Skip to main content
x

አዲሶቹ የመከላከያና የደኅንነት አለቆች

ጠቅላይ ሚኒስትር ዓብይ አህመድ (ዶ/ር) ሐሙስ ግንቦት 30 ቀን 2010 ዓ.ም. ብዙ ጊዜ በማያጋጥም ክስተት፣ ሁለት ከፍተኛ የአገሪቱን የመከላከያና የደኅንነት ተቋማት ኃላፊዎችን በአንድ ቀን ተክተዋል፡፡ ጠቅላይ ሚኒስትሩ የአገር መከላከያ ሠራዊት ጠቅላይ ኤታ ማዦር ሹም የነበሩትን ጄኔራል ሳሞራ የኑስን በክብር ሸኝተው፣ ጄኔራል ሰዓረ መኰንንን በምትካቸው ሾመዋል፡፡

ጠቅላይ ሚኒስትሩ አዲስ የደኅንነት ኃላፊ ሾሙ

ጠቅላይ ሚኒስትር ዓብይ አህመድ (ዶ/ር) ጄኔራል አደም መሐመድን የብሔራዊ መረጃና ደኅንነት አገልግሎት ዋና ዳይሬክተር አድርገው ሾሙ፡፡ ጄኔራል አደም አቶ ጌታቸው አሰፋን ይተካሉ፡፡

ጠቅላይ ሚኒስትሩ በቅርቡ የደኅንነት አማካሪያቸው አድርገው የሾሟቸው አቶ አባዱላ ገመዳና በአሜሪካ የኢትዮጵያ አምባሳደር የነበሩት አቶ ግርማ ብሩ በጡረታ እንዲሰናበቱ አድርገዋል፡፡

የብሔራዊ ደኅንነት ምክር ቤት ወቅታዊ ጉዳዮችን በሚመለከት የሚወሰዱ እርምጃዎች ላይ እየተወያየ ነው

በጠቅላይ ሚኒስትር ኃይለ ማርያም ደሳለኝ፣ በብሔራዊ ደኅንነት ምክር ቤት ጽሕፈት ቤት ኃላፊና የመከላከያ ሚኒስትሩ አቶ ሲራጅ ፈጌሳ የሚመራው የብሔራዊ ደኅንነትና የክልል ደኅንነት አባላት የሚሳተፉበት ስብሰባ በጠቅላይ ሚኒስትር ጽሕፈት ቤት እየተካሄደ ነው፡፡

በስብሰባው ላይ በወቅታዊ ሁኔታዎችና በቀጣይ መወሰድ ባለባቸው እርምጃዎች ላይ ዕቅድ ቀርቦ ውይይት እየተደረገ ሲሆን፣ ዛሬ ኅዳር 1 ቀን 2010 ዓ.ም. ከቀትር በኋላ ውሳኔዎቹ ይታወቃሉ ተብሎ ይጠበቃል፡፡

በውይይቱ ላይ የክልል ርዕሳነ መስተዳድርና የደኅንነት ኃላፊዎች እየተሳተፉ እንዳሉ ለማወቅ ተችሏል፡፡