Skip to main content
x

ካንጋሮ

ካንጋሮ የአውስትራሊያ ብርቅዬ እንስሳ ነው፡፡ በጠንካራ እግሮቹና አንዳንዴ በአደገኛነቱ የሚታወቀው ካንጋሮ፣ ከቁመቱ ሦስት እጥፍ ያህል ይዘላል፡፡ በምሥራቃዊ አውስትራሊያ የሚኖሩት ካንጋሮዎች ቁመታቸው እስከ ሁለት ሜትር ይደርሳል፡፡ በዱር ከስምንት እስከ 12 ዓመታት፣ በጥብቅ ቦታ እስከ 23 ዓመታት መኖርም ይችላሉ፡፡

ድምፅ አልባ አጥፊው ምስጥ

ምስጦች ቅርፃቸው ሞላላ ሆኖ ስድስት እግሮችና ጥንድ ክንፍም አላቸው፡፡ መልካቸው ቡናማ ቀለም ነው፡፡ በጋራ መኖርና ዕርጥብ እንጨት መመገብ ይወዳሉ፡፡ ምስጦች ድምፅ አልባ አጥፊዎች በመባል ይታወቃሉ፡፡ ይህ ስም የተሰጣቸው ዛፎችን፣ የዛፍ ሥሮችንና ተክሎችን እንዲሁም የእንጨት ውጤቶችን ከላይ ሳይሆን ከሥር ገብተው ውስጡን ቦጥቡጠው ስለሚበሉና ቅርፊት ብቻ ስለሚያስቀሩ ነው፡፡

ቀንድ አውጣ

ቀንድ አውጣዎች በአብዛኛው አትክልታማ ቦታ የሚገኙ ቢሆንም፣ አመጋገባቸው ተክል ላይ ብቻ የተወሰነ አይደለም፡፡ አንዳንዶቹ ተክልና ሥጋን ሲመገቡ አንዳንዶቹ ተክል ብቻ ተመጋቢ ናቸው፡፡

የዝሆኖች ድምፅ

ዝሆኖች አጥቢ ከሆኑትና ምድር ላይ ከሚኖሩት እንስሳት በትልቅነቱ ቀዳሚውን ሥፍራ ይይዛሉ፡፡ ክብደታቸው እስከ ስድስት ሺሕ ኪሎ ግራም የሚመዝን ሲሆን፣ እስከ 3.3 ሜትር ርዝማኔም አላቸው፡፡ ዝሆኖች እንደተወለዱ እስከ 91 ኪሎ ግራም ይመዝናሉ፡፡ ቁመታቸውም አንድ ሜትር ይደርሳል፡፡ ረዥም ጥርስ፣ ጠንካራና እንደ ፈለገ የሚታዘዝ ኩምቢ፣ እንዲሁም ትልቅ ጆሮ አላቸው፡፡

አምበርጊስ

አምበርጊስ የስብ ክምችት የመሰለ ከአሳ ነባሪ ሆድ ዕቃ የሚወጣ ነገር ነው፡፡ አምበርጊስ ከእንስሳው የሚወጣው በቀጥታ በሚመገበው ምግብ ምክንያት ሲሆን በተጨማሪም የእንስሳው መታመም ምልክትም ተደርጎ ይወሰዳል፡፡ አወጋገዱ ግን ከምግብ አፈጫጭ ሥርዓቱ ጋር የተያያዘ ነው፡፡

በፀሐይ ጮራ የሚመሰለው ድብ

በፀሐይ ጮራ የሚመሰለው ድብ በአብዛኛው የሚገኘው በደቡባዊ ቻይና ጥቅጥቅ ደኖች ውስጥ ነው፡፡ አሥር ኢንች ያህል የሚረዝም ምላስ ያለው ሲሆን፣ በዚህም መሬት ለመሬት የሚሽሎከሎኩ ነፍሳትን እያነሳ ይመገባል፡፡

ጉሬዛ

ጉሬዛ (Abyssinian Black and White Colobus- Colobus Guereza) ከአፍሪካ ጉሬዛ አስተኔዎች ሁሉ ተለቅ ያሉ፣ ሴቶቹ በአማካይ 9.2 ኪግ ሲመዝኑ፣ ወንዶቹ ደግሞ 13.5 ኪግ የሚመዝኑ፣ ዛፍ ላይ የሚኖሩ እንስሶች ናቸው፡፡

ሳመን የባሕር ላይ አሳ

ባሕር አሳ የሆነው ሳመን አንድ የሚደንቅ ነገር አለው፡፡ ይኸውም እንቁላሉን የሚጥልበት ጊዜ ጨዋማ ወዳልሆኑ ወንዝና ጅረት የመጓዙ ጉዳይ ነው፡፡ እንቁላሎቹ ከተፈለፈሉ በኋላ ግን ተመልሰው ወደ ጨዋማው ባሕራቸው ይጓዛሉ፡፡

የሜዳ አህያ

ተራ የሜዳ አህያ ሰፋፊ ጥቁርና ነጭ መስመሮች፣ በተለይ ከወደ ታፋው የሚነሱት የበለጠ ሰፋፊ የሆኑ መስመሮች ያሉት፣ ወንዱ በአማካይ 250 ኪሎግራም፣ ሴቷ 220 ኪሎግራም የሚመዝን የሜዳ አህያ ነው፡፡ የተሳካለት ሣር በል ነው፡፡

ዕንቁላል ምንድን ነው?

የዕንቁላል አሠራር በተለያዩ ሒደቶች ይከናወናል፡፡ በመጀመርያ አስኳሉ ዕንቁል ዕጢ ውስጥ ይሠራል፡፡ ከዕንቁል ዕጢ ይወጣና ወደ ማህፀን የሚወስደው ቱቦ  (ቦየ ዕንቁል ዕጢ) ውስጥ ይገባል፡፡ እዛም ነጩ የዕንቁላል ክፍል ይጨመርበታል፡፡