Skip to main content
x

የንግድ ባንክ ሰባት ምክትል ፕሬዚዳንቶች ከኃላፊነታቸው ለቀቁ

በኢትዮጵያ ንግድ ባንክ በከፍተኛው የማኔጅመንት ዕርከን ሲያገለግሉ ከነበሩ ስምንት ምክትል ፕሬዚዳንቶች ሰባቱ ባንኩን ለቀቁ፡፡ ባንኩን ከለቀቁት ኃላፊዎች ውስጥ ሦስቱ የግል ባንኮች ፕሬዚዳንት የመሆን ዕድል አግኝተዋል፡፡

ንብ ባንክ አዲስ ፕሬዚዳንት ሾመ

የንብ ኢንተርናሽናል ባንክ የዳይሬክተሮች ቦርድ የባንኩን ፕሬዚዳንት አቶ ክብሩ ፎንዠን ለመተካት ውሳኔ ማሳለፉ ታወቀ፡፡ ባንኩን በፕሬዚዳንትነት እንዲያገለግሉ የሰየማቸው አቶ ገነነው ሩጋ የተባሉትን ኃላፊ ነው፡፡

ንግድ ባንኮች ከ16 ቢሊዮን ብር በላይ ትርፍ አስመዘገቡ

የኢትዮጵያ ንግድ ባንክን ጨምሮ የሁሉም ንግድ ባንኮች የ2011 ዓ.ም. ግማሽ ዓመት አፈጻጸም ከዚህ ቀደም በተመሳሳይ ወቅት ካስመዘገቡት ውጤት ይልቅ የበለጠ መሆኑ ተመለከተ፡፡ 17ቱ ባንኮች በስድስት ወራት ብቻ ከታክስና ከሌሎች ተቀናሾች በፊት ከ16.4 ቢሊዮን ብር አስመዝግበዋል፡፡

የኦሮሚያ ኅብረት ሥራ ባንክ ለኤክስፖርተሮች ከ7.4 ቢሊዮን ብር በላይ ብድር ሰጠ

​​​​​​​የኦሮሚያ ኅብረት ሥራ ባንክ ለላኪዎችና ለወጪ ንግድ ምርት አምራቾች ከ7.4 ቢሊዮን ብር በላይ ብድር ሰጠ፡፡ ይህ የተገለጸው ባንኩ የወጪ ንግድ ዘርፍ ለተሰማሩ የባንኩ ደንበኞች ዕውቅና በሰጠበት ፕሮግራም ላይ ነው፡፡

ንግድ ባንክ በግማሽ ዓመቱ ከ9.4 ቢሊዮን ብር በላይ አተረፈ

የኢትዮጵያ ንግድ ባንክ በ2011 የመጀመርያው ግማሽ ዓመት 9.4 ቢሊዮን ብር ማትረፉን ገለጸ፡፡ ባንኩ የሥራ አፈጻጸሙን በማስመልከት ዓርብ፣ ጥር 17 ቀን 2011 ዓ.ም. ይፋ እንዳደረገው፣ በስድስት ወራት ውስጥ ያገኘው የትርፍ መጠን ከዓምናው  ተመሳሳይ ወቅት ጋር ሲነፃፀር ብልጫ ያሳየ ነበር፡፡

በምዕራብ ወለጋ የሚገኙ ባንኮች ምን ያህል ገንዘብ እንደተዘረፉ እስካሁን አልታወቀም

በምዕራብ ወለጋ በሦስት ዞኖች ውስጥ የግልና የመንግሥት የባንኮች ላይ ዝርፊያ መፈጸሙንና ቅርንጫፎቹም አገልግሎት እንዳቋረጡ ከየአቅጣጫዎች ሲነገርና ሲዘገብ ሰንብቷል፡፡ በምዕራብ ወለጋ በተደራጁና በታጠቁ አካላት የተዘረፉት ባንኮች ብዛት ምን ያህል ነው? የሚለው ጉዳይ ብዥታ ቢፈጥርም፣ በአገሪቱ ታሪክ ታይቶ በማይታወቅ ሁኔታ በቀናት ልዩነት ውስጥ ባንኮች ላይ የተፈጸመው የዘረፋ ተግባር ከዚህ ቀደም ያልታየ ነበር፡፡

የገንዘብ ተቋማት በጠቅላይ ሚኒስትሩ ለታቀደው የ29 ቢሊዮን ብር ፕሮጀክት ድጋፋቸው ተጠየቀ

ጠቅላይ ሚኒስትር ዓብይ አህመድ (ዶ/ር)፣ ከገንዘብ ተቋማት ኃላፊዎች ጋር መክረዋል፡፡ የውይይቱ አጀንዳ አስቀድሞ ባይገለጽም የሁሉንም ባንኮችና ኢንሹራንስ ኩባንያዎች ሥራ አስፈጻሚዎችና የቦርድ ሰብሳቢዎች በውይይቱ ተሳትፈው ነበር፡፡