Skip to main content
x

ሶማሌላንድ በበርበራ ወደብ የምታካሂደውን የማስፋፊያ ግንባታ በመስከረም ወር እንደምትጀምር ታወቀ

ራሷን እንደቻለች ሉዓላዊት አገር ዕውቅና ለማግኘት በመጣጣር ላይ የምትገኘው ሶማሌላንድ፣ ኢትዮጵያና የተባበሩት ዓረብ ኤምሬትስን በባለድርሻነት ያካተተውን የበርበራ ወደብ የማስፋፊያ ግንባታ በመጪው መስከረም ወር እንደምትጀምር አስታወቀች፡፡ የበርበራ ወደብ የኦፕሬሽን ሥራዎችን የሚመሩ ኃላፊዎች ሰሞኑን በወደቡ ጉብኝት ላደረጉ የኢትዮጵያ ጋዜጠኞች በሰጡት ማብራሪያ ወቅት እንደታስወቁት፣ በሰኔ ወር የወደብ ግንባታውን ለሚያካሂዱ ኩባንያዎች ሥራው እንደሚሰጣቸውና በመስከረም ወርም  ግንባታ እንደሚጀምሩ ይጠበቃል፡፡

የቻይናው ሴራሚክ አምራች በአምፑል ምርቶችም ለመሠማራት መዘጋጀቱን አስታወቀ

በቻይናው ኢስተርን ኢንዱስትሪ ዞን ውስጥ በ26 ሔክታር (260 ሺሕ ካሬ ሜትር) መሬት ላይ የተንጣለለው የሴራሚክ ውጤቶች ማምረቻ፣ በቻይናው ዲ ዩዋን ሴራሚክስ ኩባንያ የሚመራ ፋብሪካ ነው፡፡ ፋብሪካው ምርት በጀመረ በአንድ ዓመት ውስጥ ገበያው ውስጥ ተሰቅሎ የቆየውን ዋጋ ማረጋጋት እንደቻለም ይነገርለታል።

የሶማሌላንድ ጉዳይ ፈጻሚ ጽሕፈት ቤትን በማቃጠል የተጠረጠረ ግለሰብ በቁጥጥር ሥር ዋለ

ቦሌ ክፍለ ከተማ ውስጥ የሚገኘውን የሶማሌላንድ መንግሥት ጉዳይ ፈጻሚ ጽሕፈት ቤትን በማቃጠል ወንጀል የተጠረጠረ ግለሰብ በቁጥጥር ሥር ዋለ፡፡ ተጠርጣሪው ኢትዮጵያዊ ዜግነት ያለውና በቅርቡ ከሶማሌላንድ ዋና ከተማ ሐርጌሳ ተፈናቅሎ እንደመጣ ለፖሊስ ማስረዳቱን፣ ለጉዳዩ ቅርበት ያላቸው የፖሊስ ምንጮች ለሪፖርተር ተናግረዋል፡፡

ከሶማሌላንድ ሦስት ሺሕ የኦሮሞ ተወላጆች ተፈናቀሉ

ከጎረቤት ሶማሌላንድ ሦስት ሺሕ የኦሮሞ ብሔር ተወላጆች መፈናቀላቸው ተሰማ፡፡ በኦሮሚያና በሶማሌ ክልላዊ መንግሥታት የጋራ ድንበር አካባቢ በሚኖሩ የኦሮሞና የሶማሌ ተወላጆች መካከል በተፈጠረው ግጭት ሳቢያ፣ በበርካታ ሺዎች የሚቆጠሩ ኦሮሞዎች ከሶማሌ ክልል ሲፈናቀሉ በተመሳሳይ በኦሮሚያ ክልል ይኖሩ የነበሩ ሶማሌዎችም ተፈናቅለዋል፡፡