Skip to main content
x

የዘቢዳር ባለአክሲዮኖች 40 በመቶ ድርሻቸውን ለካስቴል ግሩፕ ላለመሸጥ እንደወሰኑ ተሰማ

በኢትዮጵያውያን ባለአክሲዮኖች የተያዘውን የ40 በመቶ የዘቢዳር ቢራ አክሲዮኖች ለመግዛት ካስቴል ግሩፕ ባቀረበው ዋጋ ያልተስማሙ ባለአክሲዮኖች ድርሻቸውን ላለመሸጥ መወሰናቸው ተሰማ፡፡ የግዥና ሽያጭ ድርድሩ ስለመቋረጡም የሪፖርተር ምንጮች አስታውቀዋል፡፡ 

አቶ በረከት ስምኦን ከዳሸን ቢራ ቦርድ አባልነት ተነሱ

የዳሸን ቢራ አክሲዮን ማኅበር በቦርድ አባልነት ሲያገለግሉ የቆዩትን አቶ በረከት ስምኦን፣ የጥረት ዋና ሥራ አስኪያጅ የነበሩትን አቶ ታደሰ ካሳና አቶ ወንድወሰን ከበደን በአዳዲስ የቦርድ አባላት መተካቱን አስታወቀ፡፡

ሦስቱን ተነሺ የቦርድ አባላት የተኩት አዳዲሶቹ አባላት የፖሊሲ ጥናትና ምርምር ማዕከል ዋና ዳይሬክተርና የቀድሞ የኢንዱስትሪ ሚኒስቴር ሚኒስትር አቶ አህመድ አብተው፣ የብሔራዊ ባንክ ገዥና ቀድሞ የብሔራዊ የፕላን ኮሚሽን ኮሚሽነር ይናገር ደሴ (ዶ/ር) እና የጥረት ኮርፖሬት ዋና ሥራ አስገፈጻሚና የቀድሞ የአማራ መልሶ ማቋቋም ልማት ድርጅት ዋና ዳይሬክተር አምሳሉ አስረስ (ዶ/ር) ናቸው፡፡

ዘቢዳር ቢራን ለመጠቅለል የተነሳው ካስትል ግሩፕ ግዥውን መቋጨት አልቻለም

በዘቢዳር ቢራ አክሲዮን ኩባንያ ውስጥ ዋነኛ ባለድርሻ የነበረውን የቤልጂየሙን የዩኒብራ ኩባንያን አክሲዮኖች ስለመግዛቱ ያስታወቀው ካስትል ግሩፕ፣ በኢትዮጵያውያን ባለድርሻነት የተያዙትን ቀሪዎቹን አክሲዮኖች ለመግዛት 1.3 ቢሊዮን ብር በማቅረብ ዘቢዳርን ለመጠቅለል እየተደራደረ ነው፡፡ አክሲዮኖቹን ለመግዛት ያቀረበው ዋጋ ግን ቢጂአይ ኢትዮጵያ፣ ራያ ቢራን ለመግዛት ከሰጠው ዋጋ እንደሚያንስ ተሰምቷል፡፡

ካስትል ግሩፕ የዘቢዳር ቢራን 58 በመቶ ድርሻ መግዛቱን ይፋ አደረገ

ካስትል ግሩፕ የዘቢዳር ቢራ ፋብሪካን 58 በመቶ ድርሻ መግዛቱን ይፋ አደረገ፡፡ ካስትል የቢራ  ፋብሪካውን ድርሻ የገዛው፣ የዘቢዳር ቢራን 60 በመቶ ድርሻ ከያዘውና ዩኒብራ ከተባለው የቤልጅየም ኩባንያ በደረሰው ስምምነት መሠረት እንደሆነ አስታውቋል፡፡

ከመጋቢት 19 ቀን 2010 ዓ.ም. (እ.ኤ.አ. ከማርች 28፣ 2018) ጀምሮ ዘቢዳር ቢራ በካስትል ግሩፕ ሥር ከሚገኙ ሌሎች አራት የቢራ ፋብሪካዎች ጋር መቀላቀሉን ካስትል ግሩፕ ለሪፖርተር በላከው መግለጫ ጠቅሷል፡፡

የቢራ ፋብሪካዎች በምርቶቻቸው ላይ የዋጋ ጭማሪ አደረጉ

የቢራ ፋብሪካዎች በጠርሙስና በድራፍት ቢራ ምርቶቻቸው ላይ የዋጋ ጭማሪ አደረጉ፡፡ ሰኞ ጥር 14 ቀን 2010 ዓ.ም. ቢጂአይ ኢትዮጵያ የተጀመረው የዋጋ ጭማሪ፣ በተመሳሳይ ሌሎቹም የቢራ ፋብሪካዎች የዋጋ ጭማሪ በማድረግ ምርቶቻቸውን ማከፋፈል ጀምረዋል፡፡ ሁሉም የቢራ ፋብሪካዎች ያደረጉት የዋጋ ጭማሪ በተከታታይ ቀናት ተግባራዊ የሆነ ሲሆን፣ የዋጋ ጭማሪያቸውም ተመሳሳይ እንደሆነ ለማወቅ ተችሏል፡፡ በሰሞናዊው የዋጋ ጭማሪ መታዘብ እንደተቻለው የአንድ ሳጥን ቢራ በአዲስ አበባ የማከፋፈያ ዋጋ ከ214 ብር ወደ 251 ብር ከፍ ብሏል፡፡ የአንድ በርሜል የድራፍት የማከፋፈያ ዋጋ ከ600 ብር ወደ 700 ብር ከፍ ብሏል፡፡

ሐይኒከን ቢጂአይን ተከትሎ የቢራ ዋጋ ጭማሪ አደረገ

በሳምንቱ መጀመሪያ ላይ የቢጂአይ ምርት በሆነው የቅዱስ ጊዮርጊስ ቢራ ላይ የተጀመረው የቢራ ዋጋ ጭማሪ፣ ከትናንት ጥር 16 ቀን 2010 ዓ.ም. ጀምሮ በሌሎች የቢራ ፋብሪካ ምርቶች ላይ መተግበር ጀምሯል፡፡

ከሰኞ ታኅሳስ 14 ቀን 2010 ዓ.መ. ጀምሮ የአንድ ሳጥን የቅዱስ ጊዮርጊስ ቢራ የማከፋፈያ  ዋጋ ከ214 ብር ወደ 251 ብር ከፍ ብሎ መሸጥ መጀመሩን መዘገባችን ይታወሳል፡፡

የሐይኒከን ምርቶች በተመሳሳይ የዋጋ ጭማሪ ተደርጎባቸው መሸጥ ጀምረዋል፡፡ የምርቶቹ አከፋፋዮች እንደገለጹት፣ አንዱን ሳጥን ቢራ በ251 ብር ተረክበዋል፡፡

ከምንዛሪ ለውጡ ሦስት ወራት በኋላ ቢራ አምራቾች የዋጋ ጭማሪ ማድረግ ጀመሩ

ከጥቅምት 1 ቀን 2010 ዓ.ም. ጀምሮ በኢትዮጵያ ብሔራዊ ባንክ ተደንግጎ ተግባራዊ የተደረገው በ15 በመቶ የምንዛሪ ለውጡን በመንተራስ የዋጋ ጭማሪ ካደረጉ በርካታ የንግድ ዘርፎችና አምራቾች ውስጥ የቢራ ፋብሪካዎች ይጠቀሳሉ፡፡ የቢራ ፋብሪካዎች የምንዛሪ ለውጡን በመከተል ያደረጉት የምርት መሸጫ ዋጋ ጭማሪ አግባብ እንዳልሆነ ተነግሯቸውና ሕዝብም እንዲያውቀው ተደርጎ፣ የብር የዋጋ ጭማሪውን በማንሳት እንደ ቀድሟቸው በነባሩ ዋጋ እንዲያመርቱ በመንግሥት መገደዳቸው ይታወሳል፡፡

የቢራ ፋብሪካዎች የዋጋ ጭማሪ ሊያደርጉ ነው

የቢራ ፋብሪካዎች የዋጋ ጭማሪ ሊያደርጉ እንደሆነ ታወቀ፡፡ ቢጂአይ ኢትዮጵያ በምርቶቹ ላይ የዋጋ ጭማሪ አድርጎ ማከፋፈል መጀመሩን ለማወቅ ተችሏል፡፡ በአገሪቱ ውስጥ ቢራ ፋብሪካዎች ከዚህ ሳምንት ጀምሮ በማከፋፈያ ዋጋቸው ላይ የዋጋ ጭማሪ ያደርጋሉ ተብሎ እየተጠበቀ መሆኑን የሪፖርተር ምንጮች የገለጹ ሲሆን፣ ቢጂአይ ግን ይህንን የዋጋ ጭማሪ ከዛሬ ጀምሮ ተግባራዊ አድርጓል፡፡

የራያ ቢራ ከፍተኛ ባለአክሲዮኖች ድርሻቸውን ለቢጂአይ ለመሸጥ ተስማሙ

የራያ ቢራ ባለአክሲዮኖች ድርሻቸውን ለቢጂአይ ኢትዮጵያ እንዲሸጡ የቀረበላቸውን ሐሳብ፣ ከፍተኛ ድርሻ ያላቸው ባለአክሲዮኖች እንደተስማሙበት ተገለጸ፡፡ ሌሎች ባለአክሲዮኖች በአንድ ወር ውስጥ አቋማቸውን ያሳውቃሉ ተብሏል፡፡