት ሲከበር ብቻ ነው!

ኢሕአዴግ በሐዋሳ ከተማ ያካሄደው 11ኛ ድርጅታዊ ጉባዔ የሐሳብና የተግባር አንድነት ተረጋግጦ በነፃነት፣ በግልጽነትና በአሳታፊነት በተደረገ ውይይት ውሳኔ ላይ ተደርሶ እንዲጠናቀቅ የብዙዎች ጉጉት ነበር፡፡ በኢትዮጵያ የተጀመረው ለውጥ በሕዝብ ከፍተኛ ግፊት ተደርጎበት ከውስጥ ባሉ የለውጥ ኃይሎች የበላይነት ቢጀመርም፣ በተለያዩ መንገዶች ይደረጉ የነበሩ ችግር ፈጣሪ እንቅስቃሴዎች ለሰላምና ለመረጋጋት  ጠንቅ ሆነው ቆይተዋል፡፡