Skip to main content
x

እስከ 200 ሺሕ ብርና ለሰባት ዓመታት የሚያስቀጡ ክልከላዎችን ያካተተ የኤክሳይስ ታክስ ረቂቅ አዋጅ ላይ ውይይት ተጠራ

እስካሁን ሲሠራበት የቆየውን የኤክሳይዝ ታክስ አዋጅ በመሻር በተሻሻሉ ድንጋጌዎች ረቂቅ አዋጅ ተዘጋጀ፡፡ ከዚህ በፊት የነበሩት የወንጀልና አስተዳደራዊ መቀጫዎች ላይ ከፍተኛ ለውጥ በማድረግ ድንጋጌዎቹን ተላልፈው በሚገኙ አካላት ላይ፣ እስከ ሰባት ዓመታት በሚደርስ እስርና እስከ 200 ሺሕ ብር በሚደርስ የገንዘብ መቀጮ ቅጣት የሚጥሉ ክልከላዎችን ያካተተው ረቂቅ አዋጅ ለውይይት ቀረበ፡፡

ቱሪዝም ኢትዮጵያ ከመንግሥት በጀት ውጪ የራሱን የገቢ ምንጮች መጠቀም የሚችልበት የሕግ ማዕቀፍ ሊሰጠው ነው 

ቱሪዝም ኢትዮጵያ (የኢትዮጵያ ቱሪዝም ድርጅት) በራሱ መንገድ ገቢ ማሰባሰብ የሚያስችለውን ረቂቅ ሕግ እንዳዘጋጀ አስታወቀ፡፡ በአዋጅ ቁጥር 1011/2011 እንደ አዲስ የተደራጀው ተቋሙ፣ የተሰጡትን ኃላፊነቶች በመንግሥት በጀት ብቻ ለመተግበር አዳጋች እንደሆበት በማስታወቁና ይህንኑ ችግሩን ለመንግሥት በማቅረብ የራሱን የገቢ ምንጭ በመፍጠር በጀት ማንቀሳቀስ እንደተፈቀደለት አስታውቋል፡፡

የቅርስ ጥናትና ጥበቃ ባለሥልጣን ዋና ዳይሬክተር ተነሱ

የቅርስ ጥናትና ጥበቃ ባለሥልጣንን ለስምንት ዓመታት በዋና ዳይሬክተርነት የመሩት አቶ ዮናስ ደስታ ከሥልጣናቸው መነሳታቸው ታወቀ፡፡ ጠቅላይ ሚኒስትር ዓብይ አህመድ (ዶ/ር) ለአቶ ዮናስ በጻፉት ደብዳቤ፣ ከሐምሌ 13 ቀን 2003 ዓ.ም. ጀምሮ የባለሥልጣኑ ዋና ዳይሬክተር በመሆን ለአገር ላበረከቱት አስተዋጽኦ በማመስገን፣ ከሚያዝያ 4 ቀን 2011 ዓ.ም. ጀምሮ ከኃላፊነታቸው እንዳነሷቸው አስታውቀዋቸዋል፡፡

የነዳጅ አቅርቦትና ሥርጭትን የሚቆጣጠር ባለሥልጣን ሊቋቋም ነው

የነዳጅና የነዳጅ ውጤቶች አቅርቦትና ሥርጭትን የሚቆጣጠር ባለሥልጣን ሊቋቋም ነው። የነዳጅና ነዳጅ ውጤቶች አቅርቦትና ሥርጭት ተቆጣጣሪ ባለሥልጣን የሚል ስያሜ የሚኖረውን ይኼንን ተቋም የሚያቋቋም ረቂቅ አዋጅ ተሰናድቶ፣ ለሕዝብ ተወካዮች ምክር ቤት ማክሰኞ ሚያዚያ 1 ቀን 2011 ዓ.ም. ቀርቧል።

በማዕድናት ግብይት ላይ ከፍተኛ ቁጥጥርና ቅጣት የሚጥል አዋጅ ሊወጣ ነው

የማዕድናት ግብይትን በከፍኛ ቁጥጥር የሚያስተዳደርና ከተቀመጠው የግብይት ማዕቀፍ ውጪ በሚንቀሳቀሱ ላይ ንብረት ከመውረስ አንስቶ፣ እስከ አሥር ዓመት ጽኑ እስራትና እስከ 150 ሺሕ ብር የገንዘብ ቅጣት የሚጥል ረቂቅ ሕግ ለሕዝብ ተወካዮች ምክር ቤት ቀረበ።

በኢትዮጵያ የፖለቲካ ቀውስ እያጦዘ ለሚገኘው የጥላቻ ንግግር የሕግ ረቂቅ ምን ይዟል?

ካለፉት ሁለትና ሦስት ዓመታት ወዲህ የኢትዮጵያ ፖለቲካዊ ቀውስ በማጦዝ ረገድ ቀዳሚ አሉታዊ ተፅዕኖ እንደነበረውና አሁንም ይኸው ተፅዕኖው በአገሪቱ ፖለቲካ ላይ ጥቁር ደመናውን እንደጣለ የሚገኝ መሆኑ፣ ከልሂቃን እስከ ማኅበረሰቡ ድረስ የሚስማሙበት ግዙፍ ሥጋት ነው።

ለፌዴራል ጠቅላይ ፍርድ ቤት ዳኝነት ዕጩዎች የሚመለመሉበት መመርያ ተሻሻለ

የፌዴራል ዕጩ ዳኞችን የመመልመልና ወጥ ሥርዓት ለመዘርጋት መመርያ የማውጣት ሥልጣን የተሰጠው የፌዴራል ዳኞች አስተዳደር ጉባዔ፣ በሥራ ላይ የነበረውን የምልመላ መመርያ በመገምገም ማሻሻሉ ታወቀ፡፡ ጉባዔው ማሻሻያ ካደረገበት አንዱ የፌዴራል ጠቅላይ ፍርድ ቤት ዕጩ ዳኞች የሚመለመሉበት መሥፈርት ነው፡፡

ተንቀሳቃሽ ንብረቶችን ዋስትና በማስያዝ ብድር ማግኘት የሚያስችል ረቂቅ አዋጅ ለፓርላማ ቀረበ

ተንቀሳቃሽ ንብረቶችን በዋስትና በማስያዝ ዜጎች ከገንዘብ ተቋማት ብድር እንዲያገኙ የሚያስችል ረቂቅ አዋጅ፣ ለሕዝብ ተወካዮች ምክር ቤት ቀርቦ የመጀመርያ ዙር ወይይት ተካሄደበት። ምክር ቤቱ ማክሰኞ መጋቢት 17 ቀን 2011 ዓ.ም. ባደረገው ስብሰባ የቀረበው ይህ ረቂቅ አዋጅ መግቢያ እንደሚያስረዳው፣ የአገሪቱ ዘመናዊ የብድር ሥርዓት ተንቀሳቃሽ ንብረቶች በብድር መያዣነት ውለው ተጨማሪ ጥቅም ማመንጨት የሚችሉበት አሠራር ባለመኖሩ፣ የአገሪቱን ዕምቅ ሀብት በሙሉ ወደ ኢኮኖሚያዊ ልማት መለወጥ አልተቻለም።

በመንግሥት በብቸኝነት ተይዞ የቆየውን የቴሌኮም ገበያ ለውድድርና ለውጭ ባለሀብቶች ክፍት የሚያደርግ ሕግ ሊወጣ ነው

በመንግሥት በባለቤትነት በብቸኝነት ተይዞ የቆየውን የቴሌኮም አገልግሎት ዘርፍ ለውድድር ክፍት የሚያደርግ፣ ማንኛውም የአገር ውስጥም ሆነ የውጭ የግል ኩባንያ ፈቃድ አውጥቶ በቴሌኮሙዩኒኬሽን አገልግሎቶች ውስጥ በጤናማ የውድድር መርህ መሳተፍ እንዲችል የሚፈቅድ ሕግ ተረቆ ለሕግ አውጪው ፓርላማ ተላከ።