Skip to main content
x

ለበጎ የታሰበው ክፋት እንዳያበላሸው!

በመላ አገሪቷ አንፃራዊ ሰላምና መረጋጋት ሰፍኖ ኢትዮጵያውያን በተስፋ ተሞልተው የዕለት ተዕለት ተግባራቸውን እያከናወኑ መሆናቸው፣ አገሩን ለሚወድ ማንኛውም ሰው ዕፎይታ ይሰጣል፡፡ ኢትዮጵያውያን ለጋራ ዓላማ አብረው ለመሠለፍ የሚያስችላቸው ጅማሬ እየታየ በመሆኑ፣ ብዙዎች መጪውን ጊዜ በብሩህ ተስፋ ተሞልተው ቢጠብቁ አይገርምም፡፡

ኢትዮጵያ የምትደምቀው በልጆቿ አንድነት ነው!

ኢትዮጵያ ታሪካዊ አገር ናት ሲባል ያለፈችባቸው ዘመናት ውስብስብ እንደነበሩም መዘንጋት አይቻልም፡፡ የኢትዮጵያ ሕዝብ የአገሩን ነፃነት ለማስከበር ያደረጋቸው ተጋድሎዎች፣ ለመብቱና ለነፃነቱ ያደረጋቸው ፍልሚያዎች፣ የማንነትና የሐሳብ ብዝኃነት ባለመስተናገዳቸው ሳቢያ የተፈጠሩ ግጭቶች፣ እንዲሁም ኢትዮጵያ ከሥልጣኔዋ ተለያይታ ለድህነትና ለተመፅዋችነት የተጋለጠችበት አሳፋሪ ውርደት የታሪኳ አካል ናቸው፡፡

የአመራር ለውጡ በስኬት እንዲታጀብ የድርሻን ማዋጣት ይገባል!

የኢትዮጵያ ፌዴራላዊ ዴሞክራሲያዊ ሪፐብሊክ (ኢፌዴሪ) መንግሥት ከተመሠረተ ከ23 ዓመታት በኋላ፣ ሦስተኛው ጠቅላይ ሚኒስትር በሕዝብ ተወካዮች ምክር ቤት ሰኞ መጋቢት 24 ቀን 2010 ዓ.ም. ተሰይመዋል፡፡ የመጀመርያው ጠቅላይ ሚኒስትር መለስ ዜናዊ በሞት፣ ሁለተኛው ጠቅላይ ሚኒስትር ኃይለ ማርያም ደሳለኝ መልቀቂያ በማቅረብ ሲሰናበቱ፣ ሦስተኛው ጠቅላይ ሚኒስትር ዓብይ አህመድ (ዶ/ር) ለመጪዎቹ ሁለት ዓመታት ተተክተዋል፡፡ አገሪቱን ነውጥ ውስጥ በመክተት ቀውስ በፈጠረው የሦስት ዓመታት ያህል ተቃውሞ ምክንያት የመጡት የአሁኑ ጠቅላይ ሚኒስትር፣ ከፊታቸው ብዙ ሥራ ይጠብቃቸዋል፡፡

አዲስ የታሪክ ምዕራፍ እንዲጀመር ከማደናቀፍ መደጋገፍ ይቅደም!

ኢትዮጵያ ከአንድ የታሪክ ምዕራፍ ወደ ሌላው እየተሸጋገረች ዘመናትን ያስቆጠረች ባለታሪክ አገር ናት፡፡ ሌላው ቀርቶ ከዘመነ መሳፍንት ወደ ማዕከላዊ መንግሥት ምሥረታ፣ ከአሀዳዊ ወደ ፌዴራላዊ ሥርዓት የተሸጋገረችባቸው ታሪካዊ ሒደቶች በበርካታ ውጣ ውረዶች ታጅበው እዚህ ዘመን ላይ ተደርሷል፡፡

መሪ ከመተካት በላይ የተመሪው ሕዝብ ጉዳይ ያሳስባል!

ኢሕአዴግ ሊቀመንበሩን ለመምረጥ አንድ ሳምንት ስብሰባ ላይ ከርሟል፡፡ ተመራጩ ሊቀመንበር በፓርላማ የአገሪቱ ጠቅላይ ሚኒስትር ሆኖ ይሰየማል፡፡ ይህ የኢሕአዴግ አሠራር ነው፡፡ ጠቅላይ ሚኒስትር ኃይለ ማርያም ደሳለኝ ከኃላፊነት የመልቀቂያ ጥያቄ ካቀረቡበት ጊዜ ጀምሮ፣ ከአንድ ወር በላይ በአገር ውስጥም ሆነ በውጭ አንዱ አነጋጋሪ ጉዳይ ተተኪውን መሰየም ነበር፡፡ በዚህ ምክንያት የተተኪው ማንነት በተለያዩ የኅብረተሰብ ክፍሎች ዘንድ ቢያነጋግር አይገርምም፡፡

ጤናማ ሥርዓት የሚገነባው በሕዝብ ሁለገብ ተሳትፎ ነው!

ሥርዓቱ ጤና አጥቶ አገር የተተራመሰችውና ሕዝብ ለአደጋ የተጋጠው ተሳትፎው በመገደቡ ምክንያት ነው፡፡ ያለፉት ሦስት ዓመታት ነውጦች ለበርካቶች የሕይወት ሕልፈት፣ የአካል ጉዳት፣ መፈናቀልና የሥነ ልቦና ቀውስ አስከትለዋል፡፡ የአገር ህልውና ከመቼውም ጊዜ በላይ አደጋ ተጋርጦበታል፡፡ በዚህም ሳቢያ የአገሪቱ ጠቅላይ ሚኒስትር ሥልጣናቸውን ለመልቀቅ እንዲወስኑ ተገደዋል፡፡

በሕዝብ ላይ መቆመር አስነዋሪ ነው!

የኢትዮጵያ ሕዝብ ከሚታወቅባቸው ዋነኛ መለያዎቹ መካከል ለአገሩ ያለው ጥልቅ ፍቅር አንደኛው ነው፡፡ ይህ የአገር ፍቅር ስሜት ራስን በፈቃደኝነት ለመስዋዕትነት ከማቅረብ ጀምሮ፣ በልዩ ልዩ አበርክቶዎች እየተገለጸ ዘመናትን መሻገር ተችሏል፡፡ ይህ ኩሩና ጨዋ ሕዝብ በአገሩ ጉዳይ ከማንም ጋር ተደራድሮ አያውቅም፡፡

የሞያሌው ክስተት መወገዝ አለበት!

​​​​​​​መሰንበቻውን በሞያሌ በንፁኃን ዜጎች ላይ የደረሰው ሞትና የአካል ጉዳት በፍፁም ማጋጠም የሌለበት ከመሆኑም በላይ፣ ድርጊቱ በፅኑ ሊወገዝ ይገባል፡፡ ይህ ዓይነቱ ድርጊት የዜጎችን በሕይወት የመኖርና የአካል ደኅንነት መብትን ከመግፈፍ በተጨማሪ፣ በምንም ዓይነት ሁኔታ ተቀባይነት የሌለው ነው፡፡

የአገር ህልውና ለድርድር አይቀርብም!

እኛ ኢትዮጵያውያን ከገባንበት ቀውስ ውስጥ ለመውጣት ከእኛ በላይ ማንም እንደሌለ ማመን ይገባናል፡፡ ባዕዳን መጡም ሄዱም ከራሳችን በላይ በማንም መተማመን የለብንም፡፡ ኢትዮጵያውያን በታሪካቸው ለማንም ጥገኛ ሆነው አያውቁም፡፡ የጥገኝነት አስተሳሰብና ሥነ ልቦና የሌለው ሕዝባችን በታሪክ ያጋጠሙትን ፈተናዎች ያለፈው፣ በጠንካራ አንድነቱና ኅብረቱ ነው፡፡ በዚህ ዘመንም ይህ ጥሩ ልምድ ሊያገለግለን ሲገባ ባዕዳን ሥር መርመጥመጥ እየበዛ ነው፡፡

ፈተናው ቢከብድም ማለፍ ግን ይቻላል!

አገሪቱ ከሁለት ዓመታት በላይ የገባችበት የቀውስ አዙሪት፣ በተለያዩ ገጽታዎች የተለያዩ ክስተቶችን እያስተናገደ ነው፡፡ የወቅቱን ፈታኝነት በሥጋት የሚመለከቱ ያሉትን ያህል፣ ከሥጋት ባሻገር የተሻለ ጊዜ ይመጣል ብለው ተስፋ የሚያደርጉም አሉ፡፡ ወቅቱ ያረገዘው ሥጋት ፈተናውን እንዳከበደው እርግጥ ቢሆንም ተስፋ መቁረጥ ግን አይገባም፡፡