Skip to main content
x

የልማት ባንክ ምክትል ኃላፊ ፕሬዚዳንት ሆነው እንዲሠሩ ተመደቡ

የመንግሥት የፖሊሲ ባንክ እንደሆነ የሚነገርለትን የኢትዮጵያ ልማት ባንክ በፕሬዚዳንትነት እንዲመሩ የቀድሞው የኮንስትራክሽንና ቢዝነዝ ባንክ ፕሬዚዳንት ተሾሙ፡፡ አቶ ኃይለየሱስ በቀለ ከዚህ ቀደም የኮንስትራክሽንና ቢዝነስ ባንክ (ሞርጌጅ ባንክ)ን ሲመሩ የቆዩና ባንኩ በኢትዮጵያ ንግድ ባንክ ሲጠቀልልም በምክትል ፕሬዚዳንትነት በንግድ ባንክ ውስጥ እንዲሠሩ ተሾመው ነበር፡፡

ለኢትዮጵያ ንግድ ባንክ አዲስ ፕሬዚዳንት ተሾመለት

የመንግሥት የፋይናንስ ተቋማትን ሪፎርም ለማድረግ እየተደረገ ባለው የአመራር ለውጥና ሽግሽግ ከኢትዮጵያ ንግድ ባንክ ፕሬዚዳንትነት በቅርቡ በተነሱት አቶ በቃሉ ዘለቀ ምትክ፣ ሁለት የግል ባንኮችን በምክትል ፕሬዚንዳትነት ሲያገለግሉ የቆዩት አቶ ባጫ ጊና በመንግሥት የፋይናንስ ድርጅቶች ኤጀንሲ ዋና ዳይሬክተር ስንታየሁ ወልደ ሚካኤል (ዶ/ር) በተጻፈ ደብዳቤ ተሾሙ፡፡

የመንግሥት ባንኮች ወደ ግል እንዲዛወሩ ፖሊሲም እንዲቀየር የሚጠይቁ ሐሳቦች 

የመንግሥት የፋይናንስ ተቋማት በለውጥ ሒደት ላይ ስለመሆናቸው ከሰሞኑ የተደረጉ የአመራሮች ለውጦች ወይም ሽግሽጎች አመላካች እየሆኑ ነው፡፡ የፋይናንስ ተቋማቱ የአመራር ለውጥ በአገሪቱ ዋና ዋና የሚባሉ ባንኮች ላይ ያነጣጠረ ነው፡፡

የብሔራዊ ባንክ ገዥ የጠቅላይ ሚኒስትሩ የፋይናንስ ጉዳዮች አማካሪ ሆኑ

ሰሞኑን ከኢትዮጵያ ብሔራዊ ባንክ ገዥነት የተነሱት አቶ ተክለ ወልድ አጥናፉ፣ የጠቅላይ ሚኒስትሩ የፋይናንስ ጉዳዮች ኃላፊ ሆኑ፡፡ ላለፉት 13 ዓመታት በገዥነት በቆዩት አቶ ተክለ ወልድ ምትክ ይናገር ደሴ (ዶ/ር) ሲሾሙ፣ አቶ በቃሉ ዘለቀ ደግሞ ምክትል ገዥ ሆነዋል፡፡ አቶ ተክለ ወልድ የተመደቡበት የፋይናንስ አማካሪነት ኃላፊነት ለመጀመርያ ጊዜ  ራሱን ችሎ መቋቋሙ ታውቋል፡፡

የብሔራዊ ባንክ ገዥና የፋይናንስ ተቋማት ኃላፊዎች በአዳዲስ አመራሮች ሊተኩ ነው

የኢትዮጵያ የፋይናንስ ተቋማትን ሪፎርም ለማድረግ እየተደረጉ ባሉ እንቅስቃሴዎች የኢትዮጵያ ብሔራዊ ባንክ፣ የኢትዮጵያ ንግድ ባንክና የኢትዮጵያ ልማት ባንክ ኃላፊዎች በአዳዲስ አመራሮች ሊተኩ ነው፡፡ በዚህም መሠረት የኢትዮጵያ ብሔራዊ ባንክ ገዥ አቶ ተክለ ወልድ አጥናፉ ከኃላፊነታቸው እንደሚነሱ የተረጋገጠ ሲሆን፣ አሁን ባለው መረጃ እሳቸውን ለመተካት የብሔራዊ ፕላን ኮሚሽነር ይናገር ደሴ (ዶ/ር) በዕጩነት ቀርበዋል፡፡

የንግድ ባንክና የልማት ባንክ የብድር ፖሊሲና አሠራር ለውጥ ተደረገ

የኢትዮጵያ ንግድ ባንክ የረዥምና የመካከለኛ ጊዜ የፕሮጀክት ብድሮች መስጠት በማቆም የሥራ ማስኬጃ ብድሮች ብቻ እንዲሰጥ፣ የኢትዮጵያ ልማት ባንክ ደግሞ የፕሮጀክት ብድሮች እንዲሰጥ የተላለፈው ውሳኔ ታጠፈ፡፡ ውሳኔው ከሚያዝያ 10 ቀን 2009 ዓ.ም. ጀምሮ ተፈጻሚ ነበር፡፡

በኢትዮጵያ ብሔራዊ ባንክ ገዥ አቶ ተክለወልድ አጥናፉ ግንቦት 24 ቀን 2010 ዓ.ም. ተፈርሞ በወጣው ደበዳቤ እንደተገለጸው፣ ካሁን ቀደም የነበረው ውሳኔ ቀርቶ በቀድሞ አሠራር እንዲቀጥል ተወስኗል፡፡ በዚህም መሠረት ባለሀብቶች ከሁለቱም ባንኮች የፕሮጀክት ብድር ማግኘት ይችላሉ፡፡

በሥራ ላይ ለሚገኙ ሰፋፊ የእርሻ ፕሮጀክቶች የብድር መክፈያ ጊዜ ተራዘመ

በአገሪቱ በሚገኙ ሰፋፊ እርሻዎች ላይ የተጋረጡ ችግሮችን ለመፍታት ከቀረቡ የመፍትሔ ሐሳቦች መካከል አንዱ በሆነው የፋይናንስ አቅርቦት ላይ፣ የኢትዮጵያ ልማት ባንክ መጠነኛ ማሻሻያ አደረገ፡፡ የኢትዮጵያ ልማት ባንክ ፕሬዚዳንት አቶ ጌታሁን ናና ለምክትል ፕሬዚዳንቶችና ለዲስትሪክቶች በጻፉት የውስጥ ማስታወሻ፣ አብዛኞቹ በዝናብ የሚለሙ የእርሻ ፕሮጀክቶች በተፈጥሮና ሰው ሠራሽ ችግሮች ብድራቸውን በወቅቱ መክፈል አልቻሉም ብለዋል፡፡