Skip to main content
x

የሚኒስትሮች ምክር ቤት የአስቸኳይ ጊዜ አዋጁ እንዲነሳ ወሰነ

የሚኒስትሮች ምክር ቤት ቅዳሜ ግንቦት 25 ቀን 2010 ዓ.ም. ባደረገው መደበኛ ስብሰባ የአገሪቱን የጸጥታ ሁኔታ ከገመገመ በኋላ የአስቸኳይ ጊዜ አዋጁ እንዲነሳ የሚያስችል ረቂቅ አዋጅ አጸደቀ፡፡ የአስቸኳይ ጊዜ አዋጁ እንዲነሳ ረቂቁ ለሕዝብ ተወካዮች ምክር ቤት ተልኮ መጽደቅ ይኖርበታል ሲሉም የጠቅላይ ሚኒስትር ጽሕፈት ቤት ኃለፊ አቶ ፍጹም አረጋ በትዊተር ገጻቸው ላይ አስፍረዋል፡፡

የአስቸኳይ ጊዜ አዋጅ የካቲት 9 ቀን 2010 ዓ.ም. ለሁለተኛ ጊዜ መታወጁ ይታወሳል፡፡

በፓርቲ ተፅዕኖ ሥር የወደቀውን የፌዴራልና የክልል መንግሥታት ግንኙነት ተቋማዊ ለማድረግ የተዘጋጀ የፖሊሲ ማዕቀፍ ለፓርላማ ተላከ

በአሁኑ ወቅት በአንድ ፓርቲ ተፅዕኖ ሥር እንደወደቀ በይፋ የታመነበትን የፌዴራልና የክልል የመንግሥታት ግንኙነት ከፓርቲና ከግለሰቦች ተፅዕኖ በማላቀቅ፣ ተቋማዊ መሠረትና ሕጋዊ ሥርዓት እንዲኖረው ለማድረግ የተረቀቀ የፖሊሲ ማዕቀፍ እንዲፀድቅ ለፓርላማ ተላከ፡፡ ‹‹የኢትዮጵያ ፌዴራላዊ ዴሞክራሲያዊ ሪፐብሊክ የመንግሥታት ግንኙነት የፖሊሲ ማዕቀፍ›› የሚል መጠሪያ የተሰጠውን ይህንን የፖሊሲ ማዕቀፍ ያረቀቁት፣ የፌዴሬሽን ምክር ቤትና የፌዴራል አርብቶ አደርና ልማት ጉዳዮች ሚኒስቴር ናቸው፡፡

የሪል ስቴትና የአከራይ ተከራይ አዋጅ በድጋሚ እንዲስተካከል ታዘዘ

በሪል ስቴት ቤቶች ግብይት፣ በመኖሪያ ቤት አከራይና ተከራይ ጉዳዮች ላይ ያተኮሩና በኅብረተሰቡ ዘንድ ተጠባቂ የሆኑ ሦስት ረቂቅ አዋጆች በጥቅል ተዘጋጅተው ለጠቅላይ ሚኒስትር ጽሕፈት ቤት ከቀረቡ ዓመታት ቢቆጠሩም፣ የጠቅላይ ሚኒስትር ጽሕፈት ቤት ሦስቱም ረቂቅ አዋጆች ተነጣጥለው እንዲዘጋጁ በድጋሚ ትዕዛዝ ሰጠ፡፡

ፓርላማው በአስቸኳይ ጊዜ አዋጁ ላይ እንዲወስን በአስቸኳይ ተጠራ

የሕዝብ ተወካዮች ምክር ቤት አባላት በአስቸኳይ አዋጁ ላይ እንዲወስኑ ለአስቸኳይ ስብሰባ ተጠሩ፡፡ ከየካቲት 1 ቀን 2010 ዓ.ም. ጀምሮ ለአንድ ወር ዕረፍት የወጡት የፓርላማ አባላት ለአስቸኳይ ስብሰባ በመጠራታቸው ምክንያት፣ ከማክሰኞ የካቲት 20 ቀን 2010 ጠዋት ጀምሮ ሪፖርት ሲያደርጉ እንደነበር ለማወቅ ተችሏል፡፡

የአስቸኳይ ጊዜ አዋጁ ኮማንድ ፖስት የሚወስዳቸው ዕርምጃዎች ይፋ ተደረጉ

የሚኒስትሮች ምክር ቤት ዓርብ የካቲት 9 ቀን 2010 ዓ.ም. ለስድስት ወራት የሚቆይ የአስቸኳይ ጊዜ አዋጁ ካወጀ በኋላ፣ የአስቸኳይ ጊዜ አዋጁ ኮማንድ ፖስት  የሚወስዳቸው አሥራ ስምንት ዕርምጃዎች ይፋ ተደርገዋል፡፡

የአስቸኳይ ጊዜ አዋጅ ታወጀ

የሚኒስትሮች ምክር ቤት ዛሬ የካቲት 9 ቀን 2010 ዓ.ም. ባደረገው ስብሰባ በኢትዮጵያ ላልተገለጸ ጊዜ የሚቆይ የአስቸኳይ ጊዜ አዋጅ እንዲታወጅ ወሰነ፡፡

በአስቸኳይ ጊዜ አዋጁ ላይ ቀኑን ሙሉ ውይይት ሲያደርጉ የቆዩት የሚኒስትሮች ምክር ቤት አባላት ማምሻውን ነው አዋጁን ያፀደቁት፡፡

በአገሪቱ እየታየ ያለውን ሥርዓተ አልበኝነትና በግለሰቦችና በንግድ ተቋማት ላይ የሚደርስ ጥቃትን ለመከላከል ያስችል ዘንድ የአስቸኳይ ጊዜ አዋጁ መታወጁ ተገልጿል፡፡

 

የመንግሥትና የግል ሠራተኛ ማኅበራት አመራሮች ረቂቅ የሠራተኛ አዋጁ በድጋሚ እንዲታይ አሳሰቡ

በሥራ ላይ የሚገኘውን የአሠሪና ሠራተኛ አዋጅ አሻሽሎ በአዲስ ለመተካት በተረቀቀው የሕግ ሰነድ ላይ ባለፈው ሳምንት መጨረሻ     የመከሩት ከመንግሥትና ከግል ድርጅቶች የሠራተኛ ማኅበራት የተወከሉ አመራሮች፣ የተረቀቀው የሕግ ሰነድ የሠራተኞችን መብት የማያስከብርና ዜጎችን ለብዝበዛ የሚዳርግ መሆኑን በመጥቀስ በድጋሚ መንግሥት ትኩረት ሰጥቶ እንዲያየው አሳሰቡ።