Skip to main content
x

ተራ የሜዳ አህያ

ተራ የሜዳ አህያ ሰፋፊ ጥቁርና ነጭ መስመሮች፣ በተለይ ከወደ ታፋው የሚነሱት የበለጠ ሰፋፊ የሆኑ መስመሮች አሉት፡፡ ወንዱ በአማካይ 250 ኪሎግራም፣ ሴቷ 220 ኪሎግራም ይመዝናሉ፡፡

ወንድና ሴት ጎሾች

ጎሽ የከብት ዘመድ የሆነ፣ ግዙፍና ሣር በል አጥቢ ነው፡፡ ጎሾች ከፍታቸው በአማካይ ከ130 እስከ 170 ሴንቲሜትር ሲሆን፣ የወንዶቹ አማካይ ክብደት 686 ኪሎግራም፣ የሴቶቹ ደግሞ 576 ኪሎግራም ነው፡፡

የባህር ኧርቺን

የባህር ኧርቺን በውቅያኖስ ይገኛል፡፡ ኑሮውም ቅዝቃዜ በሚበዛበት የውቅያኖስ ክፍል ሳይሆን አለታማ በሆነው የውቅያኖስ ክፍል ነው፡፡ ለመኖር የሚመርጠውም ዝቅተኛውንና ሸለቋማውን የውኃ ክፍል ነው፡፡

ናይል አዞ

በሳይንሳዊ ስሙ ኮሮኮዳይለስ ኒሎቲከስ በመባል የሚታወቀው ናይል አዞ፣ የሰው ልጆች ጠር ከሆኑ ተሳቢ እንስሳት ከቀዳሚዎቹ የሚመደብ ነው፡፡ ይህ አዞ በየወንዝ ዳር ልብስ የሚያጥቡ ሰዎችን ጨምሮ በወንዝ አካባቢ የሚደርሱትን ጨልፎ በመመገብ ይታወቃል፡፡

የሱማሌና የኑቢያ የዱር አህያ

የዱር አህያ ከአንገቱ በላይ ትልቅ የሆነ፣ ረጃጅም ጆሮዎች ያሉት፣ ግራጫ ወይም አመድማ ቀለም ያለው፣ ደረቱ፣ ሆዱ፣ እግሮቹና ቂጡ፣ አፉ አካባቢና በዓይኖቹ ዙሪያ ነጭ የሆነ እንስሳ ነው፡፡ አጭር፣ ቡናማ ጋማ፣ አንዳንዴም ከትከሻው በኩል የሚወርዱ መስመሮች ያሉት፣መኻከለኛ ርዝመትና ጫፉ ባለጥቁር ጎፈር የሆነ ጅራት ያለው፣ ከፍታው ወደ አንድ ሜትር ከሩብ፣ ርዝመቱ ወደ ሁለት ሜትር፣ ክብደቱ በአማካይ 275 ኪ.ግ የሚሆን የአህያ አስተኔ ዘመድ አባል ነው፡፡ ሁለት ንዑስ ብቸኛ ዝርያዎች አሉት፡፡

አራት ዓይና አሳ

ባለአራት ዓይን የሚባል የአሳ ዝርያ አለ፡፡ ይህ አሳ ከሌሎቹ የተለየ ዓይን ያለው ነው፡፡ ይኸውም አራት ዓይን ሳይሆን እያንዳንዱ ዓይን ሁለት ዓይነት ዓይን ያለው በመሆኑ ነው፡፡ ማንይንገረው ሸንቁጥ ‹‹ባለአከርካሪዎች›› በተሰኘው መጽሐፋቸው ላይ እንደገለጹት፣ አሳዎቹም ጥንድ ዓይና ይባላሉ፡፡

ወርቃማው ፍሬ

ከፍራ ፍሬ ዘር ውስጥ ተወዳጅ የሆነ ነው አፕሪኮት፡፡ የአርመን ወርቃማ ፍሬ እየተባለም ይንቆለጳጰሳል፡፡ ለበርካታ ሺህ ዓመታት በእስያና በአውሮፓ ሲመረት የቆየው አፕሪኮት፣ አፕሪኮት መጀመሪያ የተገኘው በአርመን እንደሆነ አውሮፓውያን ያምኑ ስለነበር ፍሬውን የአርመን ፖም በማለት መጥራት ጀመሩ።

አጋዘን

በሰሜን አሜሪካ የሚገኘው አጋዘን በሥፍራው ከሚገኙ አጥቢ እንስሳት በግዙፍነቱ ይታወቃል፡፡ ከትከሻው እስከ እግሩ ስድስት ፊት የሚረዝም ሲሆን፣ ሴቷ ከ800 እስከ 1,300 ፓውንድ ትመዝናለች፡፡ ወንዱ ደግሞ ከ1,200 እስከ 1,600 ፓውንድ ይመዝናል፡፡

ኢንዲያን ዝሆን

ኢንዲያን ዝሆን በእስያ ከሚገኙት የሱማርታን፣ የሲሪላንካና የቦርኒዮ ዝሆኖች ዝርያ የሚመደብ ነው፡፡ የኢንዲያን ዝሆን ህንድን ጨምሮ በእስያ ከሚገኙ የዝሆን ዓይነቶች በብዛቱ ይጠቀሳል፡፡

ዶልፊን

ዶልፊኖች በጣም ብሩህ አዕምሮ ያላቸው የባሕር ውስጥ አጥቢዎች ናቸው፡፡ የጥርሳም አሳ ነባሪ ዘመድ አባል ናቸው፡፡ አብዛኞቹ ዶልፊኖች በውቅያኖስ ውስጥ ሲኖሩ፣ ጥቂት የሚሆኑት ደግሞ በተለያዩ የዓለም ወንዞች ውስጥ ይገኛሉ፡፡ ሥጋ በል ናቸው፡፡