Skip to main content
x

የፓርኪንሰን ማገገሚያና ማቆያ ማዕከል ሊገነባ ነው

ፓርኪንሰን ሕመም መነሻው ያልታወቀ፣ ፈዋሽ መድኃኒት ያልተገኘለት ከባድ የአዕምሮ ነርቭ ሕመም መሆኑን መረጃዎች ይጠቁማሉ፡፡ በዚህ ዓይነት በሽታ የተጠቁ ዜጎችን ለመታደግም የተለያዩ እንቅስቃሴዎች እየተደረጉ ነው፡፡ ከእንቅስቃሴዎቹም መካከል የፓርኪንሰን ሕሙማን ማገገሚያና ማቆያ ማዕከል የማቋቋም ውጥን ነው፡፡

በፓርኪንሰን ዙሪያ ያጠነጠኑት ሁለቱ መጻሕፍት

‹‹በፓርኪንሰን ላይ የሚነሱ 100 ጥያቄዎችና መልሶቻቸው›› እንዲሁም የፓርኪንሰን ፔሸንትስ ሳፖርት ኦርጋናይዜሽን ኢትዮጵያ›› በሚሉ ርዕሶች የታተሙ ሁለት የአማርኛ መጻሕፍት ባለፈው ሳምንት ለምረቃ በቅተዋል፡፡ በፓርኪንሰን ላይ የሚነሱ 100 ጥያቄዎችና መልሶቻቸው የሚለው መጽሐፍ የትርጉም ሥራ ሲሆን፣ ሌላው ደግሞ በችግሩ ዙሪያ ስለሚሠራው ድርጅት አመሠራረትና ዕድገት የሚያብራራ ነው፡፡