Skip to main content
x

ቴዲ አፍሮ ከቡራዩና አካባቢው ለተፈናቀሉ ሰዎች የአንድ ሚሊዮን ብር እርዳታ ሰጠ

አርቲስት ቴዎድሮስ ካሳሁን (ቴዲ አፍሮ) በአዲስ አበባ ዙሪያ ኦሮሚያ ልዩ ዞን ቡራዩና አካባቢው በተፈጸመ ጥቃት ሳቢያ ለተፈናቀሉ ሰዎች ሐሙስ መስከረም 10 ቀን 2011 ዓ.ም. የአንድ ሚሊዮን ብር እርዳታ አደረገ፡፡

በፖለቲከኛነት ሽፋን ሕዝብን የሚከፋፍሉና የሚያለያዩ ግለሰቦችን እንደማይታገስ የኦሮሚያ መንግሥት አስታወቀ

አንዳንድ ኃላፊነት የጎደላቸው ግለሰቦች በፖለቲከኛነት ሽፋን በሆነ አጋጣሚ መድረክ ላይ ሲወጡና የመገናኛ ብዙኃን ሲያገኙ የሚያስተላልፉዋቸው መልዕክቶች ሕዝብን የሚያቀራርቡና አንድነትን የሚፈጥሩ ሳይሆን ሕዝብን የሚከፋፍሉ፣ የሚያለያዩና የሚያቃቅሩ በመሆናቸው ከዚህ በኋላ እንደማይታገሳቸው የኦሮሚያ መንግሥት አስታወቀ፡፡

ብሔር ተኮር ጥቃት የሚያወግዝ ሠልፍ በአዲስ አበባ እየተደረገ ነው

ባለፈው ሳምንት በአዲስ አበባ ዙሪያ ኦሮሚያ ልዩ ዞን በቡራዩ ከተማና አካባቢው ተከስቶ የበርካቶችን ሕይወት የነጠቀውን፣ አካል ያጎደለውንና ንብረት ያወደመውን ብሔር ተኮር ጥቃት በማውገዝ የአዲስ አበባ ከተማ ነዋሪዎች ዛሬ መስከረም 7 ቀን 2010 ዓ.ም. በመስቀል አደባባይ ሰላማዊ ሠልፍ እያደረጉ ነው፡፡

‹‹የባንዲራ›› ነገር

በ18ኛው ምዕተ ዓመት መጨረሻና በ19ኛው ምዕተ ዓመት የመጀመርያው ሩብ ምዕተ ዓመት አካባቢ ኢትዮጵያን በመውረርና በሥልታዊ ወዳጅነት የምሥራቅ አፍሪካ ቅኝ ግዛቱ አካል ለማድረግ የቋመጠው የፋሽስት ኢጣሊያ መንግሥት፣ ጥረቶቹ በኢትዮጵያ ሕዝቦች ጥንካሬና በአገራቸው ጉዳይ በሚያሳዩት አይበገሬ አንድነት ሳይሳካለት ብቻ ሳይሆን ውርደትንም ተከናንቦ መመለሱን የታሪክ መዛግብት ያስረዳሉ፡፡

‹‹በኢትዮጵያ የተጀመረው ለውጥ በጣም ሰላማዊ በሆነ መንገድ ግቡን እንዲመታ ነው የተመለስነው›› አቶ ዳውድ ኢብሳ፣ የኦነግ ሊቀመንበር

የኦሮሞ ነፃነት ግንባር (ኦነግ) አመራር አባላት ቅዳሜ መስከረም 5 ቀን 2011 ዓ.ም. ከቀኑ 6፡10 ሰዓት ላይ አዲስ አበባ ቦሌ ዓለም አቀፍ ኤርፖርት ከደረሱ በኋላ፣ በእንግዳ መቀበያ ሳሎን መግለጫ የሰጡት የድርጅቱ ሊቀመንበር አቶ ዳውድ ኢብሳ ከ26 ዓመታት በኋላ ወደ አገር ቤት የተመለሱት፣ በአገሪቱ የተጀመረው ለውጥ በጣም በሰላማዊ መንገድ ግቡን እንዲመታ ለማድረግ ነው አሉ፡፡