በተለያዩ የሥራ መስኮች ሠራተኞችን ወደ ዓረብ አገሮች ለመላክ በኢትዮጵያ መንግሥትና በአራት የዓረብ አገሮች መንግሥታት መካከል ስምምነት ተደርጎ በየፓርላማቸው የፀደቀ ቢሆንም፣ አስፈጻሚው የሠራተኛና ማኅበራዊ ጉዳይ ሚኒስቴር ግራ እያጋባቸው መሆኑን የውጭ ሥራና ሠራተኛ አገናኝ ኤጀንሲዎች ገለጹ፡፡

ምክትል ጠቅላይ ሚኒስትሩ በውጭ አገሮች ለሥራ መሰማራት የሚቻለው በአዋጅ ቁጥር 923/2008 ድንጋጌ መሠረት የሁለትዮሽ ስምምነት በፈጸሙ ሦስት አገሮች ብቻ መሆኑን ጠቁመው፣ የሁለትዮሽ ስምምነት ያልፈጸሙ አምስት አገሮች ሠራተኞች እየተላከ ስለሆነ፣ ጥብቅ ቁጥጥር እንዲያደርጉ የፌዴራል ፖሊስን፣ ጠቅላይ ዓቃቤ ሕግን፣ ብሔራዊ መረጃና ደኅንነት አገልግሎትን፣ ሲቪል አቪዬሽንና የኢትዮጵያ አየር መንገድን አስጠነቀቁ፡፡

የዜጎችን ደኅንነት ለመጠበቅና ሕግን የተከተለ የሥራ ጉዞ እንዲደረግ ለአምስት ዓመታት ታግዶ የቆየውን የውጭ አገር ሥራ ሥምሪት ጥቅምት 1 ቀን 2011 ዓ.ም. የተጀመረ ቢሆንም፣ ወደ ዓረብ አገሮች የሚሄዱ የቤት ሠራተኞች ደመወዝ ምን ያህል መሆን እንደሚገባው መንግሥት ለቀጣሪ አገሮች ላቀረበው ጥያቄ ምላሽ እየተጠባበቀ መሆኑ ተጠቆመ፡፡